وقائع مصرية

وقائعى باللغة العربية

حوار منى الشاذلى مع جورج بوش

في 15 مايو 2008

المذيعة المصرية منى الشاذلى نجحت فى الحصول على فرصة نادرة جدا لمذيع فى مصر للحوار مع الرئيس الامريكى شخصيا حتى و لو لمدة 10 دقائق

منى الان تتعرض لهجوم بشع من الصحافة القومية الصفراء لاسباب متعددة منها الكراهية و الغيرة و منها اوامر عليا وصلت الى حد التشكيك فى البرنامج فبعدما كان اعداده من قبل الاخوان اصبح برنامج العاشرة مساء ممولا من السفارة الامريكية

على اية حال ها هو الحوار ,برجاء الضعط على الرابط “يا ترى الاخوة فى الموفع ده يغيروا البلاير المزعج البدائى ده !!”

تحديث حوار بوش على اليوتيوب 

ثانيا فى تعليق فى مدونتى الانجليزية بيقول ان منى اخطأت انها ذهبت فى هذا التوقيت الخاطىء فى وقت الاحتفال  بذكرى النكبة و ذهابه الى اسرائيل و خطابته فى الكينست !!

هل كان هذا خطأ ؟؟

الرجاء مشاهدة الحوار قبل الاجابة على الاستفتاء

Technorati Tags: ,,,,
Advertisements

11 responses to “حوار منى الشاذلى مع جورج بوش

  1. شو أستفادتك من الحوار.. حقيقة لم أشاهد الحوار ولكني سمعت أنه لم يكن صعب علي بوش الهروب والأجابة!

    جاري مشاهدة الحلقة.

    تحياتي

  2. zeinobia كتب:

    اعتراف من بوش بعدم وجود ديموقراطية فى مصر

  3. Gdedouy كتب:

    هي صحفية ومهمتها أجراء مقابلات
    وين المشكلة

  4. رافت كتب:

    بغض النظر عن اجابات بوش. فبوش كغيره من الساسه وان لم يكن الاضغف. فكم مرات رفض فيها اجراء حوارات مع مذيعين مخضرمين من الشبكات الامريكيه.
    اعتقد ان البوست بتاعك سواء هنا او فى المدونه الانجليزيه هو سؤال عن اذا كانت منى الشاذلى اخطأت ولا لأ.
    فى رأى ان منى لم تخطأ فى اى شئ. هو سبق صحفى لها كمذيعه ولكن احباء االفشل واعداء النجاح دورا على الف سبب يهاجموها بيه ومن ضمن الاسباب دى هو توقيت الزياره والحوار. على اساس انه موافق للنكبه.

    حتى موضوع توقيت النكبه ده فى حد ذاته مضحك. لان احنا زى ما احنا من 60 سنه. فى توقيت النكبه بنكتب قصائد شعر تغنى الماضى الجميل ولا يسمعها ولا يقرأها غيرنا احنا
    وفى اليد الاخرى تجد العدو الصهيونى بيدور العجله الاعلاميه على اشدها علشان يفهم العالم ان اسرائيل اتولدت
    ما تعرفيش كم الاعلانات اللى فى التليفزيون هنا. دعوات مجانيه للاحتفال بميلاد الدوله العبريه. سندوتشات فلافل بتتوزع فى الشوارع وتى شيرتات. ونحن ماذا نفعل. مازلنا نحارب بالكلمات الرنانه الموجهه الينا فقط.

    منى الشاذلى لم تتركب جريمه يا زينوبا. واقسم لك انها لو عملت الحوار ده فى اى وقت سوف تلاقى نفس الهجوم

    آسف للاطاله
    بس انا عارف ان كريمه:)

  5. doctoraydy2008 كتب:

    السؤال ليس أخطأت أم لم تخطيئ..أنا من محبي مني..لكن لم يعجبني هذا التكالب علي هذا الشخص بالذات و لست في حاجة لذكر السباب ..وما هو السبق في حديث معه؟؟..وهل هذا يعتبر من الوجهة الصحفية سبق..و ما إنتهت إليه في سبقها هذا..أعتقد أنم هذه كبوة لمني الشاذلي و ليس سبقا..و لدينا من الصحفييين الكثيريرن لو أرادوا ما أرادت لسبقوها ..ربنا يعفو عنا و عنها و يعافيها من كبوتها…

  6. zeinobia كتب:

    @ابن الشمال
    فى ناس فى مصر تنسوا ان عملها هو ان تتحاور مع البشر
    عالفكرة منى كان لها حوارات مع اشخاص زى خاتمى و مهاتير محمد و ليلى رستم و ايمن نور و نعمان جمعة و الراحل عزيز صدفى
    هناك حملة ضدها فى الصحافة القومية المصرية بطريقة سخيفة

    @رأفت
    على موضوع النكبة نفسى اعرف من الذى وقع فى خطأ اكبر
    منى و ذهابها الى واشنطن و حصولها على حبطة صحفية او تصدير الغاز الى اسرائيل و تهنئتة السيد الرئيس صديقه الاسرائيلى “اللى خطط الغزو الاسرائيلى لسيناء فى 1956 بمناسبة ذكرى الاستقلال
    و على رايك بقالنا 60 بنغنى و نرد على روحنا

    @دكتور اياد
    اختلف معك مع احترامى الشديد
    لم يفعلها العديد من الصحفيين فى مصر لانهم لم يفكروا فيها

  7. Gdedouy كتب:

    معناها التعامل الطبيعي مع هؤلاء الناس هو تجاهلهم

  8. AMR كتب:

    The issue of Shazly interview with GW Bush on the occasion of his visit to Israel to celebrate their displacement of the Palestinians has nothing to do with who she interviewed before or will be interviewing later. The timing is not appropriate and she should have asked for it a month ago or delayed it for a month later. The White House selected her and several other Arab reporters (from BBC-Arabic Service, Jordan, etc.) for these 10-minutes interviews to be seen only in Arab media. The vast majority of Bush interviewers are selected by the White House; other well known interviewers are rejected or ignored.

    The issue is also bigger than the Shazly interview and whether GW Bush discovered suddenly that Egypt is a mediocre or a lousy “democracy”. For decades now, we give too much attention to all the garbage said in America about Egypt as if America or its presidents are going to be the savior of Egypt from its endless misery. If Egypt is saved, it will not certainly be by GW Bush.

    Finally, I was personally horrified to see GW Bush requesting a visit to Egypt and S. Arabia immediately after he went to shower the Israelis with praise, promises, and aid, while ignoring any or all of their criminal actions. I was even more horrified that the Egyptians and Saudis accepted his visit at this particular time. Believe me, nothing GW Bush do or say will have any impact on what happens in this country.

  9. عبد الحميد بدوى كتب:

    وانا داخل بالميكروباص المدينة

    وقبل ما أدخل المدينة

    كل الأخبار حزينة

    كل الحكايات حزينة

    كل الوشوش حزينة

    والبلد كأنها طلعة من هزيمة وداخلة هزيمة

    والطريق حفر ومطبات ومجاري طفحة

    ومناظر أليمة

    ما تكلمنيش عن إنجازات

    كلها حاجات عقيمة
    *****
    وأنا داخل بالمكروباص المدينة

    وما بين وبين

    ما بين السواق اللي ما بيتفاهمش

    ويزعق ويقول في واحد ما حاسبش

    والباب مربوط بحبل علشان ما ينزلش

    والشباك كمان ما بيفتحش

    والحر وأيامة اللي مابترحمش

    قاعدين خمستاشر واحد كبس

    داغير كام سبت على كام طشت

    واحد بيقول ليا بريزة

    والتاني بيقول ياعم فين الريال

    ودة كلة واحنا في أول المشوار
    *****
    واحدة بتقول للجنبها ماعدش حاجة لها قيمة

    أحلي بني أدم ما يحصلش بهيمة

    قالت لها إزاي يا فهيمة

    فية اللي واكلنها ولعة اللي في التلفزيون واللي في السيما

    مش إحنا اللي مش عارفين نبني جدار بينا وبين الزريبة

    واللة انت اللي بهيمة

    هو احنا ياختي عايشين

    شوفي الناس اللي بيكسبوا ملايين

    أنا مش عارفه هايودوا فلوسهم فين ولا فين

    اللي عاندهم فادادين وفادادين

    وعمرهم ما زرعو ولا شافوا فلاحين

    وقاعدين في قصور حوليها اراضي ومساحة

    وفيها قال ياختي حمامات سباحة

    وفيها الخيل يجري يومين ما يعرفش الراحة

    مش زيينا بيحسدونا علي القيراطين

    ورجعت تقولها كل حاجة يااختي بقت نار

    والأسعار بتغلي كل نهار

    والعيشة غلب ومرار

    ولا عارفين نسوقوا ولا عارفين نجيبوا كيلو خيار
    *****
    ورجعت تقولها البنت بنت اختي كريمة خطبها جدع نجار

    عندة معرض معرض وعربية ومنشار

    كبير عنها يجي بعشرين سنة وزيادة

    بس ما عندوش شهادة

    قالت لها ياختي إن كنت عايزة عندنا الشهادات بزيادة

    قالت لها عندي الجعدان تلاتة

    كلهم مخلصين كليات ومعاهم أعلي الشهادات

    بعد ما كسروا دهرنا

    وصرفنا عليهم الأولوفات

    ما تقوليش ياختي هايمسكوا الوزارات

    والأخر قعدوا جنب إخوتهم البنات

    لا شغلة ولا مشغلة كل يوم بيلعنوا الشهادات

    بكرة هاتتستت وهاتبقى ست السيتات

    وباركيلي لكريمة

    وقللها خالتك عدلات هي اللي هاتفرق الشربات

    وماتحملش هم الشهادات

    هاجيبلها شهادات العيال بس تجيبلي بيهم بلح أمهات
    *****
    الواد ابني الكبير خاطب من اربع سنين

    كل شوية في مشاكل

    أهل العروسة مستعجلين

    بيقولوا يا كدة يا كدة

    إحنا مش هانفضلو مربوطين

    قالت لها علي اية كل دة

    دخلية في المطبخ جنب البوتاجاز يولعوا الشعلتين

    واللة إحنا اللي هانولعوا والدمعة محبوسة في العين

    والواد ابني الوسطاني أمين راح ليبيا من شهرين

    ومين يوم ما راح لا بعت ولا سأل ولا قال انتوا فين

    العيال من الغلب اللي شايفينة بقي قلبهم قاسي حبتين

    وأنا مش عارفة ألقيها منين وإلا منين

    والتالت ربنا ينجية ويحرصوا من العين

    شباب زي الورد تتهز الأرض من تحتهم هز

    اللي يشوفهم يقوم يفز

    يتكايلوا بالدهب

    البلد بتقولهم بالخط العريض طظ

    يعني إية اتعلموا تعليم عالي ياريتهم إتعلموا الهز

    واحدة تانية بتشكي اللي جانبها وتقولها

    إحنا ياختي جالنا إزالة

    وقال جايبين معاهم المطافي والإسعاف

    وعساكر لابسين اسود تقوليش إقحاف

    أول ما شوفتهم قلت خرب بيتك يا أنصاف

    أعمل إية سبع عيال وأمهم متغطيين بلحاف

    علشان ينبسطوا سادة القوم والأشراف

    هم قاعدين في برج عالي وإحنا الهم بنغرفوا منة بمغراف

    ولا عمرهم حسوا بينا ول كانوا علينا خفاف

    الراجل مات وسبلي العيال كوم لحم

    حمل تقيل ما تشيلة إكتاف

    ما لناش حد في الدنيا غير ربنا

    رب العدل والإنصاف
    *****
    واحدة فاعدة لوحدها بتدعي للريس من قلبها

    بتقول يكون في عونك يا أبو جمال

    عليك حمل ما يشيلوا جبال

    ربنا يخليك لنا ويخللينا جمال

    تلاتين سنة غارز أيد ك في النار

    علشان تخلي البلد في أحسن حال

    بس هي مشكلتنا كتر الخلفة والعيال

    علي شوية إهمال

    ولو ظبتنا نفسنا هانبقوا عال العال

    اللي عندة عيل وإلا إتنين ما بيبقاش عارف يربيهم إزين

    وانت عندك شعب

    واحد كان نايم جنبها

    بعد ما لاقاها بتدعي من قلبها سألها سؤال

    قالها يا حاجة عندك كام من العيال

    قالتلة عندي اربع جدعان

    قال لها في حد فيهم الريس بيعاملة زي جمال
    *****

    اتنين حريم بيتكلموا بتقول للجنبها

    المفعوص ابني جاب كرسي الحمام ووقف علية

    ومسك الكسرونة وقلب اللبن وهوة بيغلي علية

    الواد جسمة بقلل وقعد يصرخ وانا ما بقيتش عارفة اعمل اية

    شلتة علي كتفي وجريت بية عالقصر اودية

    لاقيتهم قاعدين خمس بنات وشبين لا حد اتحرك ولا حد قالي فية اية

    الا لما صرخت في وشهم قالولي بتصرخي لية

    قاتلهم الواد كب اللبن وهوة بيغلي علية

    وجسمة كلة أنحرق ايدية ورجلية

    قالولي هاتي كيس قطن وسرنجة وادفعي خمسة جنية

    قالتلهم وعلي اية ما اجيبلكم كيلو رنجة تتغدوا بية

    وجريت بالولد علي دكتور تاني كشفة عشرين جنية

    قعد كلة شوية يقولي اتأخرتي لية وانا ما باقيتش عارفة اقولة

    وواحد بيقول لتانى ابن عمي إبراهيم

    بعد سبع سنين غربة جي علي التربة

    أهلة باتوا في المطار ليلتين

    بيقولوا عيون الناس حربة

    والناس من القدر هايروحوا فين

    قال بيحسدوا الولد علشان جاب قرشين

    كانت كل البلد في الدفنة بيضربوا بالكفين

    مكتوب علينا الشقي ومن الشقي هانروحوا فين

    وأديك شايف الغلا يا حسين

    وبيحكوا قال جم ياخدوا الشيخ محمود

    خدوه السا عة إتنين

    ماحدش سأل رايح فين

    اصلها مش مرة ولا مرتين

    ده بقليلة ييجي تلاتين اصلهم متعودين

    إمال واجعين دماغنا ببلد الأمن والأمان

    قالوا ما لناش دعوة أصل دول إخوان

  10. انتى محبوبة الجماهير العربية والناس كلها بتحبك الى اكتر ما تتصورى انتى
    ولذلك اطلب منك طلب بسيط ان تهتمى بالناس المقصود هنا الناس البسطاء
    لسب بسيط لان هم دول اصحاب الحق والارض وهم الثروة الحقيقة
    وانا الصراحة معجبنيش الحوار مع بوش لانة لاياتى بجديد ولا بقديم
    ومن هو بوش اصلا وانا اعرف انة رئيس اكبر دولة فى العالم ولكن انتى بتقدمى
    رسالة والشعب الغلبان ما بيصدق ان حد يتكلم عنة فرجاء الاهتمام بالناس
    الغلابة لان هم دول صندوق الدنيا وقد كتبت قصيدة حواديت الميكروباص
    لان انا شايف ان مجلس الشعب الحقيقى هو عربية المكروباص ام مجلس الشعب تعب قلب وهم موفقون على قتل الشعب انتى متحملة المسئولية
    قدام ربنا وقدام هذا الشعب ورجاء التعليق على القصيدة لسبب بسيط لانها تستحق وانا عندما اكتب لااستمد كلماتى من المعتزلة ولا من ابو النواس
    كلماتى قبل ما اكتبها تكتبها قبلى الناس

  11. عبد الحميد بدوى كتب:

    شفت مرة عربية بحمار

    مكتوب عليها كلام حكم وكلام اشعار

    وكلام عن عذاب القبر وعذاب النار

    وكلام عن الجنة والعمل الصالح والابرار

    وكلام عن المعاصى واسترها يا ستار

    وكلام عن المعاملة وادب الحوار

    بين الصغار والكبار

    وكلام عن الكراسى والمناصب والدنيا كاس دوار

    وعليك تتعظ يا ابن ادام وبكرة فية جنة وبكرة فية نار

    واذكر الله وقول لاالة الاالله واستغفر الغفار

    وكلام عن الحسد وخمسة وخميسة مرشوقة

    فى ضهر العربجى وف رقبة الحمار

    مبقتش عارف دى عربية بحمار ولا نشرة اخبار

    عليها تاريخ مصر المعاصر وعليها اشكال والوان

    وعليها اهم انجازات البلد وصورة كبيرة لى ابتريكة الفنان

    ومكتوب تحتها امبارح وبكرة الاهلى فى اليابان

    ومكتوب عليها الحلوة تفاحة للسفر وللسياحة

    متقلش مشغلها اسكندرية اسوان

    قولت فى سرى الشعب المصرى شعب غلبان

    ومكتوب عليها كلام فى السياسة وفى الفلسفة والاقتصاد وفى البورصة كمان

    ومكتوب بالخط العريض احسبها يا انسان والبنى ادامملوش غير لسان

    والكبير كبير وياما فى الحبس مظاليم

    وحب الناس تحبك تعيش فى امان

    والوطن زى الام لازم يكون فى حنان

    وكلام عن حكومة بتستخدم مع شعبها اسلحة الدمار

    وكلام عن حالة الناس وكلام عن الاحتكار

    وكلام عن التعليم اللى بيخرج بعد عشرين سنة

    بنى ادام بهيم مع احترامى للبهايم والحمير

    وموت وانت رافع راسك احلى ما تعيش جبان

    واوى تكون عبد الا لى الرحمان

    والحمد لله وكدا رضا وتمام واقل من كدا كمان

    بقى نفسى اجيب كل وزير

    واشاور له على العربية وعلى الحمار يقرا الكلام

    روحت كلمت العربجى بقوالة انت عامل اية وكاتب كل دة لية

    قالى احنا بلد الكلام واناصحيح عربجى بس فى الاصل فنان

    والعربية بيتى وسكنى واهلى لا مؤخذة الحمار

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: