وقائع مصرية

وقائعى باللغة العربية

حريق مجلس الشورى

في 19 أغسطس 2008

البداية كانت حوالى 6 و ربع مساء بتوقيت القاهرة دخان رمادى كثفى يمكن رايته من شارع النيل فى العجوزة ,افتكرت ان فى

�ريق مجلس الشورى

حريق مجلس الشورى

الزمالك حريق ما

كده بكده انا كنت فى سكتى للزمالك مع خالتى فى سيارتها . فضول ما جعلنا نمشى وراء الدخان اساسا احنا  لم نعلم او نسمع الاخبار بعد عودتنا من العمل

وصلنا لغاية ميدان 26 يوليو و كانت المفأجاة النيران من الناحية التانية و يبدو ان الحريق كان ضخم جدا لدرجة ان تم استدعاء مطافىء و اسعاف الجيزة

من كوبرى قصر النيل افتكرنا انه حريق وراء شبرد

الموضوع شكله كان جامد لما وجدنا طائرات القوات المسلحة الخاصة بالاطفاء فى طريقها للحادث

نزلنا من على الكوبرى لميدان التحرير و علمنا من سواق تاكسى ان الحريق فى المجلس الشعب و الشورى و من ست بتشحت عرفت ان الحريق كان من الساعة 3

النيران و اللهيب واضح من الميدان

المبنى ده من ايام الخديوى اسماعيل تم تدميره

الصور من الحادث هنا

Advertisements

14 responses to “حريق مجلس الشورى

  1. لا حولة ولا قوة إلا بالله

  2. El Ma3alem كتب:

    بالشفا عقبال قصر الريس

  3. الحريق من الساعة 5.45 و إلى الآن الساعة 9.45 و مازالت النيران تتصاعد …
    المبنى عمره 200 سنة …
    تذكرت مبنى الاوبرا القديم … و المسافر خانة … ربا يستر على الهرم ….
    اللهم أعنا على معاقبة المقصر ….
    هل القاهرة تعاود الحنين لذكرى حريقها القديم 26/يناير /1952؟؟؟
    أخشى و إن كنت أرجو أن تتطابق العاقبة

  4. انا عاوز اقول حرام الي بيحصل في البلد الي ربنا كرمها وذكرها في كتابة الكريم اهبطو الي مصر تاكلون منها عدسها وبصلها وفولها حرام يحصل فيها كل دة البلد الي التاريخ بتعها بيدرس في جميع انحاء العالم يدمر ؟؟؟؟لية

  5. يزيد كتب:

    عندما شاهدت الحريق على التلفزيون اكتشفت انه اكبر من حجم الخبر الذي سمعته وانه حريق ضخم يلتهم تاريخ فهذا البناء ووفق ما صمم عليه يبدو انه مختلف عن المباني العصريه وتشم عبر الشاشة الزجاجيه والدخان المتصاعد عبق تاريخ ما لا استطيع ان احدد فترته ولكن شعرت بوجوده .
    من ضمن ما فهمت – ولا ادري ان كان فهمي خاطئ او لم اسمع جيدا نظرا للمكان الذي شاهدت به الخبر – ان في المبنى ادوار خفيه او كما سماها المراسل ” مسكونه “وليس المقصود بالاشباح ولكن انها ادوار داخليه بين الادوار ولا تتضح من الشارع اي ربما ليس لها نوافذ فاستنتجت ان هذا ربما يعد سببا لبطئ اطفاء الحريق خاصة وان هذه الادوار الخامة يسود بها الخشب عن اي عنصر آخر .
    حفظ الله الشعب وابناءه من كل شر وكتب لهم كل الخير في الايام القادمه ودوما وابدا .

    على الهامش :
    هذه الاماكن الاثريه يفضل ان لا تصبح منشئة عامه او ما شابه الا في حالة تجهيزها بانظمة طوارئ وآمان على جودة عاليه ، او من الافضل تركها كمتاحف ومباني تشهد على عهود لم تخلو من نظام وتكامل رغم ان التقنيات والاساليب المتبعه في البناء والامان كانت اقل ومع هذا بقيت صامده طوال هذه الاعوام ، وفي حال فقدان اي منها يصبح العمر الماضي وكانه لم يكن ، ومن المهم الان القيام بصيانته وفق الخرائط التي حفظت تصميمه والصور ، فهناك كوارث تحدث في العالم لكن الترميم يسعف بعض الشئ ، اما الكارثه الكبري وهي ماتحدث نظرا للظروف الاقتصاديه الصعبه في البلدان العربيه اليوم تجاوز الموضوع و اختصاره بكلمات قليله ( مبنى واتحرق ..نصيبه نعمل ايه !!؟ ) .

  6. مصطفى كتب:

    كان نفسى سيد قراره واخواته كانو جو علشان يبقى حريق فى الدنيا والاخرى ونرتاح من العصابة

  7. havacmaster كتب:

    من اعمالكم سلط عليكم . ولازم الكل يعرف ان ده بداية الانذار من الله . و اول الغيث قطرة ثم ينهمر .

    والغريب ان 99,9% من الشعب فرحان ومبسوط واكيد ده واصل للقيادة ( ياريت يحسوا على دمهم)

  8. zeinobia كتب:

    @احمد
    و نعمة بالله

    @المعلم
    مش عايز اقول امين لان اكيد القصر ده ليه قيمة ما

    @محمد عثمان جبريل
    اتفق معك فى كل شىء خاصة ما ذكرته فى النهاية

    @هانى
    ده حرام اوى حرام بالزيادة

    @يزيد
    لا اعلم شىء عن الادوار المسكونة انا هاسأل
    شكرا لشعورك الطيب
    بالفعل قدم المبنى لعب دور للاسف سيىء
    ما ذكرته فى الهامش هو لب الموضوع البيه صفوت الشريف بتاع محكمة الثورة طلع يقول اصل المبنى قديم اقوى
    طب لو قديم اوى ليه ما فيش صيانة و نظام طوارىء زى بتاع الجامعة الامريكية
    مجلس العموم البريطانى اقدم منه و مازال ماشاء موجود
    نحن لا نحترم اى شىء قديم للاسف

    @مصطفى
    كتير امبارح فى الشارع اتمنوا نفس الشىء

    @اhavacmaster
    الشعب عنده كبت الشعب تعبان و زهق

  9. alanany كتب:

    الكارثة الحقيقية أن الكوارث في مصر لا تقاس سوي بردود الفعل
    ليس أكثر
    لكن كارثة بحجم هذا الحريق المدوي أظن أنها مؤشر بالفعل شديد الخطورة علي ما وصل به حال القاهرة ومصر

  10. نهادحسن شاهين كتب:

    عقبال مقر الرياسة ويبطلوا نهب قى البلد ارحموا من فى السماء يرحمكم من فى الارض

  11. سلمى كتب:

    ان الله لايغيرما بقوم حتى يغيرمابانفسهم

  12. ساره كتب:

    حسبي الله ونعم الوكيل

  13. اه يا مصر يا غلبانه ولادك الكبار واكلين خيرك ومشغلين ولادك الصغار بالسخرة ومسمينهم محدودي الدخل مش عارف مين اللي اداهم الاذن يحددوا المسمي ده وعلي اي اساس 99% من ولادك محدودي الدخل يا مصر عمرك ما هتموتي لان ربنا اختارك لكثير من انبيائه وذكرك في القران وبكره ييجي اليوم اللي يتساوي فيه كل ولادك زي ما كنت اول الفتح الاسلامي وبعده بقرون طويله من الزمن
    وحريق مجلس الشوري انذار من الله انه قادر يغير ملامح الدنيا في لحظه ان لم يتغير اهلها الي الاحسن اللي ربنا يرضاه

  14. zeinobia كتب:

    @العنانى رد الفعل هنا معظمه نفسى حالة الشماتة جاية من الاحساس بالمراهية لكل رمز من رموز النظام و الله العظيم و انا فى الشارع قدام المجمع سمعت و رايت الناس بام عينى و شماتتهم و للاسف دى غلطة النظام للى جعلهم يشعروا بغرابة فى وطنهم لو المواطنين شعروا باهمية هذا المجلس الموقر و انه بيخدموهم لكن شعورهم مختلف

    @نهاد
    اظن ان المقولة ارحموا من فى الارض يرحمكم من فى السماء

    @سلمى
    و نعم بالله

    @سارة
    حسبنا الله و نعم الوكيل لنا جميعا

    @منهوب الدخل
    اول التسمية دى غلط من الناحية المنطقية لان كلنا هنبقى محدودين الدخل لاننا بنعمل عمل واحد ذو داخل واحد !!
    حريق مجلس الشورى اظنه انذار للنظام اكثر منه للشعب
    الشعب كان فرحان

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: