وقائع مصرية

وقائعى باللغة العربية

كلنا ليلى :عودة ليلى 2007

في 8 سبتمبر 2007

تمر سنة على انطلاق ليلى التى بشهادة الجميع اصبحت نجمة فى سماء التدوين المصرى و هذه السنة احتفالية ليلى هتكون بالنسة لى احابة اسئلة و تسليط الضوء على ليلى من الليلات اللاتى يجب احترامهن

 i12

س سؤال اولا

  1. 1-هل انتِ سعيدة كفتاة وبدورك فى الحياة؟
  2. نعم و الحمد الله ساعات طبعا باشعر بأن فى تفرقة فى المعاملة من المجتمع و لكن لا تصل انى باتمنى انى اكون ولد
  3. دورى فى الحياة دى جملة صعبة و واسعة لان كل سن و مرحلة عمرية لكل انسان سواء امراة او رجل بيكون له دور معين فى الحياة

2-ما الذى لا يعجبك فى المجتمع اتجاه نظرته لليلى ؟؟

لا اعلم و لكن باشعر ساعات كتير ان ليلى زمان كانت بتحترم اكتر من القرأة فى صحافة الخمسينات

كانت اكثر امانا

لا توجد معاكسات او تحرش يمكن كان الناس اكثر احتراما عالرغم انه لم يمكن يوجد حجاب زى دلوقتى و كانت النساء اكثر شياكة و واخدين بالهم من روحهم اقوى 

ماما دايما تقولى و تسألنى انت ليه بتمشى مكشرة فى الشارع كده ابتسمى ؟؟ !!

ارد اقولها الابتسامة دى كانت زمان

3-ما رايك فى دور الاعلام فى ترسيخ صورة نمطية عن المرأة؟ ومعالجات قضايا المرأة؟ وتأثيره؟

دور اسود مع احترمى الشديد للاسف الصورة النمطية عن المراة دائما متطرفة و التطرف هنا مش الدينى و لكن من كافة انواع التطرف لا يوجد وسط متحررة جدا او متشددة  او متحيزة جدا

اولا الاعلام المصرى اعلام مركزى الدولة و الحزب الوطنى مسيطرين عليه تماما و هنا قصدى الاعلام الرسمى فحين اللى غير رسمى مسيطر عليه احزاب و تيارات معينة قضايا المرأة مش فى اولوياتها و لكن تستخدم من اجل احراج  النظام

فجأة تتم حشد قوى الدولة للحديث ضد ختان النساء و يتم تنظيم المظاهرات من اجل المجلس الاعلى للمرأة فحين انها مشكلة موجودة من زمان و فى نفس الوقت هنجد تيارات تتدافع عن الختان بدعوى الدين عالرغم ان الدين ليس له علاقة بالختان لمجرد كيدا فى النظام

ثاينا لو اكلمنا عن الدراما و السنيما فهما الان مع احترامى الشديد لم يقدموا قضايا المرأة kolena-laila مثلما قدمتها سنيما الخمسينات و الستينات و حتى الاربعينات ابسط مثال فى المرحلة الثانوية انا وجدت نماذج متعددة من بنات فليم المراهقات معى فى المدرسة مش فليم مذاكرت مراهقة و حتى نموذج رشدى اباظة فى الفليم “لما اتجوز اتجوز واحدة زى ندى” لازل هو الاغلبية

يكفى ان فى فليم رائع فى السبيعنات و حتى الان هو ما زال اقوى ما صنعته السنيما عن قضايا الطلاق و هو فليم اريد حلا

للاسف السنيما هى مرأة المجتمع انعكاس لثقافته ما يوجد فى السنيما هو انعكاس لرؤية المرأة و لا يجب ان ننسى ان دلوقت لا توجد فاتن حمامة او ماجدة او سميرة احمد اللى قدمن افلام اكاد اجزم انها كانت اقضل عن قضايا المرأة احنا للاسف اصبح لدينا نادية الجندى و نبيلة عبيد

يكفى الفليم الاخير لتامر حسنى محبوب الشباب اللى دايما فاتح القميص علشان نشوف شعر صدره الفليم الاخير عمر و سلمى باين ان سلوك التحرش الجنسىبالفتيات شىء عادى جدا و مفيش مشكلة و فيرى كوول

ثالثا الاغانى المصورة و الاعلام فالاسف هذه هى المصيبة الكبرى فحدث و لا حرج فالمرأة هناك حيوان شهوانى يستخدم لاثارة الغرائز و يكفى ان ترى رويى و هيفاء و مروة و البلاوى التانية

اهضرب مثال و هو اعلان ملبودى مان و مليودى ومان و فتحة صدرها اللى بينطط لوحده

عالفكرة كل ده امثال من التطرف فى المجتمع

و لكن تبقى دايما هناك براقات امل مشكلة الزواج العرفى اللى انتشر من كام سنة اظن ان معالجة الدراما لها خاصة فى السهرة التليفزيونية “زواج على ورق سوليفان” كان لبها تأثير كويس ربما لان اختيار الابطال المحبين من الشباب وصل الرسالة بسرعة

4-ما رايك فى يوم ليلى  ؟؟

اخر حلوة مفيش احسن من كده

5- أول خطوة.. اقتراح للتغيير مشاكل معينة ؟؟

اول خطوة هى التربية من البيت

سواء للبنت او للولد

الولد يجب بعرف ان البنت هى امه و اختة و حبيبته و مراته و بنته مش العبدة بتاعه

البنت لازم تعرف ان ربنا وهبها عقل و كرامة .كرامة لا يجب ان تفرط فيها كانسان

الاب بيضرب الام ضرب مبرح قدام الاطفال لازم يعرف ان بيخلي ابنه فاهم ان ده صح و للبنت ان ده عادى لا حديقولى ده من الدين لان ما يحدث من ضرب و اهانة بعيد عن الدين تماما طبقا لعلماء الاسلام ضرب المرأة بيكون بحاجة صغيرة زى السواك بضربة خفيفة مش ضرب بالشبشب و شد الشعر و السب بالام و الاب

انا الحمد الله لم ارى هذا ربما لان امى كانت سعيدة الحظ فى الحصول على طلاق سريعا من ابى رحمه الله و لم يحدث اى احتكاك من النوع ده و ان كان فى من نوع تانى قضايا الطلاق و ما ادراك ما قضايا الطلاق و لكن لدى قريباتى من النساء الاتى خوفا من افكار اجتماعية سخيفة رضين البقاء مع مرضى نفسيين رافضيين استخدام الرخصة اللى قدمها الله سبحانه و تعالى من رحمته و هى الطلاق بحجاج واهية ناسيات مدى ـاثير هذا على اولادهم و بناتهم

البيت هو الاهم

ليلى 2007

و دى من عندى كل سنة انشا الله هاختر ليلى ما لتكون مثال لكفاح ليلى

ليلى 2007 فى رايى المتواضع هى

ام محمد ممدوح قتيل شها

mohamedmansouratorture0bn6

تلك الام البسيطة التى تخدم فى منازل وقفت كالرجال من اجل حق ابنها ضد نظام باكمله بايمانها القوى هى دى المرأة المصرية الحقيقة فى اقوى و اعظم ادوارها

Advertisements

8 responses to “كلنا ليلى :عودة ليلى 2007

  1. […] wrote something in Arabic here it is ,I hope you like […]


  2. ليلى التى بشهادة الجميع اصبحت نجمة فى سماء التدوين المصرى

    جرى إيه يا أستاذة زينب ؟!.. مش شايفة إن الجلالة واخداكي حبتين ؟! 🙂
    لأ بجد.. “نجمة في سماء التدوين المصري” دي قلش قوي.. ماتجيش منك يا زوبة.. ماتزعليش مني أنا باتكلم من عشمي.
    يللا كل سنة و انتوا طيبين المهم تنبسطوا 🙂

  3. س كتب:

    انتو بتقولوا الكفاح ومفيش فرق بين الرجل والمرأة
    بس مش واخدين بالكوا ان فى رجال كتير مش فاهمين ولا مقتنعين بأن المرأة ليها الحق فى انها تشتغل وتبنى نفسها ومستقبلها
    المستقل
    كتير من الشباب عايزين يبقوا سى السيد اغلبيتهم
    مش عارفه ياريت يقتنعوا ويفهموا اننا لينا الحق اننا نعيش واننا بنحس مش مجرد قطعه اساس فى البيت
    يتحكموا فيها وقت ما يحلى ليهم
    ومعظم الشباب بردو يقولوا ان الحب حاجه والزواج حاجه تانيه ليه
    بمعنى انه يحب دى ويعرفها ويخليها تحبه وبعدين يقولها انا مستأمنكيش على اسمى ولا بيتى
    ليه بيفكروا كدا
    شباب زى دو ممكن يقتنعوا اننا لينا الحق فى الحريه وفى اننا نشتغل ونبنى معاهم
    الله معانا
    شكرا

  4. AMR كتب:

    Of course the problem in Egypt is not of Layla and Zeinab and Safinaz. It is also of Ibrahim and Enas who live in the street, and of Amir and Malak who graduated and have no place to go, and of Samir and Madiha who are not sure how they are going to house and feed their children and send them to school. All these, including Layla, are living in a country without leadership, and without direction, and are not doing or trying to do anything about it, except talking, joking, praying and waiting!

    There was a time not long ago, when Egypt was all hope, even when the country remained poor, and was under repeated attack from every direction. There were very few who lived in the street. parents sent their boys and girls to schools without fear of harassment from corrupt authorities, or from their neighbors, schoolmates, colleagues, or those who post their religion on their forehead. Girls excelled and took their places in society and didn’t sit waiting for a man of means to show up at their doors. Most people didn’t have fancy cars, updated mobile phones, and villas in the North Coast, but they didn’t need any of that to live in a dignified way.

  5. lasto adri كتب:

    @ MR Amr
    I believe in what you’ve just mentioned. Yes, the whole status in our country is going from bad to worth, but is that a reason for more harassments in the streets for example?
    its a problem of moralities.. and that’s exactly what makes “laila” different then Zainab, Safinaz, Ibrahim and Enas..
    it just talking to you as a person…
    why do you pretend being lazy for example if you can help your wife, sister or mother in the kitchen?

    there is a problem, yes.. and totally supporting your comment.. however, would that really make a massive difference if you found someone “by3akes” and for a second you thought of defending the lady infront of you??

    its a call for moralities more or less… trying to understand that the “She” infront of you is a “Human” just like you are…

  6. zeinobia كتب:

    @شريف طب بذمتك مش نجمة الكل اتكلم عنها

    @س الشباب اللى بيرفضوا برتبطوا بالبنات علشان مش مستأمنها على بيته هو من نوعية “لما اجوز واحدة اجوز زى ندى ” عالرغم ان ندى ممكن تكون صايعة كبيرة بس ما هو يعرفش!!

    @Amr
    I got what you are saying but there are certain things that are connected to the overall condition of the nation ,for example violence and abuse against women

  7. […] • كلنا ليلى :عودة ليلى 2007 « وقائع مصرية […]

  8. Star Mecho MH كتب:

    أنا ضد ختان البنت في مصر وأرفضه رفضا قاطعا وأود أن أساعد في انهاء هذه العادة الهمجية التي تأتي بأصولها الجاهلية رغم وجود الطب وتطوره فأي مساعدة مني ابعثولي عبر صفحتي في الفايس بوك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: