وقائع مصرية

وقائعى باللغة العربية

و الله العظيم كان ملك السودان برضه

في 25 سبتمبر 2007

اشاهد يوميا على قناة ال أم .بى.سى مسلسل الملك فاروق الذى تعرضه القناة حصريا رمضان هذا العام

مبدئيا العمل كويس جيدا  التمثيل اكثرمن رائع و اثبت ان الممثلين المصريين من غير النجوم هم نجوم من الدرجة الاولى فى التمثيل

تيم حسن شهادة نجاحه الفعلية فى هذا المسلسل و بكره هيسحب البساط من تحت جمال سليمان و ايمن زيدان خاصة انه شاب و وسيم

الاخراج كويس لا استطيع ان اقول انه اكثر من رائع ليس هجوما على المخرجين السوريين لا سمح الله و لكن لاسباب هاقول بعدين

اولا لنا اشاهد العمل و لدى فكرة جيدة عن تلك الحقبة عن الحياة السياسية والاقتصادية و الاحتماعية و قد قرات عن الصراع فى السرايا و عن الملك فاروق و عائلته كثيرا و لا يخفى هوايتى فى جمع الصور الملكية و متأكدة ان دكتورة لميس قامت بعمل رائع باظهار الحقيقة اول مرة

و الله العظيم الملك فاروق كان ملك السودان برضه

انا مش عارفة زى دكتورة لميس نسيت الموضوع ده كل شوية تيم حسن يصرخ و بقول “انا ملك مصر ” و الله العطيم السودان كمان

اوى القوات المصرية كانت برة السودان الا انه ملك السودان و حاكم درافور و كردفان “درافور كان لها ملك من القبائل هناك ”

غلطة قاتلة طبعا لان لمن يجهل هذه الحقبة لن يعرف هذا و هذه هى الخطورة

ده طبعا لا يأتى جانب الخطأ الاكبر شىء و هى الغلطة التى وقعت فيها دكتورة لميس لا ادرى لماذا

التجهل التام لحال الشعي المصرى الجانب الاخر من العملة

تم نغطية السرايا و الساسة و لكن اين الشعب للاسف حاتم على لا ادرى لماذا تلك النظرة النمطية له فى المسلسل

المصريين فى القهاوى و الستات بالبراقع فى القاهرة

و مدينة اسكندرية هى مدينة صيادين !! للاسف مصر لم تكن كذلك

فى حاجة تانى حاتم على زعلان اوى انه لم يصور فى القصور الملكية التى اصبحت رئاسية على عينى و على راسى و لكن قبل ان نتحدث على القصور الملكية يجب ان نتحدث على الملابس الملكية

ده تهريج ملابس لا ادرى من اى عصر او اى بلد

مصمم الازياء لم يكلف نفسه عناء بان شاهد صور من تلك الحقبة فى العالم او فى مصر

مصمم الازياء لم يشاهد اى صور ملكية ليطلق لنفسه العنان

و دى مش مسئولية المصمم بس دى مسئولية المخرج قبل المصمم

ملابس غريبة

و النظرة النمطية للاجانب قبعات حتى فى المكاتب  والشعر الاشقر المنسدل بدون تسريحات عالرغم ان فى تلك الحقبة الشعر كان يرفع او يدرج

الملابس التاريخية فى المسلسل خاصة النسائية و الله العظيم تهريج و اترك الحكم لكم

ده غير الغلطات السخيفة الصغيرة فى المسلسل مثلا

الغلطة السخيفة  الملكة فريدة كان شعرها قصير مدرج فى رحلة سويسرا الشهيرة الصور موجودة الا لسبب غريب صافيناز ظهرت بزعروتين كطفلة ساذجة الصور ايه و ممكن تشوفوها و الصور دى موجودة فى معظم الكتب و على الانترنت مجانا من وكالة جاتى و كوربس !!

The Egyptian Royal family in a holiday

الملكة فريدة ورا الاميرات جانب الاميرة فوزية

ربما اكون قاسية و هذا لان توقعت ان يكون العمل افضل من كده و لا تنسوا هذا ليس عمل درامى محلى لكنه عربى مخرج و ممثل سوريان و انتاج سعودى !!

و انا لا اقارن هذا العمل بالاعمال التاريخية العربية او المحلية لان عمرنا ما هنصل لافضل من كده لو استمرنا فى المقارنة السخيفة دى انا باقارن بالاعمال بره و محدش يقولى الانتاج لا يوجد فى عمل نجم واحد يثقل العمل و الشركة الانتاج سعودية يعنى و انا لا اطلب المستحيل لكن الدقة التاريخية اللى جعلت حاتم على حزين انه لم يصور فى القصور الملكية  كان يجب ان يهتم بتلك الاشياء الصغيرة التى تصنع فارق كبير !!

عالفكرة لا استطيع ان امنع التفكير فى ماذا لو قامت انعام محمد على باخراج هذا العمل و هذا ليس تحيز و لكنه لشطارة انعام فى الاعمال التاريخية  !!؟؟

Advertisements

5 responses to “و الله العظيم كان ملك السودان برضه

  1. sophy19 كتب:

    مجهود رائع و معلومات قيمة
    اشكرك
    لون عينيك ايه ؟؟
    http://sophy19.wordpress.com

  2. كنت منتظر تعليقك على المسلسل الذي لم يتاح لي الوقت حتى الآن لأرى أي من حلقاته. وكنت متأكد ان هيكون ليكي تعليق على هذه التفاصيل 🙂

  3. Stylish كتب:

    للأسف جهات العمل في المسلسلات مش بتحاول تكلف نفسها البحث في الموضوع .. و معرفة شكل الحياة و المعاملة و غيرها من العيوب اللي لازم كل سنة تتكرر في أعمال الدراما ..

    حتى إن تترات المسلسلات لم تسلم من العيوب اللغوية

    أعتقد إن نقطة تجاهل حال الشعب غير مقصودة .. لأن القصد من العمل التعرف على شخصية الملك و حاشيته و معاملته للآخرين ..

  4. zeinobia كتب:

    @صوفى شكرا جزيلا
    لون عيني اسود

    @بهائى مصرى المسلسل بوجه عام ممتاز و لازم لا يفوتك

    @ستابلش عالاقل كانوا يوضحوا الحالة الاقتصادية للشعب نفسه ياترى مرتاح او لا لان ده عامل مهم جدا فى التاريخ

  5. moneer كتب:

    zeinobia

    فعلا انا لاحظت النقط اللى انتى اتكلمتى عليها
    انا زيك بعشق جمع الصور الملكية خصوصا عن اسرة محمد على المصرية
    و لا حظت زى ما قلتى عدم الدقه فى الملابس بس دى ممكن نعتبرها من كماليات العمل اللى كان لابد من الاهتمام بها بس لما كنت بتخيل لبس جلالة الملك فى المسلسلات المصرية كان فعلا بيبقى تهريج علشان كده ممكن نتغاضى عن ده كبدايه رغم ان الملابس لم تكن مثل ملابس جلالة الملك و كمان النياشين بس لبس الخدم كان مطابق بصورة كبيرة على ما اعتقد و دى ممكن يوضحلنا انه كان فى مجهود بالبحث
    اعتقد كمان ان التركيز فى المسلسل كان على جالة الملك و الاسرة و الحياة داخل القصر علشان كده ممكن يكون الاهتمام بالحياة خارج القصر قليل و اقتصر عن مشاهد للشوارع و لم يهتم بالحياة العامه للمصريين بس كان ممكن يفيد لو كان تم التركيز عن اراء الشارع المصرى اللى كان بيتاثر بالاحداث المتعلقة بالقصر زى زواج و طلاق جلالة الملك
    المشكلة مع جلالة الملكة فريدة و اللى قامت بدورها منة فضالى انىحاسس انها مش شبهها و ده ماثر على تقبلى لها على انها جلالة الملكة فريده على عكس جلالة الملكة ناريمان و اللى قامت بدورها شيرين كان ممكن يكون فيه تشابهه بسيط
    غير ان جلالة الملكة نازلى و اللى قامت بدورها و فاء عامر كنت حاسس انها طيبة زيادة و انها ملامحها بشوشة اكتر من الصور بتاعتها اللى كنت دايما بحس فيها بملامحها الباردة القاسية غير ان المسلسل اظهر جانب كبير فى الحقيقة ان جلالة الملكة نازلى كانت مغلوبة على امرها بشكل كبير خصوصا فى عهد جلالة الملك فؤاد
    كمان حكايت ان جلالة الملك فاروق الاول كان ملك مصرو الودان و حاكم كردفان دى اعتقد انها فكرة منسية لان اعتقد ان البعض نسى السودان كانت تابعة لمصر حتى سنة56 و اللى اتنازل عبد الناصر عنها مقابل الانسحاب البريطانى من مصر و منطقة قناة السويس النقطة دى كان مهم توضيحها
    رغم كل ده ده ميمنعش ان العمل ده رائع بشكل كبير الفكرة بس انه مش زى توقعك بالظبط
    بس العمل ده لو تم وضعه امام المسلسلات المصرية المتخلفة اللى مان بيت فيها ذكر جلالة الملك اللى كانت بتظهره بشكل بشع ده ممكن يشفع للمسلسل
    و اعتقد ان القصور الملكية بعد احتلالها و سرقتها و سرقتة محتوايتها من قبال الظباط و الجيش مش ممكن تتفتح امام عمل ممكن يظهر مدى غباء العمل اللى قام بيه هؤلاء
    انا اسف للاكاله بس ده كان تعليق بسيط على تدوينتك الجميلة و اللى فيها قوة ملاحظة تنم ذكاء و المام بفترة من فترات مصر الهامة
    تحياتى

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: