وقائع مصرية

وقائعى باللغة العربية

برجاء الانتباه

اولا كل سنة و انتم طيبين

دى اول فى المدونة فى 2009 اظن

للاسف حرب غزة اضطرتنى انى اركز فى المدونة الانجليزية

عالعموم الموضوع اللى هافتحه موضوع مهم و متعلق بحرب غزة

  من غير مقدمات فى صور بيتم تداولها فى المجموعات البريدية و المنتديات و المدونات على انها صور من حرب غزة 2009 و هى صور من حروب و بلدان اخر

زى صور من العراق و لبنان

زى صور من المجازر ضد المسلمين فى الهند و صور اطفال  جرحى حول العالم

ايوه النوايا كويسة و عظيمة و لكن

نحن نحاول فضح عدو يكره و يحارب الحقيقة اساليبنا يجب ان تعتمد غلى الحقيقة فقط

يجب ان تكون  صورنا و قصصنا حقيقة 100% لتوصيل الرسالة المراد توصيلها

 

2 تعليقان »

مش عايزينها تتجوز

مجلة روز اليوسف المتحدثة بأسم النظام أعلنت الحرب على الفيس بوك و قرر القائمين عليها تخصيص تقرير خاص على اكتر موقع الشعب المصرى بيدخله خاصة بعد اضراب الرابع من ابريل

االفيس بوك كما صورت المجلة لصياع و الشواذ و العيال الضايعة اللى عايزة تعمل منظر !!

الغريب ان الصحفية اللى قامت بهذا البحث لم تذكر ان رئيس التحرير عبد الله كمال عضو نشيط جدا فى الفيس بوك و عنده تطبيقات غريبة و تافهة زى “How hot I am ?? ” عالفكرة هو شله

الجميل ان ذكر فى كلمته فى العدد انه عضو و ان ناس كتير اوى بتضيفه فى قائمة الاصدقاء “لا ادرى السبب الحقيقى !!””

المهم ما استوقفنى فى التقرير الغبى الكاذب هجوم و استخفاف غير مبرر على المدونة صاحبة مدونة و كتاب “عايزة اتجوز” ا

الغريب ان الصحفية قالت ان صاحبة المدونة هى نادية حسن عالرغم ان اسمها غادة عبد العال

تحديث : نادية حسن عالفكرة  هى من انشا مجموعة معجبى مدونة عايزة اتجوز “واجب التنويه ”

المجلة بتتدعى ان المدونة عايزة اجوز لم تلق نجح “تروح تشوف مدونة رئيس التحرير ” و انها عملت مجموعة فى الفيس البوك لترويج لمدونتها و انضم اليها الاف من طلبى الزواج !!؟؟

هى الهانم اللى كتبت الموضوع مش عارفة ان الانسة غادة عندها كتاب ناجح اصدرته دار الشروق !!؟؟

و بعدين ليه لو على المجموعات اللى فى الفيس بوك فين الجروب الرائع بتاع رئيس تحريرها اللى عملوه بنفسه علشان ينشر مقالاته !!؟

نفسى اعرف اشمعنى غادة ؟؟ و مدونتها ؟؟

هو ده اللى اتنشر يا جماعة !!؟؟

20 تعليق »

نجح الاضراب و سقط القناع

مع احترامى الشديد انا ارى ان اضراب 6 ابريل اضراب ناجح “يا جماعة دى الشوارع كان فاضية كانت تحفة و لا ايام العيد”

و يكفى ان هذا الاضراب كشف الناس على حقيقتها و اسقط القناع عن كل الذين انهم يدعون انهم قوى معارضة و وطنية اولهم الوفد و التجمع اما الاخوان فلا استطيع ان احكم عليهم الان لان استطيع انا افهم موقفهم خاصة بعد انسحابهم من المحليات و الاحكام الظالمة ضدهم.

التحمع و الوفد اعترفوا بصفقات مع الوطنى من اجل الفوز القذر بالمحليات

مش بس القوى اللى مش وطنية انكشفت و لكن ايضا وسائل الاعلام

ابن ماما نونا اللواء معتز و المشير عمرو اديب ده غير طبعا وزير الداخلية اللى بيضرب اخبار حوادث فشنك فى الاهرام احمد موسى “و ظل يفكر و يفكر ”

ده غير مجنون الفيس بوك بتاع روزا هو و السخيف التانى المشكلة ان فى ناس كتييييييييييييير اوى انكشفت

و بمناسبة سقوط قناعهم

اهديهم اغنية من قتلت فى لندن غدرا

4 تعليقات »