وقائع مصرية

وقائعى باللغة العربية

لماذا اشك فى صحة هذا الكلام ؟؟

في 10 أبريل 2007

الدكتور لوتس عبد الكريم الكاتبة ذات الصداقات المتعددة مع مشاهير المجتمع المصؤى الثقافى مثل الملكة فريدة و احسان عبد القدوس فى حوار لموقع العربية موقعى الاصفر المفضل حول صحة الدكتور مصطفى محمود الغنى عن التعريف و يكفى ان لازلت اعتبر يوم الاثنين هو يوم عرض برنامجه العظيم عالرغم من انتهاء عرضه فى منتصف التسعينات للاسف

ما فى الحوار صدمنى بشدة لانى من اشد المعجبين بهذا الرجل و حياته لجمعه بين الدين و العلم لدرجة ان جعلنى انا اشك فى مدى مصدقية هذه السيدة التى اكن لها الاحترام من علاقتها بالملكة فريدة رحمها الله

د. لوتس تقول ان الدكتور مصطفى محمود مريض جدا و شبه مصاب بفقدان  ذاكرة و عدم خروجه من شقته فى جامعة الدولة العربية

للشهادة منذ سنة او اكثر قد رايت بنفسى دكتور مصطفى و هو يشترى بنفسه من مترو جامعة الدولة العربية و اتذكر رؤيته امام ثلاجة المياه المعدنية حيث اشترى عدة زجاجات من مياه نستله و عندما سألت احد البائعين عنه قال لى انه دائما التردد و شراء المنتجات الحيوية و انه رجل فى “حاله” و بالفعل كان هادىء جدا و للاسف خجلت ان اسلم عليه للاسف مرة ثانية المهم ان الرجل كان يبدو لى بصخة جيدة

ثم انه شهريا يكتب فى مجلة الشباب و ايضا يكتب فى الكتيب الشهرى لجميعة مصطفى محمود الخيرية التى لا تحظ باهتمام اعلامى الا الانتقاد من خالد منتصر عالرغم من مشاريعها الهامة التى يجب ان اذكرها يوما من الايام هنا فى هذه المدونة

الذى يحعلنى اشك اكثر هو الجزء المتعلق بالجن الذى تزعم السيدة لوتس انه صديقه و انه يجعله يحضر ليساعد اصدقائه ذاك الكلام الذى لا اصدقه !!

هل تصدقون ذاك الكلام !! 

Link to صديقة للدكتور مصطفى محمود تكشف سر اختفائه.. وفقدانه لذاكرته

 


9 responses to “لماذا اشك فى صحة هذا الكلام ؟؟

  1. mohamed قال:

    بصراحة رغم أن كلامي ده هياخده البعض على أنه جهل وما إلى ذلك , بس انا فعلاً اول مره اسمع عن لوتس عبد الكريم .. أما دكتور مصطفى محمود , فانا عرفته ككاتب قبل ما اقرا له كإنسان متدين , مجموعته القصصية عنبر 7 رائعة ً لو قريتيها .. اما برنامج العلم والإيمان مكنتش بتابعه خالص لأني مش من هواة التليفزيون بس الراجل كقيمة علمية وأدبية لا بد أن يحترم مش يتقال عليه بيحضر جن😀
    عامة ربنا يوفقها

  2. الحمد لله يا زنوبيا
    ان فى حد بياكد على ظنونى
    انا مقابلتش عمرى مصطفى محمود
    بس قريت كل كتبه و كنت مدمن العلم و الايمان
    و فعلا نص المقال الاولانى ليها حق
    فيه
    الدولة مهملة فى حق مصطفى محمود
    و القارىء برضه مهمل فى حق كاتب بيحبه
    على الرغم من اعادة طبع كثير من كتبه و بالاخص
    رحلتى من الشك الى الايمان
    ليهم حق فى الجزء الاول
    لكن حكاية الجن دى
    اسمحيلى
    البلد مش ناقصة
    بزرميط
    اشكرك
    على فتح الموضوع و مناقشته
    لأنى كنت خجلان
    طبعا … السبب معروف
    و كنت اخاف اتفهم غلط

  3. shaimaa قال:

    انا كمان شفت د مصطفي كازا مره في جمعيه مصطفي محمد في احدي محاولاتي الفاشله للرجيم وكان فعلا هاديء وفي حاله دايما حتي كان لابس شورت شرعي ساعتها حر بقي وبتاع😀
    اما بالنسبه للاستاذه لوتس فا اعذري جهلي انا معرفهاش برده مين الاخت دي بقي؟؟؟؟

    عباس العبد خوفنا دا مودينا في داهيه وان كنت مش قادره الومك لاني انا نفسي بخاف اتكلم في حاجات لحسن اتفهم برده غلط يعني بصره😀

  4. zeinobia قال:

    يا جماعة انا زيكوا اول مرة اعرف السيدة لوتس اساسا كانت من موقع العربية فى حوار حول علاقاتها بالملكة فريدة و احسان عبد القدوس
    قالوا انها مديرة مكتب احسان بس انا عارفة ان احسان كان له مديرة مكتب تانية تقرب لمراته
    انا اساسا مش مقتنعة بحقيقة الشقة اللى بتولع و الجن اللى بيحضن و للاسف الموضوع اتنشر فى الدستور !!

  5. محمد عمر قال:

    على فكرة,انهاردة جابوا لقاء قصير مع الدكتور مصطفى محمود فى برنامج القاهرة اليوم,و هو طبيعى و عادى طبعا السن باين علية بس هو واعى للكلام و صاحى عكس الكلام اللى اتقال

  6. zeinobia قال:

    الله يطئمنك يا محمد اصلى انا من فريق اللى بيتفرج على العاشرة مساء مش القاهرة اليوم للاسف

  7. xara قال:

    السلام عليكم و رحمة الله
    يا جماعة انا ليست لي علاقة بالدكتور مصطفي محمود و لكن من شهر تقريبا حلمت بيه … انه علي سطح الجامع بتاعو و زي مايكون ماشي وسط ناس كتير بس سرحان أو بيفكر ف حاجه تانيه … الحقيقة انا استغربت الحلم جدا ثو بعدها بشهر قريت الكلام الغريب بتاع د لوتس ده !!!!! النهارده حاولت أزوره في الجامع بس قالولي ان غير مسموح بمقابلات !!!!! أنا مش عارفة ليه الموضوع غريب و مش مفهوم … حتي حاولت أتصل بابنه د أدهم في المستشفي و مديرة مكتبه قالتلي انه مش موجود و حتي مرضيتش تقولي المواعيد اللي بيتواجد فيها و حاولت تعرف انا عيزاه ف ايه بس انا قلتلها اني أفضل اتكلم مع د أدهم شخصيا … لو أي حد يعرف أي وسيلة للأطمئنان علي د مصطف أو الاتصال بيه أو بابنه ي ياريت يقولنا

  8. zeinobia قال:

    و الله يا زراة ما عنديش اتصال بس اطمنئى يا ستى الدكتور مصطفى طلع فى الاوربيت يطمئن الناس و انا رفعت الفيديو هنا
    عالعموم هو بخير و الحمد الله بغض النظر عن السن

  9. alhamdy قال:

    انا ارفض وبكل قوتي اي مساس لمعلمي د0مصطفى محمود…وهذه محاوله من وسائل الاعلام الرخيصه لتشويه سمعة الدكتور

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: