وقائع مصرية

وقائعى باللغة العربية

يا جارة القمر امتى تزورينا ؟؟؟

و لقد غنت فيروز فى دمشق رغم انف الحاقدين من 13 أذار و عندما غنت فى دمشق سؤال طرح نفسه

لماذا لا تزورنا الست فيروز فى مصر مرة بعد كل هذه  السنين ؟؟

هى الست فيروز اقل من شارل أزنافور او انريكو ماسياس لتغنى فى الاوبرا المصرية ؟؟

يعنى نجيب ساويرس و جمال مروان جابوا انريكى اجلاسياس و بلو و الست شاكيرا هانم و مش عارفين يجيبوا الست فيروز !!؟؟

السيدة الاولى ماما سوزان راعت حفلة فيروز فى الاكروبول فى اليونان السنة اللى فاتت اشمعنى مش فى مصر !!؟؟

و فى نهاية  فيروز تشدو اهو ده اللى صار من الحان و تأليف  الشيخ  سيد درويش و توزيع زياد الرحبانى من حفلة بيت الدين 2004 اظن

[odeo=http://odeo.com/audio/17690183/view]

عالفكرة شكل الست فيروز مش هتغنى تانى فى بيت الدين علشان خاطر وليد بيك عالعموم ده شرف لها

Advertisements
2 تعليقان »

حول الدكتور شريف صبرى

200706222208340 كثيرا ما اجد نفسى اسال نفسى و من حولى حول شهادة الداكتورة التى حصل عليها المخرج شريف صبرى مكتشف روبى و مدمر الموسيقى العربية و مخرج الحملات الانتخابية لرئيس مبارك و جار السيد جمال مبارك فى العمارة الفخمة فى حى الزماللك و كانت الاجابات تتراوح بين داكتورة فى الاخراج -داكتورة فى الموسيقى -داكتورة فى السنيما – داكتورة فى البالية زى هالة سرحان !!

الا انها كانت المفأجاة عندما اكتشفت البارحة خلال برنامج “الطبعة الاولى” على دريم 2 ان المخرج شريف صبرى حاصل على شهادة الداكتورة فى الهندسة من الكلية الملكية لهندسة فى المملكة المتحدة !!

و المفأجات لم تقف عند هذا الحد

الداكتورة التى حصل عليها كان موضوع رسالتها هو :

استخدام الاسمنت فى بناء المفاعلات النووية !!!!!!!!!!!!!!!!!!!!!!!!!!!!!

و هكذا علمت لماذا يصر المخرج الفذ فى اضافة الدال قبل اسمه

طبعا كنوع من الافتخار

مع احترامى الشديد له لو كان يحترم شهادة الداكتورة التى يحملها و موضوعها ما كان ليرضى ان يقدم اعمال بذائية بهذا الشكل

لو كان يحترم العلم ما كان قدم اعمال تسىء للفن العربى و تدمر ثقافة جيل باكمله بهذا الشكل

لو كان يحترم الفن ما قدم ما قدمه

و على راى سعيد صالح فى المسرحية التاريخية “مدرسة المشاغبين

العلم لا يكيل بالباتجان

9 تعليقات »

نوستالجيا مصرية Take me back to Cairo

 

The land of Eternal sunshine

اولا شكرا جزيلا للعزيز الصديق دكتور احمد كامل اللى وجد ذاك الكنز الخفى فى يوتيوب

ثانيا ده اغنية مصورة مركبة جديثا و ليست الاصل

الاغنية هى “Take me back to Cairo”

لو فاكرين الاعنية دى كان سمير الاسكندرانى بيغنيها انا فاكرها و لكن طلع انها مش اغنيته فى الاصل

الاغنيه غناها “كريم شكرى ” المصرى الاصل الذى هاجر الى كندا فى الستينات و منها بدا مشواره كمغنى فى امريكا

الاغنية لاقت ناجحا هائل فى مصر فى الستينات

شكرى على حسب ما عرفت لازل يعيش فى مونتريال كمنتج و موزع للافلام

الاغنية عالفكرة من قلائل الاغانى الانجلو اراب الناجحة مقارنة بالفرانكو اراب

[odeo=http://odeo.com/audio/17284903/view]

powered by ODEO

7 تعليقات »

صعبان عليا عمرو دياب

“انا صعبان عليا “

قالها عمرو دياب امبارح فى حقل القوات الجوية بمناسبة اليوبيل الماسى لانشائها و التى حضرها رئيس الجمهورية و عائلته مع كبار رجال القوات المسلحة و خاصة القوات الجوية

الحفلة نقلها التليفزيون الرسمى المصرى على قناته الاولى بالامس

عمرو دياب غنى لمدة ساعتان اجمل اغانيه و كان ناقص يراقص الحجر زى ما بيقولوا و لكن ان كان يغنى لتماثيل كان ارحم

ما حدش كان بيصقف لعمرو على رغم من المجهود الجامد اللى عملوه

الريس قاعد و يبدو انه كان فى عالم تانى و اكتفى ان يصقف بفتور اوى بعد كل اغنية

عمرو فقد الامال ان يخلى فى بهجة

يمكن الناس دول بيحترموا الريس اوى هو يصقف بحماس نبقى نصقف بحماس و لو يصقف بفتور نبقى نصقف بفتور

مع احترامى الشديد القوات الجوية اساءت الاختيار لان عمرو باسلويه لم يكن الاختيار الانسب لمثل هذا الجمهور ايوه هو اغلى مغنى و انا متأكدة انه لم يأخذ مليم احمر او ابيض منهم “هل يجرؤ ؟؟”

كان من الافضل ان يختاروا فرقة الموسيقى العربية

عمرو كان ناقص يقولهم

“ابوس ايدكم صقفوا و نبى صقفوا !!

عالفكرة محمد و عمر احفاد مبارك شكلهم قاعدين صعبانين عليا اطفال فى الاخر مهم كان قاعدين فى حفل سخيف نكدى

hus-mubarak_6

10 تعليقات »

الريس و نص الجو

يوم الخميس اقامت القوات المسلحة حفلها السنوى للاحتفال بخريجى الكليات العسكرية مع خريجى الجامعات اللى عالفكرة و للمعلومة الخاصة لقرائى الاعزاء الخريجين دول ما مش دايما الاوائل الفاعلين , بس كده

الحفلة المملة كالعادة حضرها الريس و حرمه السيدة الاولى و طبعا القناة الاولى نقلت و كالعادة لم اتفرج عليها و ليتنى فعلت لانى علمت ان المطربة لطيفة غنت فى الحفلة و كان السؤال

يا  ترى يا هل ترى غنت لطيفة رائعتها الرحبانية “بنص الجو” للريس ؟؟؟

ممكن تكون غنتها عالاساس الحضور ده  من الريس و الجيش مش ها يفهموا عالطول المعانى اللى عايز يوصلها زياد الرحبانى 😉

أضف تعليق »

شعبولا و الفرح

و الله حتى يوم 6 مايو 2007  انشا الله هنسمع و هنشوف العجب عن فرح جمال مبارك من الاعلام و الجرايد

عالفكرة الحوار اللى عملته رابط هو حوار بين شعبان عبد الرحيم الغنى عن التعريف و صحفى من جريدة المصريون

اولا مع احترامى شديد ان عندى احساس بان الصحافة بتستغل شعبان و هو طبعا فهم انه بيستغلهم بذكائه الفطرى لكن طبعا هناك فرق

ان الصحفى سأله عن فرح جمال مبارك المقبل و انه لو يحيه متوقعا اجابة تجعل القارىء يسخر من جمال مبارك لان الاجابة هتكون ان نفسه يغنى فى الفرح و طبعا دى مسخرة عند ناس كتير ان ابن  الريس و بنت الجمال هيعنى فى فرحهما شعبولا

ايه رايكوا انى ما تضحكتش و ايه رايكوا انى  متاكدة ان شعبولا مش كداب ان عايز يغنى فى الفرح لغاية الصبح و انها ممكن تكون من قلبه بالفعل و انه عايز يخدم كطريقة ولاد البلد

عالعموم المطرب اللى نفسى يغنى للصبح فى فرح زى ده هو سعد الصغير  

Link to المصريون – صحيفة يومية مستقلة

 

6 تعليقات »

روبى

لم اصدق نفسى عندما سمعت الخبر اليقين ان “روبى” ستظهر فى “البيت بيتك” كان خبر كصعقة

بتقولوا ايه يا ولاد روبى فى التليفزيون المصرى و ها يستضفها تامر و محمود سعد وخبر الموسم

ممكن التلفزيون المصرى قرر ان يرفع الحظر على اغانيها بعد ما قرر مكتشفها و محتكر مواهبها شر اسفة دكتور شريف صبرى ان يغير من صورتها فى الاذهان كالفتاة المثيرة اللعوب و يظهرها على حقيقتها و لذلك قرر ان لا يذيع اغنيتها الجديدة فى قنوات العرى التى كانت فى الاصل سبب شهرة “روبى” كقناتى  “مزيكا” و “ميلودى” و لكن الاغنية سوف تذاع حصريا على “او تى فى” كنوع من الدعاية لقناة و لان “روبى” الان تتبع  شركة ساويرس الجديدة للانتاج

جميل بس من امتى التلفزيون المصرى هيستقبل “روبى” و سيذيع ايضا الاعنية الجديدة ؟؟

التفسير الوحيد ان شريف صبرى مخرج الدعاية الانتخابية استخدم نفوذه فى لجنة السياسات و ايضا لجنة السياسات قررت استخدام “روبى ” لالهاء الشعب عى الاستفتاء بجعلها حديث المدينة

و الله دى مش نظرية مؤامرة

استنوا شوية

اولا  حلقة البيت بيتك يوم السبت كانت مقرفة ما عدا فقرة الفنان اللى باعشقه جمال قطب و بنته اللى باحترمها جدا جدا دكتورة هبة قطب و كانت مسجلة عالفكرة و كمان الاتنين دول انشا الله عايزين اعملوهم تدونيتان لوحدهم

ما عدا كده كل كلام فى الهوا  خاصة الفقرة اللى كانت حول الدستور اللى من تقديم وكيل النيابة تامر باشا امين

طبعا الاعلانات فى الفواصل كانت نازلة زى المطر “روبى بعد قليل ,روبى بعد قليل ” كما لو كانوا عايزين الناس تسحمل سخافتهم علشان الهانم

و الهانم جاءت فى اخر جزء فى البرنامج

دخول درامى فرقة موسيقية عاملة نفسها بتعزف و هى شاغلة على البلاى باك والهانم تدخل و تعمل انها بتغنى 

و بعدين تستقبلها منى الشرقاوى بمنهى الحفاوة و بوسة من هنا و بوسة من هنا حقيقى كان فى سؤال بيدور فى دمغى مين اللى هيتحاور معها سعد او امين

سعد ما كانش بيحبها هى و شريف صبرى و ده كان واضح فى الكواكب

اما  تامر امين فكان السؤال هيقابل فضيلة المفتى ازى يوم الثلاثاء؟؟

لكن الحقيقى يبدو ان الاتنين اعتذورا و سبوا السبق الاعلامى لمنى الشرقاوى التى تؤكد للاسف المفهوم الشائع اللى بيقول ان مش كل امرأة جميلة ذكية

منى الشرقاوى بانت ثقافتها الحقيقة و سطاحيتها الغبية فى حوارها مع روبى

اولا كانت بتكلمها كم لو كانت روبى لا سمح الله بانها عالمية !! امتى و فين

طب لو على المقاييس دى  حكيم هيصبح عالمى عالاقل غنى فى نوبل

ثانيا فرحانة اوى بغلاف مجلة بارى الناتش اللى للعلم العدد تقربيا اتمنع فى مصر علشان المواضيع السياسية اللى بتهجم الحكومة المصرية على حد علمى

اساسا صورة الغلاف قذرة مع احترامى الشديد لكل معجبين الست روبى

شىء يحعلنى اتحسر على مصر  و نسائها

و بعدين اذاعوا الرائعة الجديدة بتاعتها الاغنية اللى اول مرة تذاع على التليفزيون المصرى و يا عينى على السبق

اغنية على رايى جدتى السميعة الاصلية لتراث اللى بيعود اليها الفضل بعد الله سبحانه و تعالى فى جعلى عاشقة للموسيقى العربية الاصلية و الاصوات اللى عليها القيمة

تلك السيدة الحكيمة قالت

الاعنية دى كلمتان و بس مشيت وراء احساسى

اعنية مالهاش اى معنى موسيقى عربى على هاوس و واحدة قاعدة تتنطت و ترقص على واحدة و نص و  الهرم وراء و لا  اعرف سبب اصرار شريف صبرى ان يقحم الهرم فى الموضوع  و ما علاقته بان الست روبى بتمشى ورا احساسها

اول ما خلصت الشرقاوى كادت ان تقنلى

” الله يا روبى حلوة اوى تجنن  اول مرة اشوف الهرم  بالجمال ده !!”

نعم يا اختى  هوه حضرتك مستنية شريف باشا صبرى “مع عدم الخلط بينه و بين خال الملك فارق اللى عالفكرة كان بيحب  ام كلثوم”علشان تشوف جمال الهرم

هنا و قررت اقلب المحطة اتفرج على قناة “اى” و اشوف اخر مستجدات قضية المرحومة انا نيكول سميث عالاقل ارحم

عالفكرة انا مش متشددة انا من عشاق الموسيقى بمختلف انواعها اكبر ملف و اقدم عندى فى البى سى هو الموسيقى من جميع انحاء الارض من تسجيلات الشيخ سيد درويش الاصلية الى “الكاذب الجميل”

و لكنى لا احترم واحدة اول اغنية ليها كانت لابسة بدلة رقص كاملة و هز يا وز فى براغ

و مش عايزة اقول  اللى قاله الفاجومى فى قناة الحرة عنها لانى  مؤدبة

14 تعليق »