وقائع مصرية

وقائعى باللغة العربية

حوار صريح جدا جدا

في 22 نوفمبر 2007

لأهلى المصريين فاكرين البرنامج الرمضانى الشهير “حوار صريح جدا” الذى كانت تقدمه منى الحسنيى بعد الافطار على شاشة القناة الثانية

ذلك البرنامج التاريخى السخيف الذى سبب شهرة شعبان رحيم

البرنامج الذى كان مشهور ان مذيعته السيدة منى الحسنيى قادرة على جعل كل ضيوفها ان يبكوا كما لو كان هذا انتصار لا اتحدث عن بكاء السيدة فيفى عبده و لكن بكاء رجال محترمين و عمالقة امثال : عبد المنعم مدبولى و احمد مظهر

فاكرين البرنامج السخيف ده اللى كان على حميدة المنحرف بيغنى اشارته الشهيرة “حوار صريح جدا جدا

اهو البرنامج طلع سيادة الريس نفسه كان بيتفرج 41عليه ؟؟

و الله ده مش كلامى ده كلامه سيادته لمنى حسنيى التى تعمل فى دريم حاليا عندما اتصل يهنأها على الحلقة بتاع وزير احمد المغربى فى برنامجها “نأسف للازعاج ” و الذى لا اشاهده لان كل ضيوفه من المنافقين و الكاذبين اتباع النظام و جميعا نحن متذكرين كيف هجمت الفاجومى فى اول رمضان العام الماضى لهجومه على حمال مبارك فى الكلام و اخره

دلوقتى هذه هى المرة الثانية التى يقوم الريس بالاتصال بمذيع برنامج فى دريم لتعليق على الحلقة ما

المرة الاولى كانت بعد حلقة وائل الابراشى الرائعة حول اختفاء فتاتين مسيحتين فى الدلتا و كانت ضربة معلم صحيح سواء من الريس او الابراشى

الغريب الريس يبدو لى متابع جيد لقناة الدريم 2 خاصة فى الفترة السابقة للبرامج الناقشية من 8 -9 مساء

و الفترة الحالية من 7.30 الى 8.30 مساء

يا ترى شاهد الحلقات الصادمة من الحقيقة تقديم وائل الابراشى حول المصريين فى اسرائيل ؟؟؟

و السؤال المهم يا ترى يشاهد حاليا برنامج “الطبعة الاولى ” ؟؟

و السؤال الاهم يا ترى يشاهد برنامج العاشرة مساء حتى يرى احوال رعاياه فى البلاد ؟؟؟؟

Advertisements

5 responses to “حوار صريح جدا جدا

  1. ايووووووووووه
    تاريخ…طاب انت فاكره روبى وبوجى وطمطم
    طاب فاكره البرنامج بتاع نجوى ابراهيم لما كانت بتسأل ناس فى الشارع شويه اسأله واللى يجاوب تقوله تحب تقابل مين..وراجل صعيدى غلبان قالها احب اقابل الريس..ويوم ما الراجل ده راح يقابل الريس لبوسه وهيئوه..والريس قالها يا نجوى انا فى خدمه الشعب
    هههههههه
    سؤال
    انت ليه دايما فى بدايه البوست بتحددى ان اسألتك للمصريين فقط..انا مصرى نعم..بس عاوز اعرف يعنى ايه الحكمه..
    تحياتى للوقائع العربيه واعجابى الشديد بالوقائع الانجليزيه

  2. ريس مسن اللي انت تقصديه
    الريس بتاعك في الشغل يعني ولا قصدك الريس ابو جمال بتاع الضربه الموكوسه ( قصدي الجويه ) ؟
    حسني ساب سوزي و جمال و خديجه و مجلس الوزرا و البلد تولع و بيتفرج على منى الحسيني المقشفه و معجب بشغلها
    لا تعليق
    و اهلا بك في بلد المضحكات …

  3. يزيد كتب:

    ومن ينسى حوار صريح جدا كان شكل منى اكثر طبيعيه دلوقت لا حصلت بلح الشام ولا عنب اليمين لاهي الشكل المصري الجميل المريح ولا هي افرنجيه بشعر اصفر فيه تشوه بالشكل وبالتالي يصاحبه تشوه بالمضمون واللي الى الان فيه اعتدال ونقاش غير هجومي ومؤلم العاشره مساء

  4. blueStone كتب:

    هو انتي عايزة الريس يتفرج ع العاشرة مساء … ؟؟؟؟؟!!!!!!!!!!؟؟؟؟؟؟؟؟
    ازاي؟؟؟؟؟ ده العاشرة مساءاااااااااااا

    والريس بينام بدري يا ظلمة يا مفترييين

  5. zeinobia كتب:

    @رافتانى و الله العظيم فاكرة البرنامج ده و كان “فاكر ثوانى تكسب دقايق و كمان كان الثقيل ممدوح موسى هو اللى بيعدوه كمان
    حول للسؤال هو موجه للمصريين لانى لا اظن ان كل الاخوة العرب فاكرين او عارفين الست منى الحسينى ذات الشهرة المحلية !!

    @يسارى بلد المضحكات لكن انهن اشبه بالبكاء

    @يزيد ده غير امللابس الغربية و الاكسسوارات الاغرب العاشرة مساء اصبح نمرة واحدة و صوت المعارضة فى مصر

    @بلوستون الريس ينام طب ياترى بيشوف الطباعة الاول ؟؟

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: