وقائع مصرية

وقائعى باللغة العربية

الاجانب هيعلمون ازاى نرقص بلدى كمان ؟؟

في 7 أغسطس 2007

pb29p3lby1انا الحمد الله ما بتفرجش على “OTV” خاصة بعد ما عرفت انها قناة لشباب الطبقة العليا و ده شىء لم ينكره صاحب قناة نجيب سايروس حيث قال فى لقائه مع منى الشاذلى ان خطته ان يبدأ من فوق ثم ينزل خاليه ينزل براحته

المهم القناة سخيفة جدا حتى الرسوم المتحركة بتاعها ملهش اى معنى و طبعا لا احدثكم عن المذيعيين اللى فيها

هى فى الاخر قناة تتداعى انها مصرية عالرغم ان كل برامجها اميريكية و يا ترى فيها حاجة جديدة,لا, الافلام هى هى و المسلسلات هى هى من القنوات التانية ,واحد ذكى يقولى  بس مفيش رقابة اقوله شوتايم يا خفيف بتعمل نفس الشىء و لكن الفرق انها مشفرة و بتحذر قبل العرض

على اية حال القناة دى ما كانتش فارقة معايا

ليلة امس بالصدفة الباحتة قعدت اقبل فى القنوات حتى فوجأت بواحدة خواجاية مش مصرية محزمة وسطها بمنديل بتتر و معاها بنتان وراءها زايها برده

الست بتتكلم عربى يالعافية و لاقتها بتقول

 “علشان نعمل الرغشة صح نقف على اطغف صوابعنا ونلف”

نعم هم الاجانب كمان هيعلمون الرفص البلدى عشنا و شوفنا

و غير كده انا اول مرة اشوف برنامج لتعليم الرقص البلدى ايه الابتكار ده بتاع ياسمين عبد الله

 طب هو ده الشىء الوحيد اللى احنا عايزين نتعلمه ومن مين من خواجاية !!

Advertisements

6 responses to “الاجانب هيعلمون ازاى نرقص بلدى كمان ؟؟

  1. الروسيات موجودين بقالهم كتير من ساعة تفكك الاتحاد السوفيتي، منك لله يا جورباتشوف!!!، وشغالين في الرقص والدعارة منهم رقص شرقي ومنهم باليه مائي!!! والرقص الشرقي دلوقتي بقي له مدارس بره كتير وفي إقبال علي تعلمه من الأجنبيات. ده أنا مرة قرأت مقالة في جريدة انجليزية يمكن تكون التليجراف تقريبا وكانت بتتكلم عن الجو العظيم في كباريهات مصر وصاحبة المقالة كانت قاعدة وسط مجموعة من الأجنبيات اللي بيتعلموا الرقص الشرقي من خلال الفرجة علي الرقاصات المصريات بشكل خاص.

    وده ممكن باردو نرجعه إلي الفقه الوهابي الذي يحقّر من المرأة ويصورها علي أنها جسد فقط!!! وربنا يهدي

  2. zeinobia كتب:

    سيبك من النظرة الى الجسد و لكن ممكن كمان فرنجة الطبقة العليا الجديدة اللى بتعلم الرقص البلدى على يد الاجانب كنوع من الفشخرة الكادبة
    يعنى افهم يتعلموا باليه,تانجو لاتنيى من الاجانب لكن رقص بلدى
    طب ما يجيبوا فيفى عبده او شرايط سهير الزكى
    الفكرة كمان ان تعرض الموضوع على التليفزيون على قناة مصرية مفتوحة بحاجة التعليم
    تعليم ايه ؟؟

  3. محمد كتب:

    المشكله فعلا ان معظم الراقصات الأجانب تعلمن الرقص الشرقى على يد الراقصات المصريات امثال نجوى فؤاد و دينا وغيرهما
    بس يمكن الرقاصه المصريه تطلب سعر اعلى علشان تطلع فى القناه فاسترخصوا فجابوا واحده اجنبيه !

  4. zeinobia كتب:

    ممكن يكون الكلام ده صح لكن المشكلة ان الراقصة الاجنبية بتدى الدرس فى استديو رقص يسوى الشىء الفلانى ممكن يكون استديو سامية علوبة
    عالفكرة فيفى عبده كل شوية تطلع تقول انها مستعدة تتدى دروس ببلاش !!

  5. عابر سبيل كتب:

    اعذروني معلش اقولكم انكم تافهين و مواراكومشي حاجة غير الكلام على الناس – انتوا للأسف يا عرب من كتر الفراغ اللي فيكم و الشعور بالنقص بقيتوا تبصوا على اغلاط الناس و تدوروا على اغلاط في ناس مفيهاش غلط و نسيتوا للأسف تبصوا لاغلاط نفسيكم – كل واحد يصلح نفسه احسنله و ملوش دعوة بالناس – دا الواحد منكم يبقة واقف بين شلة اصحابه (دة لو عندكوا حاجة اسمها صداقة الايام دي) و تتكلموا كأنكم حبايب الروح بالروح و اول ما يمشي واحد منكم الكلام و الفتنة و النم يشتغل اول بالاول يمشي واحد تاني و يرجع اللي مشي تتكلموا معاه ولا كأنكم اهنتوه او قلتوا حاجة وحشة عنه ولأ تجروه انه يتكلم معاكم على الشخص اللي كان بيتكلم عليه و هكذا – منافقين – ارجو من الله الرحمة و الغفران وان يحفظني من امثالكم وان يهديكم او يزلل الارض تحت اقدامكم

    شكرا

  6. zeinobia كتب:

    مع احترامى الشديد هو احنا عملنا او قالنا ايه علشان كل ده
    ده انتقاد لبرنامج خارج عن تقاليدنا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: