وقائع مصرية

وقائعى باللغة العربية

الملكة فريدة المظلومة

في 2 أكتوبر 2007

لا ادرى لماذا الظلم الواضح فى حق الملكة فريدة فى مسلسل الملك فاروق

Queen Farida wedding photoshot "1"

اولا اختاروا اسخف ممثلات الجيل الجديد منة فضالى و اعطوها دور يسرا كانت هتموت عليه لولا رفض اسرة الملكة الراحلة

ثانيا الدكتورة لميس جابر اظهرتها فى الدور العصبية المملة الشكية المتعجرفة على طول الخط ده غير تهميش دورها سواء فى الحياة العامة و كونها ملكة القلوب فى مصر او سواء فى حياة الملك فاروق

انا قرأت كثيرا انها كانت بتحب ذلك الرجل لدرحة انها رفضت تتزوج بعد موته و يكفى وفقتها بعد موتها و اصرارها ان يندفن فى مصر  و طلبها من الرئيس السادات لدفن فاروق فى المقابر الملكية فى الرفاعى بعد سنين من دفنه فى مقابر الممالبك !!!

كل ده عالرغم انه اتهمها فى شرفها !!

كل ده عالرغم ان المظاهرات طلعت فى طلاقها  تقول “خروج الطهارة من بيت الدعارة “

مش ممكن اختزلال كل ده زى ما كان فى المسلسل

بجد انا زعلانة لان الدكتورة لميس كان يجب ان تعلم انها بتعيد كتابة تاريخ مرة اخرى

 

Advertisements

23 responses to “الملكة فريدة المظلومة

  1. yasser_best كتب:

    تابعت معظم حلقات مسلسل الملك فاروق، وبقدر إعجابي بفكرة الاهتمام بتاريخنا، بقدر ما شعرت بعدم الارتياح لكثير من التفاصيل التي وضعتها كاتبة المسلسل د. لميس جابر.. فهي تقدم شخصيات معينة بحجم أكبر من حجمها الحقيقي، وتزيد جرعة الوطنية عند هذا، وتخفف من حقيقة هذه.. إلخ
    أتمنى أن أكتب عن ملاحظاتي بشأن المسلسل بعد انتهاء الحلقات بإذن الله..لكنني أقول لك أمرين:
    أولاً: نعم، هناك صورة غير دقيقة للملكة فريدة وحياتها في المسلسل
    ثانيا: هل تعرفين قصة الملكة فريدة و الضابط الرسام الذي وردت حكايته في الوثائق البريطانية وتحدث عنها الكاتب الصحفي محمد حسنين هيكل؟
    أتمنى أن تكتبي عن أخطاء المسلسل التاريخية، وإن شاء الله سأكتب عنه قريباً.
    مودتي

  2. lasto adri كتب:

    حاولت اتفرج ع المسلسل دا… لكن مش بقدر اكمل حلقة واحدة على بعضها لاصابتى بالملل الشديد
    وغير الملل القرف…
    يعنى الملك فاروق طالع فى صوره مش عجبانى ابدا
    المسلسل كله مش عاجبنى معرفشى ليه بالظبط….
    ومش قادرة افهم السر وراء اختياره للعرض

  3. zeinobia كتب:

    @بالفعل فى شخصيات اعطتها اكثر من حجمهم

    لا اعرف قصة الضابط الرسام يا ريت تقولنا عليها يا دكتور

    اول الاخطاء او اول القصيدة هى انهم مصممين ان ملك مصر بس مش ملك مصر و السودان و حاكم دافور و كردفان
    تانى حاجة المسلسل مصمم ان نازلى كانت ضحية و انها مسكينة
    نازلى تزوجت حسنين عرفى بالفعل و الكلام ده موجود فى كتاب عادل ثابت اللى ذكرت منه د.لميس واقعة فاروق لما لقى امه مع حسنين فى بيته عالفكرة الواقعة الصحيحة انه وجدهما فى جناح الملكة و وجههما و بكل صراحة حسنين قاله انه متجوزها ده غير زيارة القدس
    انا منتظرة الحدث الاخطر الا و هو زواج فتحية من رياض غالى بكل حساسيته و كيفية معالجته

    @بلو اختلف معاكى المسلسل افضل ما تم انتاجه حول هذه الفترة و مفيش سر وراء اختياره بلاش و نبى كلام الناصريين

  4. يزيد كتب:

    للامانه لم اشاهد المسلسل بعد ، مخليه لبعد رمضان متسجل ع الفيديو اروق واحسن ، بالنسبه لتناول اي عمل تاريخي فيه مشكله وعلى مستوى العالم وهي رؤيا كاتب العمل اللي غصب عنه لازم تطلع ولو حاول يكون محايد ، وبالتالي يبدو لي مما قرأت انها اعادت لفاروق الحياديه التي كانت مفقوده وفي المقابل حدث بعض الاهمال لعناصر وشخصيات اخرى لا تقل اهميه كون الملك في المسلسل جزء من كل فهو ابن ، زوج ، اب ، رجل وملك .. لذا كان لابد من تناول هذه التفاصيل بدقه مع الطرف المقابل له مثلا كاب مع الابناء كزوج مع الزوجه او عدم التطرق اذا كان سوف يبدل من شخصية الطرف الاخر ، عموما الكل يعرف الملكه فريده وتعففها وقد قابلتها طفلا في لندن في احد المحلات التجاريه وكنت لا اعرف انها الملكه فريده وكنت ابكي اريد ان اشتري دفترا للمواليد الجدد يكتبون فيه بيانات الطفل متى ولد وكم عمره حين مشى الخ ورفضت والدتي شرائه .. فأستأذنت امي واشترته لي ..وحين بادرتها امي قائله معليش انا سوف اشتريه له اصرت ان تشتريه هي .. في ذلك اليوم حكت امي القصه وعرفت انها الملكه فريده واحببتها لا لتاريخها او ماشابه لكن للأثر الذي تركته في نفسي وطريقة حديثها وزيها ..وحتى ايماءة راسها وابتسامتها المحسوبه الدافئه وليست المفشوخه من الودن للودن … مشكلة العالم العربي والعالم ككل هو انه اما يؤله الشخصيه ( كما حدث في مسلسل ام كلثوم ) او ينقدها بشكل بشع ( كما حدث مع رموز مصريه لسنوات منهم الملك فاروق ) وما ننساش ان الحقيقه كما يقال ..لها الف وجه

  5. zeinobia كتب:

    الله ده ذكريات حلوة اوى طب يا ترى محتفظ بة حتى الان او لا ده حاجة اثرية

    للاسف دكتورة لميس اعتمدت على تعريف الجوانب اللى معروف فى الفترة دى فى الشخصيات اللى حول الملك و الملك نفسه يمكن اعتمدت ان فريدة محبوبة و معروفة قصتها لناس
    كمان دكتورة لميس لم تستطاع ان انها تبتعد عن الاحداث السياسية اللى هى محور الاحداث انا نفسى اول مرة اعرفها حراك سياسى من الدرجة الاولى مرحلة غنية جدا و مش الملك فاروق بس اللى تم انصفه بل جميع الساسة اللى تم اتهمه بالفساد و الخيانة

  6. يزيد كتب:

    يس .. محتفظ بيه 🙂 .. وفي الجلسات العائليه بسمع ان فيه ناس بتشكي من تعدد الشخصيات في المسلسل بشكل اثر على ظهور كل منها واعطائه دوره فمن لا يعرف تاريخ مصر ( مشاهدي الدول العربيه ) قد يغيب عنهم بعض الاحداث فلا يوجد بريف او راوي يحكي مثلا ..مثلا زي الافلام الاجنبيه يدخل راوي بس مش يبقى مسلسل اذاعي كنوع من القاء الضوء بدون اقحام مشهد كامل عشان توضيح حقيقه او تقديم المشهد مبتور .. ويوضع الراوي من اول الفيلم ولا يطلع في الاحداث كبطل بل راوي فقط يبدا المسلسل وينتهى ولن نشاهد وجهه وليس ايضا تعليق كفيلم وثائقي لا ..فيه تعليق درامي زي صلاح جاهين في فيلم شفيقه ومتولي فهمتيني ؟

  7. zeinobia كتب:

    @انا فاهمة اقصدك هو بالفعل للمشاهد العربى بالنسبه له هيبقى طويل و مليان احاث ممكن تبقى مش مثيرة او ذات اهمية المشاهد العربى عايز التركيز اصلا على الملك فاروق
    احنا كمصريين فاهميين و عارفيين الناس دول زى مكرم و النحاس و المسلسل مش بس بعيد الحق لسياسيين قبل الملك اللى اتظلموا من الثورة انا كمصرية كنت اجهل تماما الوزارت المختلفة و اجهل اصول 4 فبراير و احداثها فقط ان الملك حصر من قبل الانجليز علشان حكومة الوفد
    و كمصرية لم اكن اعلم من هو على ماهر او احمد حسنين سوى ان ده كان وزير و لة اخ وزير و التانى بتاع ستات و بس
    صعب نفهم اللى حصل للملك فاروق من غير ما نفهم اللى حوله من ناس و دورهم و ازاى ما كل ابتدا يفهم هو كشخصية بسبب صغر سنه و عدم تكملة تعليمه جعلته شبه لعبة فى ايدى اللى حواليه معتمد تماما على ارائهم و اهوائهم فيجب لذلك فهم الشحصيات اللى كانت موجودة
    عالفكرة القصة و السنياريو لم يكونا للمشاهد العربى اساسا و لكن للمشهد المصرى لان النص اتكتب على حسب ما تقول الدكتورة لميس لتليفزيون المصرى و التفكير ان مصر هى اللى هتتنتح العمل فى اول اربع سنين

  8. Reader 3 كتب:

    Happy Eid to all
    After watching the last 2 episodes, I have to say that Dr. Lamis “writer” handled the Fatahia issue well so far. I’ll provide my opinion once the serial is complete

    With regards

  9. zeinobia كتب:

    Reader 3 , yes thank goodness she handled the Fatahia issue well , with all consideration of the tension in Egypt now regarding similiar issues , still she did not handle the rest of the downfall very good

  10. ابن ناصر كتب:

    يا ستي قطع الملكة فريدة علي منة فضالي !
    وبعدين الظلم مش للملكة فريدة بس ده لكل الشخصيات !
    تحياتي

  11. zeinobia كتب:

    @حضرتك ناصرى 🙂

  12. الملـكة فريـدة كتب:

    انتظري صدور الطبعه التانية من كتاب “الملكة فريدة تروي أسرار الحب والحكم “..
    كان نزل من زمان وسيعود نشره من دار الشروق

  13. علي فكرة انا نـاصري أه بس بحب الملكة فريدة جدا
    وتعليقي اللي فوق تفهمي منه اني بشتم الملكة لأ أصل الواحد متنرفز من المسلسل الغريب ده ,ومتقوليش افضل ما قدم لا ,اولا دي مش الملكة فريدة خالص اللي طلعت في المسلسل دي شخصية تانية غيرها !!!
    تحياتي
    ابـن نـاصر

  14. يمنى كتب:

    ان شعب مصر ظلم اسرة محمد على باكملها ولو كنا بنقرا تاريخ المؤسسات المصرية كنا عرفنا ده

    مثال : جامعة القاهرة

    ولم يكتفى بظلم اسرة محمد على فقط بل ظلم الرئيس محمدنجيب ايضا

  15. اية كتب:

    صة الرسام البريطانى اشاعة سخيفة زى اشاعات سخيفة كتيرة تقال عن الاسرة المالكة
    ياريت كان فضل فاروق الملك الا كان بيحب بلده والا تنازل عن العرش من اجل مصر

    عموما ده كان احسن من العصابة الاى حكمت مصر أو الظباط الاشرار

  16. eman كتب:

    انا مش عارفه ليه انت بتقول كده على دور الملكه فريده فى المسلسل بالعكس انا حبيت منه فضالى جدا ويسرا مين دى اللى كانت هتنفع فى الدور دى تطله نظلى ماشى مش فريده وكمان الملك فاروق جايبنيه بصوره حلوة اوى لدرجه انى حبيتهم وحبيت قصه حبهم وبئيت ادخل على مواقع ليهم كل دا من التمثيليه

  17. dodn كتب:

    انا شايفه بقى ان المسلسل جميل جدا
    وبيروى حقائق لا جدال فيها……….
    وعن دور الملكه فريده منه فضالى اتقنت الدور بشده وبعدين المسلسل مظلمهاش ولا حاجة بالعكس

    وعايزه اقول يا جماعه ان اى حكم ليه مزاياه وعيوبه سواء قبل التوره او بعدها
    يعنى مثلا كان فيه اخفاقات كتير فى عهد عبد الناصر او السادات وحتى مبارك
    احنا بس اللى بنتكلم وخلاص ومبيعجبناش العجب

    اتمنى من اى حد انه يقرا تاريخ مصر من كذا مصدر وميصدقش اى كلام وخلاص

    والله بحبك يا مصر بحبك كده زى ماانتى
    شكرا

  18. الملك محمد الاول كتب:

    الملكه فريده من اعظم الملكات وفي نظري افضل من الملكه ناريمان فريده التي احبها الشعب المصري وللاسف الجيل الحالي لايعلم عنهم شئ واتمني ان تسير زوجتي الملكه مي علي نهجها

  19. فاطمه كتب:

    علی فکره انا قرات عن تاریخ مصر الحقیقی ولیس تاریخ الثوره التی وضعته وانا اشجع د/لمیس جابر علی هذا المسلسل الجمیل واعرفکو ان الثره قامت لاعمال السلب والنهب والدلیل علی ذلک ان اسره محمد علی باشا حکمت مصر147عاما وکانت مصر فی تقدم مستمر اما الثوره بقلها57عاما ومصر فی تدهور واقول للدکتوره لمیس ربنا یعینک ویقدرک وتعرفینا تارخنا الحقیقی کمان وکمان

  20. ناریمان كتب:

    انا اشجع الملک فاروق وعهده وافضال الاسره المالکه علینا کتیر واطلب من الذین یشجعون الثوره انهم یفکرون بعقلهم لا یقلدون مایسمون اوما یدرسون عنها وارید ان اعرف لو کانت الثوره علی حق لماذا لم یکن الحکم للملک احمد فواد الثانی

  21. منى مصطفى كتب:

    بالعكس المسلسل كان هايل ورائع وصادق وتيم الحسن اجاده بشكل حلو جدا وكذلك منه فضالي ووفاء عامر

  22. thamar كتب:

    ( بس قرأت هذة القصة حبيت في شىء ضروري كانت دكتورة لميس وهي أيضا كانت سياسية الاولى في مصر وغنية جداً و ذكياً)
    و في العائلية في ناس بيشتكي من عدد المسلسلات على شكل ظهور كل من اعطائه دوره و لا أحد يعرف التاريخ مصر (المشاهد دول العربية)

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: