وقائع مصرية

وقائعى باللغة العربية

ست الحبابيب تكسب

في 21 مارس 2007

عيد الام مصر معناه اعلاميا فليم “امبراطورية ميم” اللى باحبه و اعنية “ست الحبايب يا حبيبة “مع تصويرها اللى بيعود الى فترة السبيعنات

غناء فايزة احمد

كلمات حسين السيد

الحان محمد عبد الوهاب

اسماء لا حاجة انى اشرحها عالرغم انى متأكدة 70% ان فى ناس لا تعلم من هو حسين السيد و من هى فايزة احمد و اللطمة الكبرى من يكون محمد عبد الوهاب صدقونى

عالعموم بما ان مصر الان تعيش فى عصر الفكر الجديد و ما ادراك الفكر الجديد و ويلاته فى جميع مظاهر الحياة المصرية

طلع علينا فجأة وزير الاعلام بتاع الاتحاد الاشتراكى اسفة الحزب الوطنى  “أنس الفقى” و قرر ان وزارة الاعلام المصرية الممثلة فى التليفزيون المصرى الشهير بماسبيرو تنتج السنة دى اغنية او اوبريت يواكب العصر و تمسح “ست الحبايب يا حبيبة ” و ما تمثله من افكار راجعية حيث ان تأليفها و غنائها فى الدستور القديم ابو الاشتراكية و لذا قرر ان يكلف من راى انهم يقدروا يمسحوا السيد و عبد الوهاب

مين ؟؟

حميد الشاعرى ملك الجيل

ايمن بهجت قمر

و اللى بدورهم قرورا يعملوا اوبريت مش اغنية و لكن اوبريت تواكب العصر

و كانت اول فكرة جاءت للشاعرى هى تواجد اطفال فى الاغنية و الكورس كشىء اساسى و لا تسأل لماذا عبد الوهاب لم يفكر فى هذا

النوايا حلوة ابن بهجت قمر شاعر كويس و عمل “امى ثم امى “و حميد عمل لحن افضل ما يمكن من واحد بمكانياته ان يعمله

ثم تم اختيار المطربين مجموعة انوية نادرة على رأى يوسف وهبى بيه

خد عندك يا سيدى

جنات “تخنت عالفكرة “

يارا ” شكلها احلى فى توصى بي”

رامى عياش اللى غنى بالمصرى ثم صرخ على امه باللبنانى

هيثم شاكر فى اول ظهور بعد السجن و التجنيد و اساسا انا بكرهه

تامر حسنى الزغلول الكبير  اغنية  واحد باحبها له و الحقيقة هو شكله استرجل

و لقد عرض الاغنية اسفة الاوبريت فى البيت بيتك و كان ناقص على انقط من البيت

تامر امين اعطنى احساس بان “ست الحبايب يا حبيبة” هتتمسح لتصبح من التاريخ

الا ان كان يجب التوقع فلا يجب مقارنة محمد عبد الوهاب بحميد الشاعرى

او حسين السيد بايمن بهجت قمر

او فايزة احمد بالخمس بلاوى اللى غنوا

يا فقى يا بتاع الفكر الجديد العيد ده بتاع الورد  و فليم امبراطورية ميم و بائعة الخبز  و اغنية ست الحبايب با حبيبة

ممكن تغيروا الدستور لكن مش هتغيروا تاريخ


5 responses to “ست الحبابيب تكسب

  1. shaimaa قال:

    يا بنتي هوا دا الفكر الجديد مش بيقلك العبور للمستقبل فلازم يعملو للموضوع نيو لوك واهو كله تجديد وتحديث واحلال وتبديل لسه عاوزاهم يسمعو الاغاني الاولد فاشون اللي علي طراز ست الحبايب والكلام دا مينفعش طبعا
    وزغرطي ياللي مانتيش غرمانه

  2. zeinobia قال:

    هو فى سؤال محيرنى يا شيماء الاوبريت السخيف ده اتكلف كام ؟؟
    و مين اللى دفع الفاتورة ؟؟

  3. awad قال:

    مع احترامي الشديد لكلامك الغير منطقي
    فالاصوات اللي في الكليب احسن اصوات في بلدك
    وهيثم وتامر كمتن كم سنه هايكونوا في القمه

  4. zeinobia قال:

    اولا شكرا لاحترامك الشديد لكلامى الغير المنطقى
    ثانيا مع احترامى الشديد لكلامك فان دى مصيبة ان كانت دى احسن الاصوات فى بلدى
    هو اساسا ليهم صوت الله يبارك فى الميكسر

  5. ahmed قال:

    متفق معاكي في كل كلمه قلتيها
    بدل مايجدده في الاغاني يجدده في التكنولوجيا
    علشان نواكب العصر

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: