وقائع مصرية

وقائعى باللغة العربية

عن شراب رئيس البنك الدولى و لب رئيس الوزراء المصرى

في 5 فبراير 2007

قام  مصورو وكالات الانباء العالمية  منذ اسباييع  بتصوير السيد بول وولفيتز و هو يخلغ حذاءه  قبل الدخول الى المسجد الازرق بتركيا فاذا بى فردتى  شراب رئيس البنك الدولى و  احدى ابرز صقور الجمهوريين فى الولايات المتحدة ذو الفضل العظيم فى غزو  العراق مخرومتين خرمين قد كده هه فى نفس المكان و استطاع عامة البشر فى انحاء المعمورة ان يروا اصبع وولفيتز

الغريب لم يتم القبض على المصورين او الهجوم عليهم او منعهم من مواكبة الضيوف فى تركيا

و الغريب ايضا ان وولفيتز لم يهتم كثيرين بهولاء المصورين اللى فضحوه لان هى غلطة الصقر العتيد ان يخرج من بيته بشراب مخروم اساسا مش غلطة المصورين كان ممكن الصورة تبقى اقل من عادية لو مدام وولفيتز حضرت كام جوز شراب  كويسين  لراجل

و علشان هو راجل مسئول بالفعل و عارف انه غلطته فالتزم الصمت امام العالم و لم يحمل احد شىء

اما فى المحروسة التى بها كم هائل من المضحكات لكنهن اقرب الى البكاء

قام المصورون المصريون فى مجلس الشعب بتصوير السيد رئيس الوزارء الدكتور احمد نظيف و هو يقوم بقزازة لب

اه و الله قزازة لب فى البرلمان

 

ووقفت الدنيا ما قعدت مش علشان الدكتور احمد نظيف  عمل  شىء لا يليق بالمجلس الموقر اساسا على حد علمى اول مرة يحصل مثل هذا الشىء من ايام نوبار باشا و شريف باشا الله يرحمهما اللذين لو علما ان فى يوم من الايام سيتحول  المجلس الموقر الى مكان للشجار و خلع الملابس و رفع الجزم و تطليع الالسن و اخيرا مكان للتسالى وقزازة اللب لكنوا قفلا المجلس بضبة و المقتاح

وقفت الدنيا و ما قعدت مش علشان الدكتور لم يحترم هيبة المجلس و لكن علشان ازاى و ازاى المصورين يصوروا  المنظر ده ؟؟ و علشان كده قرر رئيس مجلس سيد قراره قتحى سرور منع المصورين حضور الجلسات 

انا اسفة بس مش كان مفروض من الدكتور فتحى سرور رئيس اتحاد البرلمات الدولية و العربية الى اخره ان يقوم بتوجيه تحذير الى رئيس الوزارء

هل يا عزيزى القارىء فى يوم رايت صورة لتونى بلير بيأكل فيشار فى مجلس العموم البريطانى ؟؟ او سنياتور بيشرب  علبة بيرة فى الكونجرس الاميركى ؟؟

نظيف يجب ان يعتذر للاساءة للبرلمان

مش يتعاقب المصوروين اساسا لماذا غضب نظيف بسبب هذه اللقطة اذا لم يوجد فيها شىء غلط من ناحيته !! لماذا الاعتراض و الغضب اذا لم يقوم بشىء غلط؟؟

هو يعمل تماما ما فعل و مدى خطورته

على اية حال لقد تم استباحت البرلمان المصرى الموقر اول برلمان فى ا لعصر الحديث فى الشرق الاوسط

سواء بالانتخابات المزورة او النواب الهاربين من التجنيد او تجار المخدرات او القروض 

سواء بالشجار و رفع الحذاء و تطليع اللسان و خلع الملابس

سواء بالنوم و الموبايلات

و سواء بتفصيل القوانين و ……… موافقين موافقة

فالتطور الطبيعى ان يصل الوضع للقزقزة اللب و السوادنى و انشا الله بكره يبقى فيه و احد بجردل مليان  تلج و حاجات ساقعة و فوطة صغيرة على ايده الشمال و لابس  طايقة على راسه و

” بيبس .بيبس.بيبس “

عالفكرة توجد اسال احب ان القأرى بساعدنى فى  البحث عن اجابة لبعض الاسئلة المحيرة

  1. هو نوع اللب كان ايه اسمر و لا ابيض؟؟

  2. من مقلة ايه علشان ان باحب اتعامل مع المقلة بتاعة رئيس الوزارء اكيد لبهم سوبر ؟؟

  3. نظيف كان بيودى قشر اللب فين و لا كان بيتف و تجى زى ما تجى

  4. هو فين مصطفى بكرى و نواب الاخوان مش مفروض يقدموا استجواب برضه

اسئلة حلوة و مسلية

 

Advertisements

7 responses to “عن شراب رئيس البنك الدولى و لب رئيس الوزراء المصرى

  1. محمد كتب:

    لو الواحد عايز ياخد عظة أخلاقية فممكن ياخدها من أي حد الا وولفويتز.

    بول غالبا – والله أعلم- متعمد انه يظهر بالشراب المخروم، هوا كان عارف انه رايح يزور مسجد – الصورة متاخدة له بعد زيارته لمسجد اثناء زيارته لتركيا- وهوا عارف انه في المساجد بتقلع الجزمة – لانه كان سفير امريكي في بلد اسلامي (اندونيسيا)-
    اعتقد انه بيحاول يظهر بصورة انسانية ومتواضعة بدل صورة المجرم بتاع حرب العراق أو البنك الدولي

    ده غالبا…

  2. zeinobia كتب:

    ممكن و الله يا محمد و ممكن يكون تكون غلطة مرة شوفت صورة لامير اندور ابن ملكة انجلترا برضة بشراب مخروم
    و ممكن يكون رجل عملى زى بيل جيتس اللى قابل مبارك بكوتشى

  3. shaimaa كتب:

    زنوبيا اعتقد انه كان لب سوبر اولاا
    ثانيا اسم المقله دا اكيد سر حربي مش اي حد يعرفه هوا دا شويه اننا نعرف رئيس الوزراء بياكل لب منين
    ثالثاا يازنوبيا ان الله حليم ستار الراجل كان بيقزقز ويحط القشر في جيبه علشان بيحافظ علي نظافه المجتمع
    رابعا اعتقد والله اعلم انه رش عليهم رشه جريئه شويه لب علي سوداني علي حمص فا كل واحد قعد يقزقز وقالو ساعه الحظ ما تتعوضش ياراجل
    وبعدين قزقزه الب دا حق دستوري لكل مواطن
    😀

  4. zarafahasooda كتب:

    أنا أحسدك
    أنا أحسدك
    أنا
    أ
    ح
    س
    د
    ك

  5. zeinobia كتب:

    اظن يا شيماء انه لب سوبر يليق برئيس الوزارء
    حول النظافة فبما هو “نظيف” فيمكن يكون عمل زى مل قولتى “فى جيب الجاكيت”
    و عن الحق الدستورى انت عارفة يا صديقتى العزيزة انه ما كانش بيقزقز لوحده
    مفيد شهاب كان معه و اظن بما ان شهاب متخصص فى القانون و الدستور يبقى اكيد القزقزة لها اساس فى الدستور

    يا زرافة مجرد سؤال برىء بتحسدنى على ايه ؟؟

  6. آخر اخبار الموضوع ده ان الدكتور نظيف صرح انه ما كانش لب
    كان سوداني
    واكيد سوداني اسواني ماهو لازم يشجع المنتجات المصرية

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: