وقائع مصرية

وقائعى باللغة العربية

فى مواجهة الحقيقة العارية

في 27 مارس 2007

حد شاف العاشرة مساء ليلة امس السبت ؟؟

حد شاف عصبية عضو الحزب الوطنى و لجنة السياسات و الصحفى فى الاهرام المدعو طارق حسن ؟؟ خاصة بعد التقارير اللى اذاعها البرنامج و اوضحت مدى فشل عملية الاستفتاء لدرجة الهجوم على مذيعتى المفضلة منى الشاذلى و صديق المدونين حافظ ابو سعدة اللى كان مبتسم لازم يبتسم

العصبية و الهجوم دليل على الضعف امام مواجهة الحقيقة العارية بانهم مجموعة من الفشلة بيمشوا ورا واحد فاشل

عالفكرة البرنامج استقبل 250 رسالة قصيرة اس ام اس نصها هجوم و النص تانى سخرية

الشعب المصرى شعب ذكى جدا

Advertisements

8 responses to “فى مواجهة الحقيقة العارية

  1. BlueRose كتب:

    أنا لاحظت انه من بداية الفقرة و هو هجومي و عمال يشكك في حيادية البرنامج (انت لابسة أسود ليه , و مافيش حير فسفوري ليه , و بتدي له فرضة كلام أكبر ليه) كأنه بيمهد من البداية عشان يقول في الآخر ان البرنامج هو اللي متحيز

  2. zeinobia كتب:

    , و الله يا بلو روز انا اول ما سمعت لابسة اسود ليه حسيت انها لازم تقوله “و انت مال اهلك !!”

  3. zeinobia كتب:

    والله يا بلو روز اول ما سمعته بيقولها “لابسة اسود ليه ” كان نفسى تقوله ” و انت مال اهلك “

  4. shaimaa كتب:

    كانت مفروض تقله مفيش حبر فسفوري علشان كان في اماكن كتييييييييييييير الانتخابات فيها من غير حبر
    المفروض انه يتكسف علي دمه بقي بلد تعدادها فوق ال70 مليون ويروح ينتخب بس 9 مليون وشويه يعني حتي مش محصلين تمن عدد السكان
    ياراجل روح اقعدلنا في حته ناشفه بقي

  5. O2A كتب:

    الصراحة الناس دى ساعات بيصعبوا علىّ(ومن غير ضرب ياشباب ) لأنه عارف أن اللى بيقوله ده كلام فارغ وهو نفسه مش مقتنع بيه بس مجبر يقوله (سواء بمزاجه أو غصب عنه) للأسباب المعروفه سلفاً؛وعادة الناس دى بيحصلهم مشاكل نفسية بسبب التناقض الداخلى (لأنه ممكن يضحك على اى حد ماعدا نفسه طبعاً) ،بمعنى أن احنا كلنا مطحونين وحاسين بالظلم بس عندنا القدرة أن أحنا ننام وأحنا شكلنا قدام نفسنا كويس بس هو ياعينى ماعندوش تقدير للذات وهيعيش طول عمره حاسس أنه أقل من أى انسان يقابله والاسوء كمان أنه عارف أن مع كل التمثيل ده فالحقيقة واضحة وصريحة ؛يعنى بعد ده كله مجهوده بيطلع على مفيش، وحتى أسياده مش هيعاملوه بالتقدير اللازم ،لاء دول ه هيعاملوه على أنه من ……(انا ما رضيتش اكتبها علشان ميرفعش عليّا قضية قذف).

  6. zeinobia كتب:

    @ شيماء
    المصيبة انه عايش فى الكذبة اللى عملها هو و زملائه فى الحزب ابسط مثال انه كان فرحان ب9 مليون و شايفها انتصار !!
    @قطة
    تصدق انى فكرت كده ده كفاية منظره لما شاف التقرير بتاع محمد حلمى و شاف مدى معرفة مؤيدى الحزب بالدستور
    علشان كده اخترت العنوان فى مواجهة الحقيقة العارية و لا يستطيع ان ينكرها الا باساليب الرخيصة من التشكيك فى مصدقية البرنامج و استخدام اسلوب الهجوم المضاد هو لم يرد على الاسئلة بل هجم
    بالفعل الانسان ده بيصعب على ازاى بنام على المخدة بالليل و هو عارف انه كداب !!

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: