وقائع مصرية

وقائعى باللغة العربية

من اطلق الرصاص على نجمة الجماهير ؟؟؟

في 12 أكتوبر 2007

حوار بين خالتى و خالتها فى تانى يوم رمضان

خالتى :”طنط شوفتى مسلسل نادية الجندى “من اطلق الرصاص على هند علام” ؟؟

خالتها : انشا الله يضربوها بالجزمة !!!!!

السيدة الحديدية نادية جندى مصممة على تكون المرأة الخارقة و لديها ايمان كاذب بانها نجمة الجماهير للاسف كذبة و عيشها

اجمل  حاجة القناة الثالثة فضحت كذب الست المتصبية اللى عمل انها عمرها ما راحت لدكتور تجميل فى حياتها و انها تانى مرة تمثل فى التليفزيون ازاى !!

كعادة فقر القناة الثالثة لالقتهم بيذاعوا حلقة مسلسل قديمة اوى اوى بطولة الراحل الله يرحمه محمود المليجى !!!!

اوى المليجى و يبدو ان المسلسل كان متصور فى اواخر السبيعات 😆

و المهم ان الست نادية الجندى طلعت فى المسلسل ايام ما كان شعرها بنى و طبعا كانت منكسرة و جاولت الهرب من المليجى لكن فشلت

مسخرة عالفكرة لا احد فى العائلة الكريمة يتفرج على مسلسل هند علام

المشكلة فى نادية جندى انها فاكرة نفسها من ملاك تشارلى اسفة هى اصغر و اجمل من جيسكيا البا

واحد ذكى مرة قال ان افلام نادية الجندى بتدور فى هذا السياق :

ترقص و تحب و احد يكون ابن ستين فى سبعين اصغر منها بعشرين سنة

الواحد ده لازم يضربها بالقلم ثم يشد شعرها

فى ناس دايما من الاعداء الوطن سواء من الموساد او من الارهابين اللى دايما عايزيين يتخلصوا منها و ساعات بيغتصبوها و يعذبوها كمان miss_piggy5

و هى دايما فى الاخر تعود لتنتقم من الجميع !!!

ساعات بحس ان الست دى بتعانى من عقدة اضطهاد صعبة

عالفكرة لا ادرى السبب ليه كل ما اشوف نادية الجندى افتكر ميس بيجى يمكن علشان الشعر الاصفر او يمكن انهما يشتاركان فى ان تعيشا فى دور الديفا!!

Advertisements

17 responses to “من اطلق الرصاص على نجمة الجماهير ؟؟؟

  1. ههههههه
    تصدقي هما فعلا شبه بعض
    بس بجد الست دي مزوداها
    ست من بقايا الثوره مش عارف كلب مين اللي بينتجلها و فارضها عالينا بالاسلوب المقزز دا
    و المصيبه انها متصوره انها على قدر عالي من الانوثه
    و هو امرأه مقززه لا تثير في كرجل اي غرائز بالعكس دي تحرضني على الفضيله 😀
    و شريكتها الكئيبه إلهام شاهين
    فعلا ست كئيبه
    انا على قناعه تامه انها بتمثل لسببين :
    – عشان تجيب الواد ابن اختها و قرايبها يمثلوا و يظهروا في التلفزيون معاها
    – عشان تعمل ادوار كئيبه و تصوت و تعيط و تلطم ( انعكاس لحياتها المزريه بعد ان كبر سنها و اصبحت لا تلفت انتباه ‘لا كلاب السكك )
    المسلسل بتعها مفيش حلقه منغير ماتعيط او تصوت او تلطم
    توب علينا يارب

    ( انا لسه مكتشف مدونتك العربيه ولكني متابع للوقائع الانجليزيه )
    كل سنه و انتي طيبه

  2. يزيد كتب:

    بدون مبالغه دي عيديه ، الموضوع ده عيديه .. وكمان موضوع ملهم ومهم لانه خلاني افكر بتوضيح فكرة معينه حول هذا النوع من الاعمال الموجود مثلها في العالم الغربي وصنفت وفق ما تستحقه .. للمزيد من التفاصيل اتمنى زيارة مدونتي .

  3. zeinobia كتب:

    @يسارى كل سنة و انت طيب اولا
    ثانيا انا هاموت على روحى من الضحك
    “مرأه مقززه لا تثير في كرجل اي غرائز بالعكس دي تحرضني على الفضيلة
    فككرتنى بالهام شاهين مالها هى هى و اخوها
    يخرب صوتها و صراخها

    @يزيد اولا كل سنة و انت طيب مع فرق التوقيت
    ثانيا العيدية بالفعل كانت تدونتك الرائعة عالفكرة التدوينة دى قديمة و كنت حفظها عيدية العيد كان مفروض اترجمها من المدونة الانجليزى !!

  4. يزيد كتب:

    عزيزتي زنوبيا شكرا لمرورك وكل سنه وانت بالف صحه وخير ونعمه وكل من تحبي ، وبالنسبه لمدونتك الاجنبي تصميمها وشكلها جميل جدا وموضوعتها 100% كونها بتنقل افضل صوره للآخر عن الاوطان العربيه ككل و بجد مدونه مشرفه بس اعتب عليك اهتمامك بتصميم المدونه هناك اكتر من هنا واعزيت ذلك لصعوبة تعامل اللغه العربيه مع المدونات – من واقع تجربه ليه فتره عايز اكبر الخط ولم تكلل بالنجاح بعد – بالنسبه للمسلسل اللي مع محمود المليجي ابيض واسود ؟ وتصوير سينمائي ..لان ماما شافت لها زمان مسلسل في تلفزيون مصر اسمه الدوامه مع محمود ياسين ونيللي ومش عارف اذا هو ولا لا بس بجد نفسي اشوف المسلسل ده وموسيقته هاني مهنى كانت ماما بتحبها …ومره اخرى يجعل كل ايامك طيبه ولو قدرتي تترجمي حاجات من المدونه الانجليزي لهنا ح يكون برضه جميل و اكثر من رائع .

  5. Stylish كتب:

    للأسف الشخصيات اللي زيها هما اللي بيلطخوا الفن .. و على رأي الجروب إياها السؤال الأهم دلوقتي من الغبي اللي أطلق الرصاص عليها و مقتلهاش ..

    ربنا يريحنا منها

  6. محمد كتب:

    والله هم فعلا فيهم شبه من بعض
    الحمد لله ان الواحد اتشغل جدا فى رمضان فمبقاش عنده وقت يشوف اى مسلسل
    ناديه الجندى كانت ليها تيمه مميزه كمان فى افلامها زمان وهى انها بتبدأ من الصفر و تصل فى الاخر للقمه والكل بيجرى وراها
    كانت افلامها مسخره و الله ..مقاولات بمعنى الكلمه
    ماشوفتش اى حلقه من المسلسل ده او غيره بس اكيد انه هيكون مسلسل عك فى عك و ربنا يعوض فى الفلوس اللى بتدفع لواحده راح عليها الزمن

  7. zeinobia كتب:

    @يزيد اولا شكر جزيلا على الكلام الجميل ده اولا حول التصميم للاسف ورد برس دوت كوم لا تتيح الفرصة فى التغير فى التصميم زى ورد برس المستقل ده غير موضوع اللغة اللى لاسف انا لا افهم فى شيء بالفعل لان لا اعرف كيفية تعريب التصميم
    حول المسلسل هو لم يكون الدوامة انا شوفت الدوامة بس ش فاكرة ان نادية طلعت فيه موسيقى المسلسل كانت موجودة فى منتدى ما يمكن يكون سماعى زمان اتا هادور عليه

    @امين يا رب هى و الهام شاهين و نبيلة عبيد فى ساعة واحدة

    @صحيح يا محمد هى دايما بتبدى من الصفر و الكل بيجرى وراها علشان يحطمها انا نسيت النقطة دى

  8. LOL !

    بس خليني أقول لك حاجة.. إلهام شاهين برضو ليها فيلم يشفع لها (يا دنيا يا غرامي)، و نبيلة عبيد لها أفلام كثيرة تشفع لها. إنما نادية الجندي مالهاش فيها !

  9. lasto adri كتب:

    همه الشلة اياهم دى… وكل حد منهم مقتنع تماما بشئ وهو مش صح ابدا
    اظاهر من كتر التمثيل فى قالب شخصية واحدة.. مابقوش قاجرين يفرقوا ما بين الحقيقة والخيال..
    واصبح كله صنية بطاطس سنوية عشان الاولاد

  10. نادية الجندي كانت بالفعل في مسلسل الدوامة، أظن أنها كانت طالعة في دور “غازية” أو “غجرية”.. حاجة كده من اللي بيلسولها منديل بـ قوية فيه شخاليل.

  11. عادل هلال كتب:

    كلامكم كله صح – بس انتم بتهاجمو ناديه الجندي وإلهام شاهين بس ليه – نسيتو ان فين ناس تانية انتهت صلاحيتها ومازالو بيمثلو غصب عننا – زي نبيلة عبيد وسميرة أحمد وفيفي عبده وبيقولو ان نجوى فؤاد راجعه بعمل درامي – يعني مش هنخلص من طقم العواجيز ده خالص – انا أقترح – دعوتهم كلهم بلا استثناء لحفل عشاء – وأكيد هييجو طبعا عشان هما عالم مفاجيع همهم على بطنهم – وبعد ما أطمن أن العدد كامل – نكرر مذبحة القلعة مرة تانية – وبكده نكون خلصنا من دار المسنين ده للأبد.

  12. zeinobia كتب:

    @عادل و الله سميرة احمد مش زى نادية الجندى عالاقل بتعترف سنها لكن باقى الاسماء تستهل الحرق

  13. كيكو كتب:

    يتبقى نجمة الجماهير رغم انف الكل.
    و انتوا مالكم ما دامت تتلقى عرو ض مسسلسلات فلها الحق بالتمثيل فالفنان ليس كخيل الحكومة بعد ان يكبر يقتل.
    فعلا نادية الجندي في غاية الجمال و لا احد من جيلها بقي محافضا على شبابه مثلها.
    بالتوفيق

  14. تامر كتب:

    كل اللى بيشتم نادية الجندى حمار جاهل متخلف أعداء النجاح ولاد كلب والحيوان اللى عامل الموضوع دة أبن ستين كلب ونادية الجندى نجمة الجماهير ومحدش جاب أيرادات زيها ولا نجح نجاحها ولا نجمة جماهير زيها ونادية الجندى فوق الكل و أنتصرت على الكل بأفلامها اللى بتعرض على جميع القنوات الفضائية حتى الأن وأنتم مجموعة من الجهلاء الواحد ميردش عليهم أصلا يا متخلفين يا بهايم يا ولاد الكلب

  15. تامر كتب:

    نادية الجندى فوق الجميع وهى نجمة الجماهير متغاظين لية مش عارف ونادية الجندى مش كبيرة فى السن زى ما أنتم عارفين مش بقولكم جهلاء حمير بهايم

  16. عبد السلام كتب:

    أنا أتحدى كل من يشكك في قدرات الفنانة القديرة الموهوبة و العظيمة نادية الجندي !!!!!!!!! و انه على ذلك لا أسمح بأية مقارنة مع أي فنان كان !!!!!!! نادية أعظم ممثلة و أقوى فنانة في الوجود !!!!! و كل هذا قليل أمام ما قدمته هذه المعجزة الفنية للسينما و للعالم ……
    واله العظيم بدون أي مجاملة نادية الجندي أقوى ممثلة بلا منازع و كل من ينتقدها فبسبب غيرة و حقد . كل أعمالها بدون أي استثناء محملة قضايا جد هامة و معلجة لخفايا المجتمعات و التستر عنها … لذا فمن ينتقدها متسببا بالاغراء فهو يقف عند التفاهات و عاجز عن فهم مقاصد الفلم و خفاياه !!!!! ثم ان الفلم أو القصة أو السناريو يتطلب تلك المشاهد بالتحديد .. و هذا لا يعني أن نادية ليست محترمة …. بالعكس !!!!!!
    محب نادية الجندي و مقدر لفن و أعمال نادية الجندي بكل فخر و اعتزاز !!!!!!
    عبد السلام من تونس
    الي بيشتم فيها جاهل و ابن كلب
    و على فكرة موضوع فاشل

  17. عبد السلام كتب:

    نادية الجندي أعظم ممثلة و أجمد فنانة اطلاقا و لا مجال للمقارنة بيها يا جهلة يا قلال الأدب
    نادية الجندي نجمة جماهير العالم أسطورة و أهم رمز من رموز السينما على طوووووول

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: