وقائع مصرية

وقائعى باللغة العربية

صعبان عليا عمرو دياب

في 26 أكتوبر 2007

“انا صعبان عليا “

قالها عمرو دياب امبارح فى حقل القوات الجوية بمناسبة اليوبيل الماسى لانشائها و التى حضرها رئيس الجمهورية و عائلته مع كبار رجال القوات المسلحة و خاصة القوات الجوية

الحفلة نقلها التليفزيون الرسمى المصرى على قناته الاولى بالامس

عمرو دياب غنى لمدة ساعتان اجمل اغانيه و كان ناقص يراقص الحجر زى ما بيقولوا و لكن ان كان يغنى لتماثيل كان ارحم

ما حدش كان بيصقف لعمرو على رغم من المجهود الجامد اللى عملوه

الريس قاعد و يبدو انه كان فى عالم تانى و اكتفى ان يصقف بفتور اوى بعد كل اغنية

عمرو فقد الامال ان يخلى فى بهجة

يمكن الناس دول بيحترموا الريس اوى هو يصقف بحماس نبقى نصقف بحماس و لو يصقف بفتور نبقى نصقف بفتور

مع احترامى الشديد القوات الجوية اساءت الاختيار لان عمرو باسلويه لم يكن الاختيار الانسب لمثل هذا الجمهور ايوه هو اغلى مغنى و انا متأكدة انه لم يأخذ مليم احمر او ابيض منهم “هل يجرؤ ؟؟”

كان من الافضل ان يختاروا فرقة الموسيقى العربية

عمرو كان ناقص يقولهم

“ابوس ايدكم صقفوا و نبى صقفوا !!

عالفكرة محمد و عمر احفاد مبارك شكلهم قاعدين صعبانين عليا اطفال فى الاخر مهم كان قاعدين فى حفل سخيف نكدى

hus-mubarak_6

Advertisements

10 responses to “صعبان عليا عمرو دياب

  1. هههههههههههههههههه
    كانت مسخره
    كان باين عليه قوي انه بيغني قهرا 😀
    الجدير بالعلم ان عمرو دياب عمره ما حضر احتفالات رسميه او اضواء مدينه او ماشبه
    إلا حفلة الامم الفريقيه لما غنا افريقياااااااااااااا
    بس فعلا كان مسخره

  2. Abderrahman كتب:

    تقريبا مش أول مرة عمرو دياب يغني قدام الرئيس، كان حتى عامل أغنية غناها في اوبريتات أكتوبر بيقول فيها حاجات من نوعية إنت أب لينا وكلام عبيط كده
    بس امبارح كان شكله جاي مخطوف في عربية ليموزين ازازها فيميه ومغميين عنيه لحد ما جه الحفلة، حتى كلامه بين الأغاني كان حاسه ملخبط شوية
    🙂

    ده عيب انك تكون مطرب مشهور

  3. hishameltawil كتب:

    والله عندك حق. أنا كمان كان عندى نفس الشعور و صعب عليا عمرو دياب قوى
    كان باين عليه أنه بيغنى من غير مزاج و إن ابسامته كانت مصطنعة

  4. sharm كتب:

    عمرو دياب ده كنج الغناء بجد
    كفاية انه شاور للريس و قاله على فكرة انا كمان بغني بقالي 20 سنة
    انا اتقتلت ضحك ساعتها

  5. يزيد كتب:

    نفسي اشوف اللقطه اللي فيها قال للريس كده .. مش موجوده في يوتوب ، واتفق ان الاختيار لم يكن مناسب فعمرو مش متنشي محمد ثروت ينفع او هاني شاكر

  6. zeinobia كتب:

    هى اللقطة ممكن تكون فى الحفل الكامل اظن الحفل موجود فى المنتديات زى ديفيدى العرب و لكن علشان تاخد فكرة عامة عن كيف كان الحال فى الحفلة دى اجزاء و اغانى غناها هناك
    http://filfan.filbalad.com/Personprofile.asp?PersonID=173&PageNo=12

  7. AHMEDSTAR كتب:

    رئيس مسخره وعمرو غلطان انه راح الحفله دى كان موت نفسه ولا غنى للااشكال دى

  8. الدرجون كتب:

    علي فكره زي ما قالوا عمرو مش اول مره يغني قدام الريس

    بس عمرو دياب مفيش زيه حد تاني

    ده الامبراطور والدنجوان وزعيم الغني العربي

    وده مطرب عالمي لو مش هوه المطرب العالمي
    مكنوش خلوه يغني قدام الريس

    المايستروو حسااااام
    black_tiger4921@yahoo.com

  9. kano كتب:

    عمرو ده فنان

  10. kompo كتب:

    ياجماعة عمرو دياب نجم كبير وعيب الكلام دة ووجودة فى الحفلة دى اكبر دليل على نجوميتة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: