التوربينى و مدينة الرب البرازيلية

فليم مدينة الرب البرازيلى حصل على جوائز عالمية و مأخوذ عن قصة واقعى حدثت فى سبعينات القرن الماضى و لا تزال البرازيل تعانى منها حتى الان الا و هى المخدرات و العنف و بين الطبقة الفقيرة خاصة بين الاطفال

اللى يشوف الفليم ده يحمد ربنا على التوربينى و بلاويه بجد

من الناحية الفنية فى رايى ممتاز عالرغم من المشاهد العنف و الحنس اللى لم يمكن واضح فى رايى اوى

الفليم مؤثر لما تجد ولد عنده 6  سنين ماسك مسدس قد كده و بيضرب

للاسف انا مش زى شريف فى النقد باللغة العربية

اقوى جملتان فى الفليم و حواره هما

“ستيك انت رجل ؟؟

باستنكار و استهزاء من جميع الشباب من ستيك الذى لم يبلغ العشرة “

ويرد ستيك

“نعم انا رجل اتعاطى الكوكايين و ادخن الماريجوانا و اسرق و اقتل انا

رجل “

فقر و جهل و عنف و مخدرات و فساد شرطة تتعاون مع تجار المخدرات و اهمال حكومى تام لتلك المنطقة و لتلك المشاكل التى لفترة قريبة جعلت من تلك المنطقة “مدينة الرب” اشبة من مدينة الجحيم الحى

قام صناع الفليم بتسجيل قليم تسجيلى يحمل نفس الاسم يشرح بابعاد المشكلة و يكفى ان تعرف ان مبيعات الاسلحة الاميريكية فى تلك المنطقة فقط تبلغ المليارات

فى نهاية الفليم تسيطر على مدينة الرب عصابة من الاطفال التى تقتل زعيم المنطقة اطفال بالشورت و الشبابشب و هنا سخرية القدر لان ذلك الزعيم قتل طفل من اعضاء تلك العصابة قبل ذلك

و فى نهاية ببراءة الاطفال يسأل احدهم

“هل تعرفون عصابة الالوية الحمراء ؟؟

لا و لكن اذا جاءوا سنقتلوهم “

عالفكرة الفليم ده اشارة تنبيه لكل الدول اللى بتعانى من نفس المشاكل و على راسها مصر

اعلان الفليم الرسمى

و ذلك المشهد من الفليم “تحذير عنف شديد للغاية ”

عالفكرة ده زعيم المنطقة و العيال دول هم اللى هيقتلوه فى النهاية و منهم الولد اللى بيعرج

سؤال غبى حول فليم قائمة شندلر

انا شوفت الفليم اخيرا و انا عندى سؤال

لماذا تم منع الفليم من العرض او التداول فى مصر !!؟؟ انا لا ادرى حول بقية الدول العربية و لكن لا ارى شىء فى الفليم يجعله من الافلام الممنوعة مع العلم ان اللقطات العنيفة و الجنسية يتم حذفها

لا يوجد شىء حول اسرائيل فى هذا الفليم

و مع احترامى الشديد لا نستطيع ان ننكر ان فى الفترة النازية قد عان اليهود بشكل غير ادامى بسبب سياسات التفرقة العرقية مثلما عان العديد منها

الموضوع مش كم واحد اتحرق فى الهولوكوست ولا التهليل للنازية من قبل بعض العرب لمجرد كيدا فى اليهود

عالفكرة يجهل العديد من العرب انهم فى نظر النازيين جنس اقل اهمية شأنهم شأن اليهود

عالفكرة الفليم جعلنى اؤمن بان ما عان منه الاسرى المصريين فى 1967 سواء فى سيناء او فى ترحيلهم الى عتليت او فى عتليت نفسها هو نفس مع عان منه اليهود مع الفراق نفس العقلية النازية الغير رحمية

مشهد نقل اليهود فى القطار الى المصانع ذكرنى بنقل الاسرى الى شمال اسرائيل الفراق انه لم يوجد رجل مثل شندلر يروى عطش الأسر

بالفعل انا الان اصبحت ارى ان هولاء القادة و الحنود الاسرائيلين لم يكونوا الا تكرارا لنموذج النازى فى الكراهية و الحقد الاعمى

الريس و نص الجو

يوم الخميس اقامت القوات المسلحة حفلها السنوى للاحتفال بخريجى الكليات العسكرية مع خريجى الجامعات اللى عالفكرة و للمعلومة الخاصة لقرائى الاعزاء الخريجين دول ما مش دايما الاوائل الفاعلين , بس كده

الحفلة المملة كالعادة حضرها الريس و حرمه السيدة الاولى و طبعا القناة الاولى نقلت و كالعادة لم اتفرج عليها و ليتنى فعلت لانى علمت ان المطربة لطيفة غنت فى الحفلة و كان السؤال

يا  ترى يا هل ترى غنت لطيفة رائعتها الرحبانية “بنص الجو” للريس ؟؟؟

ممكن تكون غنتها عالاساس الحضور ده  من الريس و الجيش مش ها يفهموا عالطول المعانى اللى عايز يوصلها زياد الرحبانى 😉

فاكرينها ؟؟

فاكرين البنت المصرية دى

 

 

سعاد اخت القمر بين العباد حسنى اشتهر

مئة سنة سنيما

كل مئة سنة و انتوا طيبين

النقاد فى الاهرام اختاروا اهم 15 فليم فى تاريخ السنيما المصرية

معظهم عالرغم من جمالهم نكد و الحمد الله

مش عارفة لية النقاد دايما بيتجاهلوا الافلام الكوميدية زى بين السما و الارض و البداية لمخرج الاكثر من الرائع صلاح ابو سيف

فى رايكم ايه اهم 15 فليم فى تاريخ السنيما المصرية

عالفكرة مش ملاحطين ان الاهرام لم يهتم بالجمهور عالرغم من الجمهور له راى

المجلات الاجنبية زى امبير و فارايتى فى الاستفتاءات بتهتم براى الجمهور اولا و عالفكرة راى الجمهور هو اللى وصل افلام زى لورانس العرب و المواطن كين و ذهب مع الرياح الى قمة الاستفتاءات حتى الان عالرغم من مرور عقود على انتاجها

عالعموم الشعب المصرى اسفة الجالية المصرية دايما مغيبة و دايما هناك ولى امر لها فى كل حاجة

عالفكرة فليم المومياء يستاهل

[odeo=http://odeo.com/audio/13313513/view]

Sources:

• From Al-Ahram

30 سنة على حرب الكواكب

الجمعة الفات قعدت اتفرج طول اليوم على سلسلة حرب النجوم الشهيرة فى مصر بحرب الكواكب اساسا لا اعلم لماذا تسمى بحرب الكواكب و هى معناها الصحيح حرب النجوم ما علينا

انا من عشاق تلك السلسلة الجبارة سواء القديمة او الجديدة

عالرغم انى تعبت اقوى من الفرجة على 6 افلام وراء بعد الا انها متعة اولا  القصة وضحت امامك و لما توضح امامك معالم الملحمة الفضائية اللى كتبها عمك جورج لوكس و هو فى الجامعة هاتتفأجا انك امام قصة ذات مغزى سياسى خطيرة خاصة فى الحلقات الاولى الثلاث “تهديد الشبح و هجوم المسنتسخين و انتقام السيث” حيث تجد نفسك فى عالم مقارب للواقع حيث يلعب المستشار بلباتين لعبة جامدة جيدة ليصبح الامبراطور الاوحد للمجرة الامبراطور الذى يسيطر عن طريق الخوف الامنى

لقد اصبح الامبراطور بعدما اعطى له مجلس المجرة صلاحيات اكثر فاكثر بسبب الخوف من الانفصالين ,الانفصالين اللى كان ورائهم السنياتور اللى اصبح الامبراطور

خطة سياسية  عبقرية الغريب ان قى ارض الواقع تم استخامها التخلص من الاعداء واحد تلو الاخر علشان الساحة تبقى فاضية بتفكرك بجمال عبد الناصر و حافظ الاسد “مع عدم الاعتذار لمحبيهما”

و اقوى  جزء فى الافلام كان التخلص من فرسان الجيداى عن فارس منهم باع نفسه لقوى الظلام ليس للسلطة و لكن بسبب الحب

قصة حب اناكين لبادميه تحفة خاصة مع موسيقى جون ويليامز العبقرية بعزف اوركسترا لندن السيمفونى

و يبقى الامل مع ثمرة حب بادميه و اناكين سكاى ووكر مع لوك وليا  فرسان الجيداى اللذان  سيجلبان التوازن الى القوة و يهزما الامبراطورية لتعود الحمهورية

حقيقة انا مش عارفة ازاى واحدة زاى القمر زى ناتلى بورتمان و الوسيم هايدن كريستيان بجبوا عيال سخيف زاى لوك و ليا بالفعل الفرق الزمنى كان مسخرة عالفكرة ان باحب بادميه اكتر من ليا

و كمان بحب هان سولو عالرغم انا مش من معجبىهاريسون فورد “عالرغم برضه اناندنايا جونز كان البطل المفضل لى و انا صغيرة كان نفسى ابقى زيه او حتى يبقى عندى نفس البرينطة ” عن لوك سكاى ووكر يخرب بيته واد مراهق سخيف

وانا صغيرة كان نفسى و لازل حفيقى انى امتلك الاليين زى “ار2 دى2” و الطويل الاهبل اللى معه

لو اتيحت لى الفرصة فانا نفسى اعيش فى مدينة نابو او فى بلاد الشلالات اللى بتقع فى ريفها

اه و نفسى يبقى عندى دبدوبة زى الدبادبيب اللى انقذوا المجرة فى الجزء السادس “عودة الجيداى” الغريب ان قوات الامبراطورية و دراث فيدار عمرهم ما عرفوا بوجود المخلوقات البدائية الطيبة دى و يمكن ده سبب تدميرهم من منطلق يوضع سره فى اضعف خلقه بالفعل هم اللى جعلوا المعركة الاخيرة تحسب اللثوريين لانهم كانوا خارج الحسبة

نرجع لمعنى الملحمة اللى اخيرا فهمتها و او يمكن حبت افهما بطريق دى  الحلقة الثالثة انهت بالهروب الكبير للاخيار و انتصار بشكل ما للاشرار و اناكين  صار  دراث فيدار  و صرخ بصوته اللى صار الالكترونى “وا بدمياه” الا ان الحلقة الرابعة كانت بالفعل الامل الجديد لوجود فارس جبداى  اخير الا و  هو لعبث الاقدار ابن اناكين لا ادرى فى  ارض الواقع متى سيأتى الجيداى المنقذ ليعد القوة  هيبتها  و الحد يفهم

لا يفل الحديد الا الحديد

عالفكرة خبر جامد لوكاس هيعيد انتاج حرب الكواكب على اساس  مسلسل تليفزيونى لا تقولى لوست او جراى انتومى

دمه خفيف اوى يودا لما قابل سكاى ووكر جونير  استعبط عليه حلو

اوبى وان كونوبى ايان ماكجوير  كان جامد بس اليكس جبنس اجمد بصوته و تمثيل فى الثلاثية القديمة

جورج لوكس جدد نهاية الحلقة السادسة باضافة احتفالات مدن كورسنت وتاتوين و نابو

 اجمل حاجة فى لقطة النهائية عندما يرى لوك ارواح فرسان الجيداى  من يودا و اوبى و ابوه الحمد الله  لوكاس كان زكى بما يكفى ان يغير الرجل التخين الاقرع بهايدن كريستيان خاصة انه اعطى معنى ان دراث فيدار  رجع تانى  بقى اناكين

و كل سنة و مجانين حرب النجوم اللى زى طيبين

عالفكرة اه رايكم نتخيل  او مخرج مجنون مصرى قرر سرقة الملحمة و تقديمها فى مصر مين اللى يمثل فى الفليم ؟؟

الزعيم الذى فقد ظله

مستغربين ليه مش الزعيم قاعد فى الصف التانى وراء رئيس الوزراء !! انشا الله قررت مقاطعة فليمه الجديد مرجان 

عالفكرة انا مش ضد اللى بيقوله عادل امام لان ضد رايه و هو حر فيه و لكن الراى اشعر فية بكثير من النفاق و الكذب لان لا صدق فيما يقوله او يعتقده لان لو هذا حقيقى ما يعتقده تبقى مصيبة و يبقى الممثل الذى يدعى انه صوت الشعب هو صوت حد تانى

ملحوظة : من يعرف ان جمال مبارك سيصبح رئيس قوى ؟؟ عرف معنى القوة اولا فى السياسة ثم اجاب على هذا السؤال !!  

Link to Newsweek باللغة العربية

شعبولا و الفرح

و الله حتى يوم 6 مايو 2007  انشا الله هنسمع و هنشوف العجب عن فرح جمال مبارك من الاعلام و الجرايد

عالفكرة الحوار اللى عملته رابط هو حوار بين شعبان عبد الرحيم الغنى عن التعريف و صحفى من جريدة المصريون

اولا مع احترامى شديد ان عندى احساس بان الصحافة بتستغل شعبان و هو طبعا فهم انه بيستغلهم بذكائه الفطرى لكن طبعا هناك فرق

ان الصحفى سأله عن فرح جمال مبارك المقبل و انه لو يحيه متوقعا اجابة تجعل القارىء يسخر من جمال مبارك لان الاجابة هتكون ان نفسه يغنى فى الفرح و طبعا دى مسخرة عند ناس كتير ان ابن  الريس و بنت الجمال هيعنى فى فرحهما شعبولا

ايه رايكوا انى ما تضحكتش و ايه رايكوا انى  متاكدة ان شعبولا مش كداب ان عايز يغنى فى الفرح لغاية الصبح و انها ممكن تكون من قلبه بالفعل و انه عايز يخدم كطريقة ولاد البلد

عالعموم المطرب اللى نفسى يغنى للصبح فى فرح زى ده هو سعد الصغير  

Link to المصريون – صحيفة يومية مستقلة

 

Technorati tags: شعبولا, سعد الصغير, عناء, صحافة, مصر, افراح, جمال مبارك

روبى

لم اصدق نفسى عندما سمعت الخبر اليقين ان “روبى” ستظهر فى “البيت بيتك” كان خبر كصعقة

بتقولوا ايه يا ولاد روبى فى التليفزيون المصرى و ها يستضفها تامر و محمود سعد وخبر الموسم

ممكن التلفزيون المصرى قرر ان يرفع الحظر على اغانيها بعد ما قرر مكتشفها و محتكر مواهبها شر اسفة دكتور شريف صبرى ان يغير من صورتها فى الاذهان كالفتاة المثيرة اللعوب و يظهرها على حقيقتها و لذلك قرر ان لا يذيع اغنيتها الجديدة فى قنوات العرى التى كانت فى الاصل سبب شهرة “روبى” كقناتى  “مزيكا” و “ميلودى” و لكن الاغنية سوف تذاع حصريا على “او تى فى” كنوع من الدعاية لقناة و لان “روبى” الان تتبع  شركة ساويرس الجديدة للانتاج

جميل بس من امتى التلفزيون المصرى هيستقبل “روبى” و سيذيع ايضا الاعنية الجديدة ؟؟

التفسير الوحيد ان شريف صبرى مخرج الدعاية الانتخابية استخدم نفوذه فى لجنة السياسات و ايضا لجنة السياسات قررت استخدام “روبى ” لالهاء الشعب عى الاستفتاء بجعلها حديث المدينة

و الله دى مش نظرية مؤامرة

استنوا شوية

اولا  حلقة البيت بيتك يوم السبت كانت مقرفة ما عدا فقرة الفنان اللى باعشقه جمال قطب و بنته اللى باحترمها جدا جدا دكتورة هبة قطب و كانت مسجلة عالفكرة و كمان الاتنين دول انشا الله عايزين اعملوهم تدونيتان لوحدهم

ما عدا كده كل كلام فى الهوا  خاصة الفقرة اللى كانت حول الدستور اللى من تقديم وكيل النيابة تامر باشا امين

طبعا الاعلانات فى الفواصل كانت نازلة زى المطر “روبى بعد قليل ,روبى بعد قليل ” كما لو كانوا عايزين الناس تسحمل سخافتهم علشان الهانم

و الهانم جاءت فى اخر جزء فى البرنامج

دخول درامى فرقة موسيقية عاملة نفسها بتعزف و هى شاغلة على البلاى باك والهانم تدخل و تعمل انها بتغنى 

و بعدين تستقبلها منى الشرقاوى بمنهى الحفاوة و بوسة من هنا و بوسة من هنا حقيقى كان فى سؤال بيدور فى دمغى مين اللى هيتحاور معها سعد او امين

سعد ما كانش بيحبها هى و شريف صبرى و ده كان واضح فى الكواكب

اما  تامر امين فكان السؤال هيقابل فضيلة المفتى ازى يوم الثلاثاء؟؟

لكن الحقيقى يبدو ان الاتنين اعتذورا و سبوا السبق الاعلامى لمنى الشرقاوى التى تؤكد للاسف المفهوم الشائع اللى بيقول ان مش كل امرأة جميلة ذكية

منى الشرقاوى بانت ثقافتها الحقيقة و سطاحيتها الغبية فى حوارها مع روبى

اولا كانت بتكلمها كم لو كانت روبى لا سمح الله بانها عالمية !! امتى و فين

طب لو على المقاييس دى  حكيم هيصبح عالمى عالاقل غنى فى نوبل

ثانيا فرحانة اوى بغلاف مجلة بارى الناتش اللى للعلم العدد تقربيا اتمنع فى مصر علشان المواضيع السياسية اللى بتهجم الحكومة المصرية على حد علمى

اساسا صورة الغلاف قذرة مع احترامى الشديد لكل معجبين الست روبى

شىء يحعلنى اتحسر على مصر  و نسائها

و بعدين اذاعوا الرائعة الجديدة بتاعتها الاغنية اللى اول مرة تذاع على التليفزيون المصرى و يا عينى على السبق

اغنية على رايى جدتى السميعة الاصلية لتراث اللى بيعود اليها الفضل بعد الله سبحانه و تعالى فى جعلى عاشقة للموسيقى العربية الاصلية و الاصوات اللى عليها القيمة

تلك السيدة الحكيمة قالت

الاعنية دى كلمتان و بس مشيت وراء احساسى

اعنية مالهاش اى معنى موسيقى عربى على هاوس و واحدة قاعدة تتنطت و ترقص على واحدة و نص و  الهرم وراء و لا  اعرف سبب اصرار شريف صبرى ان يقحم الهرم فى الموضوع  و ما علاقته بان الست روبى بتمشى ورا احساسها

اول ما خلصت الشرقاوى كادت ان تقنلى

” الله يا روبى حلوة اوى تجنن  اول مرة اشوف الهرم  بالجمال ده !!”

نعم يا اختى  هوه حضرتك مستنية شريف باشا صبرى “مع عدم الخلط بينه و بين خال الملك فارق اللى عالفكرة كان بيحب  ام كلثوم”علشان تشوف جمال الهرم

هنا و قررت اقلب المحطة اتفرج على قناة “اى” و اشوف اخر مستجدات قضية المرحومة انا نيكول سميث عالاقل ارحم

عالفكرة انا مش متشددة انا من عشاق الموسيقى بمختلف انواعها اكبر ملف و اقدم عندى فى البى سى هو الموسيقى من جميع انحاء الارض من تسجيلات الشيخ سيد درويش الاصلية الى “الكاذب الجميل”

و لكنى لا احترم واحدة اول اغنية ليها كانت لابسة بدلة رقص كاملة و هز يا وز فى براغ

و مش عايزة اقول  اللى قاله الفاجومى فى قناة الحرة عنها لانى  مؤدبة