وقائع مصرية

وقائعى باللغة العربية

و لا عزاء للاخوين امين

في 12 مارس 2007

منذ صغرى و انا انتظر دائما جورنال اخبار اليوم لا ادرى لماذا

ممكن علشان مصطفى امين الله يرحمه “عاصرت كتاباته” ممكن علشان ” الفهامة ” ممكن علشان “فلاح كفر الهنادودة ” ممكن علشان الصور الكتير اللى فيه ما اعرفش

لكنى اعرف ان الجورنال ابتدا يبقى دمه تقيل من مصطفى امين

و بقى دمه اتقل لما مصطفى حسين و احمد رجب اتخانقوا و فضوا شراكة عقود طبعا من حظ الرسام الحرامى اللى بيستظرف و ها يموت ويقابل الريس اللى اسمه عمرو فهمى ربنا يهده

و بقى دم الجرنال اسخف لما السيد ممتاز القط اصبح رئيس التحرير الغريب ان كان عندى تفاءل ان القط يبقى احسن من ابراهيم  سعدة لكن طبعا اسخم من ستى الا سيدى و طلع العن منه

و كانت القش التى قسمت ظهر البعير عندما تتجرا من كان يلبس الشورت لما كان احمد رجب فى عصره ذهبى و منع رسم كاريكتير لفلاح كفر الهنادة بدعوة الحفظ على الوحدة الو طنية و اه من الوحدة الوطنية كم من جرائم ترتكب باسمها

رجب رد عليه بان ترك اخبار اليوم لاول مرة من 30 سنة و قررت العائلة الكريمة ان تقطع أخبار اليوم لاول مرة منذ انشائها احتجاجا على هذا

طبعا الحمد الله نجنا من قراءة العناوين الرنانة بتاعة مقالة القط فى الصفحية الاخيرة التى دائما و ابدا دافعا عن الحكومة و الريس و الحزب و

الا من الفنية و الاخرى تقع تحت يدى مقالة من مقالات القط لتفور اعصابى و انهار نفسيا حزنا على الجريدة و الدار التى كان جدى من صحافييها و تلاميذها “ايوه جدى من تلاميذها و من تلاميذ على امين”

انا لا احب التفخر و لكن لفترة قررت ان اكتب فى ملف الاسرى حتى قبل تهجم علينا روح شكيد و تغادرنا مغادرة الاشباح بعدما اضعت كرامتنا و ذكرتنا بما ارتكبنا من اهمال فى حق هولاء الشهداء الابرار

لفترة طويلة و انا اعمل بهذا الملف و لدرجة انى اندمجت طبعا ليست على طريقة مصطفى بكرى او حمدين صباحى و لكن اصبحت الان اشعر انى من اهالى هولاء العساكر و الضباط

اشعر بما يشعرون

اشعر بما يشعرون عندما يطلعون فى الجريدة الرسمية الثانية لدولة المصرية يوم  السبت الماضى فى مقالة السيد ممتاز القط الاتى

الضجة المفتعلة المثارة حاليا حول مقتل الاسرى المصريين تحولت الى محاولات رخيصة  لاعاقة دور مصر فى عملية السلام

لا تعليق

اظن ان على امين و مصطفى امين مش مترحايين فى قبورهم

و يجعله عامر

Advertisements

4 responses to “و لا عزاء للاخوين امين

  1. fatma كتب:

    في ميت مصري مرتاح في قبره ؟؟؟؟؟؟

  2. sherif nagib كتب:

    هو قال كده كمان !!!!!!
    يعني أنا أبويا بيشتري الأخبار و أنا مابقرأهوش عشان حرقة الدم.. تيجي تنقيليهولنا إنتي هنا.. حرام عليكي يا شيخة !

    بالمناسبة لا أحب أن أتمنى للناس الأذى، و لكن : اللهم أمِتهُ بالمرارة كما أمات مرارتي.

  3. shaimaa كتب:

    هيرتاحو ازاي والاشكال المنيله دي ماليه الدنيا؟ محاولات رخيصه ايه اللي بيتكلم عليها القط افندي دا ؟؟؟؟؟؟؟؟؟
    الراجل دا كل شويه يطلعلنا بمقال صاروخي لايصد ولا يرد وعلاجه الوحيد عند الحانوتي
    روح ياشيخ الهي ربنا يرزقك بحد يسد نفسك ويفقع مرارتك زي ما انت عامل فينا كده
    امييين اميين

  4. zeinobia كتب:

    @Fatma
    و الله يا فاطمة مفيش مصرى مرتاح فى قبره او حتى فى حياته عالفكرة موقع سلوى حجازى حلو اوى
    @شريف باشا
    تفتكر يعنى انى لاقته بمزاجى تبقى تصدق بالله انى وجدت الكلام السخيف ده مش فى الاخبار لكن فى المصرى اليوم يعنى وراى وراى !!
    و امين يا رب
    @شيماء
    الاشكال دى المشاكل اصبحت اكتر من الهم على القلب
    انا هاقول معاكى اميين اميين ربنا يا خده هو و اللى عينوه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: