وقائع مصرية

وقائعى باللغة العربية

داليا بعد هانيا

في 2 مارس 2008

فاكرين الاعلانين اللى كانوا بيقالوا “روحى يا بت يا هانيا عند كوبرى المنيب ” و عند كوبرى المنيب البت هانيا و احنا كلنا وجدنا عرض زواج “تتجوزينى يا بت هانيا” بالانجليزى

الواقعة التاريخية اللى المدونات و بعدين الجرايد  اكلمت عنها و يوسف معاطى استخدمها فى مسلسل “يتربى فى عزو”

دالوقتى اللعبة دى بقت موضة و يبدو انها اصبحت سبوبة رزق لشركات الاعلانات

بعد هانيا فى الانسة داليا و المتيم بحبها السيد فضل الذى يتمنى ان تكون زوجته From Fadl to Dalia

الاعلان الجديد موجود فى شارع وداى النيل بالمهندسين امام بنك سوسيته جنرال

الرسالة مكتوبة  باللغة الانجليزية و لا اعلم اذا كانت الانجليزية هى  اللغة الرومانسية الجديدة او علشان بقية الشعب لا يعلم ما بين فضل و داليا او ربما لاظهارعاطفتنا الجياشة امام السياح


6 responses to “داليا بعد هانيا

  1. Tarek قال:

    Waiting to see TV Proposals and Romantic Ads on Nile FM

  2. ألف قال:

    شريف نجيب قفل بقى.

    طبعا…الإنجليزية هي لغة الرومانسية المعاصرة، و لغة الحوار بين الأمهات الشيك و أطفالهن، و لغة شباب البزنس الناجح – موظفي الشركات الكبرى – بقيادة جمال مبارك.

    سوري، هاروح أرمي الشوز في الباسكت و ألبس الأندر و أرجع لك.

  3. mohamed قال:

    هايل .. دي اللي ناقصة فعلاً ..
    وفي نفس الوقت في أسر مش لاقية تاكل ..

    عمار يا بلدي ..

  4. molo1ov قال:

    .. تفليد ضعيففففف و مالوش لزمة لان بره العلاقة غالبا تعد كام سنة من غير جواز و تنتهى من غير جواز كمان عشان كده لما يعرض عليها الجواز بتبقى مفاجاة و لحطة مميزة

    لكن عندنا الجواز هو التطور الطبيعى و اى اتنين شبه محترمين بيكونوا عارفين ان ده هيحصل و كمان القرار مش بايد البنت بس لازم يعدى عل العيلة الكريمة و تبدى جولات المفاوضات الشاقة و بعديها قراية فتحة و خطوبة و كتب كتاب و فرح و افلام تنسف اى رومانسية فما فيش مجال للهتش الامريكانى ده عندنا الموضوع غريب و مش لايق علينا و دى اخرة الفرجة على 2 و 4

  5. zeinobia قال:

    @لست ادرى
    فى حظنا الهباب lol

    @طارق
    اولا كل سنة و انت طيب
    ثانيا حمد الله على السلامة
    ثالثا انت عارف اول ما ابتدا ارسال الراديو فى مصر كانت محطات الاذاعة اهلية خاصة زى نجوم اف ام و كانت بتذيع الاعلانات دى فلان افندى بيحب علانة هانم و لك ان تتخيل رد فعل الشعب

    @ألف
    و الله افتكر شريف نجيب و التدوينة بتاعه الله يمسيه بالخير
    والله الفيوتشر فوندشين سرها باتع !!
    عالفكرة الانجليزى دلوقتى زى الفرنساوى ايام الملكية

    @محمد
    اوى فى نفس الوقت ناس بتموت فى طوابير العيش

    @molo1ov
    و الله كلامك صح تقليد اعمى و سخيف و هى فى المجرد نوع من التفخر بالثراء

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: