لم اصدق نفسى عندما سمعت الخبر اليقين ان “روبى” ستظهر فى “البيت بيتك” كان خبر كصعقة
بتقولوا ايه يا ولاد روبى فى التليفزيون المصرى و ها يستضفها تامر و محمود سعد وخبر الموسم
ممكن التلفزيون المصرى قرر ان يرفع الحظر على اغانيها بعد ما قرر مكتشفها و محتكر مواهبها شر اسفة دكتور شريف صبرى ان يغير من صورتها فى الاذهان كالفتاة المثيرة اللعوب و يظهرها على حقيقتها و لذلك قرر ان لا يذيع اغنيتها الجديدة فى قنوات العرى التى كانت فى الاصل سبب شهرة “روبى” كقناتى “مزيكا” و “ميلودى” و لكن الاغنية سوف تذاع حصريا على “او تى فى” كنوع من الدعاية لقناة و لان “روبى” الان تتبع شركة ساويرس الجديدة للانتاج
جميل بس من امتى التلفزيون المصرى هيستقبل “روبى” و سيذيع ايضا الاعنية الجديدة ؟؟
التفسير الوحيد ان شريف صبرى مخرج الدعاية الانتخابية استخدم نفوذه فى لجنة السياسات و ايضا لجنة السياسات قررت استخدام “روبى ” لالهاء الشعب عى الاستفتاء بجعلها حديث المدينة
و الله دى مش نظرية مؤامرة
استنوا شوية
اولا حلقة البيت بيتك يوم السبت كانت مقرفة ما عدا فقرة الفنان اللى باعشقه جمال قطب و بنته اللى باحترمها جدا جدا دكتورة هبة قطب و كانت مسجلة عالفكرة و كمان الاتنين دول انشا الله عايزين اعملوهم تدونيتان لوحدهم
ما عدا كده كل كلام فى الهوا خاصة الفقرة اللى كانت حول الدستور اللى من تقديم وكيل النيابة تامر باشا امين
طبعا الاعلانات فى الفواصل كانت نازلة زى المطر “روبى بعد قليل ,روبى بعد قليل ” كما لو كانوا عايزين الناس تسحمل سخافتهم علشان الهانم
و الهانم جاءت فى اخر جزء فى البرنامج
دخول درامى فرقة موسيقية عاملة نفسها بتعزف و هى شاغلة على البلاى باك والهانم تدخل و تعمل انها بتغنى
و بعدين تستقبلها منى الشرقاوى بمنهى الحفاوة و بوسة من هنا و بوسة من هنا حقيقى كان فى سؤال بيدور فى دمغى مين اللى هيتحاور معها سعد او امين
سعد ما كانش بيحبها هى و شريف صبرى و ده كان واضح فى الكواكب
اما تامر امين فكان السؤال هيقابل فضيلة المفتى ازى يوم الثلاثاء؟؟
لكن الحقيقى يبدو ان الاتنين اعتذورا و سبوا السبق الاعلامى لمنى الشرقاوى التى تؤكد للاسف المفهوم الشائع اللى بيقول ان مش كل امرأة جميلة ذكية
منى الشرقاوى بانت ثقافتها الحقيقة و سطاحيتها الغبية فى حوارها مع روبى
اولا كانت بتكلمها كم لو كانت روبى لا سمح الله بانها عالمية !! امتى و فين
طب لو على المقاييس دى حكيم هيصبح عالمى عالاقل غنى فى نوبل
ثانيا فرحانة اوى بغلاف مجلة بارى الناتش اللى للعلم العدد تقربيا اتمنع فى مصر علشان المواضيع السياسية اللى بتهجم الحكومة المصرية على حد علمى
اساسا صورة الغلاف قذرة مع احترامى الشديد لكل معجبين الست روبى
شىء يحعلنى اتحسر على مصر و نسائها
و بعدين اذاعوا الرائعة الجديدة بتاعتها الاغنية اللى اول مرة تذاع على التليفزيون المصرى و يا عينى على السبق
اغنية على رايى جدتى السميعة الاصلية لتراث اللى بيعود اليها الفضل بعد الله سبحانه و تعالى فى جعلى عاشقة للموسيقى العربية الاصلية و الاصوات اللى عليها القيمة
تلك السيدة الحكيمة قالت
الاعنية دى كلمتان و بس مشيت وراء احساسى
اعنية مالهاش اى معنى موسيقى عربى على هاوس و واحدة قاعدة تتنطت و ترقص على واحدة و نص و الهرم وراء و لا اعرف سبب اصرار شريف صبرى ان يقحم الهرم فى الموضوع و ما علاقته بان الست روبى بتمشى ورا احساسها
اول ما خلصت الشرقاوى كادت ان تقنلى
” الله يا روبى حلوة اوى تجنن اول مرة اشوف الهرم بالجمال ده !!”
نعم يا اختى هوه حضرتك مستنية شريف باشا صبرى “مع عدم الخلط بينه و بين خال الملك فارق اللى عالفكرة كان بيحب ام كلثوم”علشان تشوف جمال الهرم
هنا و قررت اقلب المحطة اتفرج على قناة “اى” و اشوف اخر مستجدات قضية المرحومة انا نيكول سميث عالاقل ارحم
عالفكرة انا مش متشددة انا من عشاق الموسيقى بمختلف انواعها اكبر ملف و اقدم عندى فى البى سى هو الموسيقى من جميع انحاء الارض من تسجيلات الشيخ سيد درويش الاصلية الى “الكاذب الجميل”
و لكنى لا احترم واحدة اول اغنية ليها كانت لابسة بدلة رقص كاملة و هز يا وز فى براغ
و مش عايزة اقول اللى قاله الفاجومى فى قناة الحرة عنها لانى مؤدبة
![]Dwwen](http://www.dwwen.com/images/dwwen_80_15.gif)
وقائع مصرية 
سيبك
بس أجمل حاجة حكاية وكيل النيابة تامر باشا أمين 🙂
على من يتفرج على برنامج البيت بيتهم أن يكون متعدد المراريات علشان لو واحدة اتفقعت يشتغل بالباقى؛ ولو كان عنده مرارة واحدة مهم أوى انها تكون بتنبت لوحدها علشان لو اتفقعت تنبت تانى بسرعة
أنا عندي أشوف روبي ميت مرة ولا أشوفش تامر أمين الخنيق ده
و ده السبب الرئيسي إنى عمري مابشوف برنامج مي كاسا إس تو كاسا أو البيت بيتك
تصدقي يا زينوبيا احنا اهالينا غلطو انهم عرفو يربونا وخلونا نتكسف نشتم الاشكال اللي زي روبي هانم دي مع ان والله الشتيمه في الاشكال دي حلال حلال حلال كما قال البحبحاني
انا النهارده حمدت ربنا وشكرته الف مره ان الدش واريال التليفزيون بايظ وحرمني من اني اشوف جمال الهرم هواو بيرقص ورا روبي
صحيح ايه اخر اخبار انا نيكول بقالي فتره معرفش عنها حاجه؟
😀
@ارابيسك
بذمتك تامر امين مش بيتصرف و بيتكلم زى وكيل النيابة
@قطة
و الله انا بالفعل خايفة اوى على مرارتى من الحلقة كل ما افتكرها احس بوجع فى المرارة بعيد عن السامعين
@تامر
و الله انا فى العادة لا اشاهد روبى او تامر او مى كاسا اس تو كاسا و فكرتنى بالذى مضى
@شيماء
انتى فى نعمة يا بنتى وعالفكرة حرام ناخد ذنوب بسبب الاشكال دى
اخر اخبار المرحومة نيكول انها اخدت جرعة زيادة من الدوا و كانت هذه القشة التى قسمت ظهر البعير
سبحان الله يا ريت روبى تاخد عبرة
الموضوع ابسط من نظرية الموامرة روبى و شريف صبرى لعبوها صح و احنا الزباين
زى ما قال يوسف شاهين على M6 “روبى ذكية جدا لان محدش يعرف يرقص بالطريقة دى هى عارفة الناس عايزه ايه و بتدهولهم بسهولة” الفيديو موجود on my blog
اما شريف صبرى مش فارقة معاها تحترميها او لا المهم يعمل الbrand ….حبيها او اكرهيها المهم تفتكريها
There’s no such thing as bad publicity. As long as you spell her name right. As long as her face and name is out there, as long as she’s dancing in the public eye it doesn’t matter . Any publicity is good
publicity
My message is by writing about her you are not throwing a rock at her u are throwing a dollar to her brand value
@molo10v
وجهة نظر سليم مئة بالمئة
يعنى يكفى الدكتور عبد الوهاب المسيرى يكلم عليها
اوسكار وايلد له مقولة اسوا من ان يتكلم التاس عنك هو ان لا يتكلم الناس عنك
على اية حال انا باكتب علشان مفروسة مش منها بس من المتخلقة اللى عاجبها الهرم
اصلا روبي مش سائلة برأيكو كلكو روبي هي الفنانة الرائعة بالصوت والصورة انا اردنية وبحبها فكيف انتو المصريين لازم تحبوها لانها بنت بلادكو بس بحكي لروبي الله يكون معها من هالناس الغيرانة منها بكل حاجة واغنيتها مشيت ورا احساسي روعة كتير وصوتها روعة كمان
لا ناس غيرانة و لا حاجة يا روبى مع احترامى الشديد انا انسانة ذوقها قديمة انا من الناس اللى بيسمعوا شادية و ام كلثوم و اسمهان و نجاة فصعب جدا انى اقتنع بروبى
انتو المصريين مش مأدرين روبي و صوتها مش زي اللبنانين بيأدرو حتى هيفا وهبي روبي زي القمر و صوتها خيال وانا عندي روبي افضل مغنيه في العالم وعيب عليكم تشتمونها يالحساااااااااد كويتي مزيون
كلمه واحده هرد بيها علي روبي:- (ط ظ)
والله الموضوع لا يقتصر على الهانم او البيه وانما دول جزء من سلسلة التدهور
الثقافى
روبي جميلة اوي هي المثل الاعلى لكل المصريات المعاصرات
فنانة مصرية بجد تعرف ترقص عالوحدة ونص زي كل المصريات الحقيقيات
ميرسي على صورة غلاف المجلة يا ست