وقائع مصرية

وقائعى باللغة العربية

نقفل الشباك و لا نفتح الشباك: حول حرية التدوين

في 12 يناير 2007

أكون كاذبة اذا كانت راضية او سعيدة بحال التدوين المصرى حاليا كمدونة قديمة باللغة الانجليزية و حديثة باللغة العربية .كنت فى بدء الامر عندى امل كبير فى مستقبل  افضل للمجتمع و الدليل هولاء المدونين و المدونات الذين اثروا اعجاب العالم اجمع ليجعلوا منا بالفعل السلطة الرابعة و يشهد الله العالى القدير ان كم اخاف على المجتمع التدوين المصرى الشهير “بالبلوجسفير” من ان يدمر او يمنع او يراقب من الحكومة الرشيدة

 اجمل ما فى التدوين عامة انه مرآة لاى مجتمع

كالوان الطيف

من كافة الطبقات والمناطق و الاعمار و الخلفيات و الاجناس و الاديان

تجربة جميلة تعلمت منها المعيشة مع الاخر

و لكن تلك التجربة الجميلة التى اخشى عليها ان تضيع انتهت و الصورة فى المرآة صارت بالفعل كالمجتمع المصرى الان فى اسوا صور و مراحل

التطرف الكامل بجميع المقاييس 

 البداية كانت المسيحين المتطرفين فى الخارج و العلم القبطى و مقال اخبار الحوادث 

وبعدها المسلمين المتطرفين

ثم اللادينين 

ثم ما اطلق عليهم قليلو الادب اللى بيتكلموا بالفاظ مش محترمة و بيتكلموا فى الجنس باسلوب مش ظريف 

و قبلهم السادة المعلقين غير المدونين اللى بيعبروا بأسلوب اقل ما يقل عليه انه حضارى

انا فاكرة كويس لما الزميل العزيز “مالك” اتكلم عن مشكلة التحرش شوية معلقين اتوا و شتموا بسوأ الالفاظ و اضطر هو و وائل عباس ان يرودا التحية بمثلها و اصبح الشغل الشاغل فى المنتديات كهريدى و ديفيدى العرب مش مشكلة التحرش بس  المدونين و لسانهم الزفر  

خلينا نبقى نكلم بمنتهى الصراحة

احنا شعب لسانه طويل بلا فخر ايوه ده ضد الدين و الاخلاق و القيم بس  دى حقيق روح شوف اى خناقة فى الشارع و هتسمع و  تشوف كوكتيل من الردح و الشرشحة البلدى

و بما ان المدونات مرآة تمتع بحرية الانترنت الغير محدودة فكان لازم وصول الردح و الشرشحة اون لاين عالفكرة لا احنا اول شعب و لا اخر شعب كل شعوب العالم كده 

على اية حال زى ما قولت الموضوع تطرف بشكل خطير

  اصبحت المدونات اللادينية كنار فى الهشيم و تعددت كل الحدود من اساءات لاديان كافة عامة و الاسلام خاصة بدعوة حرية الرأى 

و ايضا اصبحت المدونات الدينية المتطرفة كنار فى الهشيم و اصبحت ليست فقط مسلمين و مسيحين بل ايضا سنة و شيعة ايضا بدعوى حرية الرأى

حاجة تقرف

و تخوف ليه

لان الامن فى مصر متمثل فى وزارة الداخلية مش عاجبه التدوين و مستنى سقطة لفرض رقابة او حتى تجريمه

التهمة جاهزة با سادة

ازدراء الاديان و تهديد السلم العام و التحريض

اخطرهم ازدراء الاديان لان الشعب مصرى متدين منذ ايام الفراعنة يكفى ان مجلة زى روزاليوسف برئاسة صديقنا العزيزكرم جبر  وضع جزء من العنقاء او اخبار الحوادث او حتى اخبار اليوم بهجوم ضارى من ممتاز القط  بوضع امثالة من نكيف و عبد الكريم و السيئة تعم و الحسنة تخص 

و لتبدأ حملة مكارثية ضد التدوين و المدونين 

يا سادة ارجو الانتباه اولا التدوين ليس حكرا على السياسة و لا على الدين و لا بث الافكار 

التدوين هو مجرد اداة للتعبير عن الشعور الشخصى على الاقل هذا ما اظنه 

انا لا ادون من اجل قراء او شهرة او مال 

انا ادون من اجلى انا 

فكرة الرقابة ايضا مخيفة من هيضع المعايير و على اية اساس يتم المحاسبة عليها !! وكيف تفرض علينا  يوجد مدونين خارج مصر و يوجد مدونين اجانب فى مصر ايضا 

انا اومن بوجود قيود على الحرية لان هذه القيود هى ما يمنعها من ان تصبح فوضى مثلا واحد ماشى فى امان الله يقوم قتل واحد تانى بدعوى انه حر

انا اؤمن بان الجنة يوجد لها اسوار تحميها

انا لا استطيع فرض قيود على احد و سلاحى الوحيد هو الحوار و افضل طريقة للرد على كل هولاء المتطرفين هو الحوار المعتدل الصحيح العاقل بنفس السلاح طبعا عارفينوه و هو المدونات معلش القاء القبض على كريم و محاكمته مش الحل الامثل عبد كريم تحول لبطل من ابطال حرية الرأى فى الغرب

الحل الامثل هو الحوار الرد على كل حاجة بيقولها هو و نكيف و امثالهم بالرد البعيد عن االتطرف

الرد العاقل

ده فى رايى

الاساءة للمقدسات الدينية اكتر حاجة  بتغضبنى

و هى اللى دفعتنى للمناقشة الموضوع ده  

للاسف الحرية تأتى بمسئولية و حتى الان ليس فى مصر فقط بل العالم العربى باكمله لا يفهم  معنى الحرية الحقيقى


21 responses to “نقفل الشباك و لا نفتح الشباك: حول حرية التدوين

  1. Dananeer قال:

    تغطيه حلوه يا زنوبيا
    معاكى حق فى كلامك

  2. zeinobia قال:

    ميرسى يا دنانير و نورتنى

  3. princessme82 قال:

    Gazaki Allah kol khyr.. It’s ture.. the scene on the blog sphere is getting more and more disgusting.. It seems to me that some people use foul language just for the sake of celebarting anonemity… The thing that I hate most is the offensivly secular tone in some blogs..they really turn me off

  4. zeinobia قال:

    Thanks my dear sister , may Allah bless you too, yes the scene is so terrible ,I can’t accept that offensive secular tone against religions especially our religion the Islam either ,I wish they stop but what we can do thanks to that Freedom
    the best thing we can do is answer them in a respectable way that our religion calls for it ,in a civilized manner away from screaming , using the logic of our religion
    That’s the best answer
    unfortunately I can’t do it now because I am so angry from those blogs to make answer logically

  5. Nah·det Masr قال:

    Dear Zeinobia, while I agree with you that Bloggers are testing the limits of freedom, I don’t think that censoring them by the Interior Ministry is the solution, since this has never worked, and there are ways to bypass blockages as you know. I agree with you that arresting bloggers will turn them into heros, but I also think that arresting bloggers in Egypt, will make more room for Egyptian expats to seek more publicity by attacking the same contraversial problems. I think the best way is to educate the people to be able to distinguish between good and bad blogs. I think that Nakneef, Kareem, benkerishan, and others are doing us a tromendous favour by challenging us to think and understand our religion. After reading benkerishan, I went to get “Sahih Al-Bukhari” to read more in my religion and understand.

  6. zeinobia قال:

    Dear Nah.det Masr ,I never said that I want the interior ministry heaven forbids to censor the blogsphere
    I believe that we both agree that talk is the best to answer those people is by logic conversation based upon good reading and good understanding to answer better
    You know I used to do so in Yahoo!answer , but it shocked me the level of language and hate of those Egyptians

  7. Hany George قال:

    للأسف مافيش حاجه ممكن تتعمل غير أنه لما نشوف حاجه سيئه نعترض عليها … و أن كان الأعتراض سيؤثر أم لا فدي مشكله أكبر … لكن زي ما في الحلو في الوحش … هو ده حال الدنيا اليوتوبيا مش موجوده … و لا كانت موجوده أبدا

  8. كبير المتشردين قال:

    اولا يا زنوبيا واسف لو قلت زنوبيا من غير القاب انا اعتذرت ليكي علي صفحات مدونتي علي اني ذكرت اسمك عن طريق الغلط في الموضوع واناا بجد اسف اسف اسف والحقيقة ان الاسم هو نهضة مصر وانا صلحت الغلط وكتبت ده في الرد واعتقد ان رده او ردها لم يكن للانكار ولكن اسلوب خاطئ في النقاش واسف كمان مرة ليكي
    اما بالنسبة للموضوع شايف انك متشائمة جدا من مستقبل التدوين انا شايف ان المستقبل احسن بس الطبيعي ان الافرازات الخاطئة لازم تظهر وعددها يزيد ده واقع ولازم تتواجه زيها زي اي تصرف غلط وعموما التدوين ده افرازات مجتمع ولازم يكون في واقع مماثل للمجتمعات ولازم يكون في الكويس والوحش وعموما الاسود مش بيبان غير جنب الابيض
    اخيرا انا اسف مرة كمان المرة دي علشان غلطة تاني انتي مديتهاش اهتمام هي اني اتأخرت في زيارتي لمدونتك بس للاسف علشان كنت مشغول

  9. zeinobia قال:

    يا كبير المتشردين انا انسانة لا ا}ؤمن بالالقاب و لا اقف عندها كثيرا
    اعتذرك مقبول
    و كلامك عن الموضوع منطقى بس الكراهية وصلت امستويات عالية مش علمانين و مؤمنين بل سنة و شيعة
    و مش بعيد بكرة يبقى ستات و رجالة و الله انا فاكرة لما اشتركت فى مدونة ليلى الدنيا قامت ما قعدت من الرجالة
    لازم اخاف لان اللى فى المدونات هو افكار اكثرها لا يقال فى المجتمع علنى

  10. minesweeper قال:

    أعتقد إن المشكلة هي ذلك التصور عند البعض بأن البلوجسفير المصري هو خليط متجانس من المدونين. المدونات المصرية كما ذكرتي هي مرآة لشريحة كبيرة من مجتمعنا، و لا يمكننا إنكار أن الغوغائية و السفسطة التي تمتلئ بها بعض المدونات ليست موجودة في المجتمع. يمكن أهم ميزة للتدوين هي الساحة المفتوحة للنقاش و التعددية في الاتجاهات. ممكن نختلف في جزئيات و نناقشها عن طريق التعليقات، أما لو كان الخلاف جذري و لا توجد أرضية مشتركة للحوار فالأجدى هو تجاهل تلك المدونات بدلا من مهاجمتها.

  11. كبير المتشردين قال:

    شكرا علي انك قبلتي اعتذاري ده اولا اما ثانيا لا تخافي من من هم يصارحونك القول الكراهية والفساد ولكن خاف من من هم يردتون ثياب الزهد والورع وهم في الاصل خلاف ذلك ولكن الوضع ليس بيد احد ان شكاونا الان الي الله

  12. zeinobia قال:

    @minesweeper,
    لا ادعو للمهاجمة هذه المدونات و لا تجاهلها لخطورة محتوها مثلا لو مدونة متطرفة دينيا تنشر احاديث و اشياء مسدسوسة يجب
    الرد عليها و تصحيحها
    المغلطات و الاكاذيب التاريخية اللى بينشرها الناس اللى زى عبد الكريم و نكيف لازم الرد عليها باسلوب منطقى بعيد عى التشدد
    الحوار مش معناه انى ادخل فى حوار مع دول شخصيا و لكن طرح الافكار المضددة باسلوب بعيد عن التطرف ايا كان نوعه

    @كبير المتشردين
    بالفعل انا اخاف اكثر من ينشر افكار الفتنة و التطرف بدعوى الدين لانهم اكثر تأثيرا على البشر

  13. sherif nagib قال:

    التجربة الجميلة هي أن تكتبي و تلاقي خمس أنفار ترتاحي لهم و تشعري بوجود رابط إنساني بينك و بينهم بيقرأوا لك، ده أجمل شئ في التدوين.. إنك تكلمي ناس على دماغك.. أنا شخصياً ما بيعجبنيش ثلاث أربع اللي بيعلقوا عندي و لولا انها عيب لكنت مسحت تعليقاتهم تماماً و بافكر أقفل التعلقيات لولا إن فيه ناس أحب أقرأ رأيهم في اللي باقوله !

    فيما عدا ذلك أنا لا ألوم الناس أو الصحافة أو غيرهم على تكوين صورة سيئة عن اللي بيقولوا عليه مجتمع التدوين المصري زي ما بتقولي، في الحقيقة ده كرم و فضل من عند ربنا لأن مجتمع التدوين المصري أوسخ 50 مرّة من اللي هم فاكرينه . معظم مجتمع التدوين المصري في نظري أنا هو شوية عواطلية على نكرات على ناس عاوز تصاحب بنات بأي طريق و السلام حيث إن موضة الشات و المنتديات راحت.
    مجتمع التدوين المصري هو حظيرة من الدجاج العقيم.. دجاج لا يبيض و مع ذلك تجدي صوته عالي.. مما يغري بذبحه لولا أن لحمه نجس ينأى المرء عن تذوقه .
    مجتمع التدوين المصري هو فرصة رائعة لكل مزيف عديم الصفة أن ينصب نفسه أستاذاً و يلقي علينا المحاضرات في الحريات و الحقوق و علم الفلك و كل الحاجات الخرة دي اللي ممكن الواحد يستخدمها كمبرر عشان يزني مع قرد لو أراد !
    و الطريف أنه على ما بأفراده من نقص و insecurities ، تجدي أن مجتمع التدوين المصري به كم غريب و رهيب من التعالي و الغرور ..من شوية عيال بشخة غلابة !
    أما عن حواراتهم فحدثي و لا حرج، إذ أن لدى جميع أفراد مجتمع التدوين المصري قدرة عجيبة على اثبات الأمر و نفيه في نفس اللحظة إن أراد، هم أساتذة في الجدل و لديهم المتسع من الوقت للكتابة و الكتابة والكتابة ، و لن تصلي معهم في نقاش ما إلى نتيجة.. أي نتيجة !! سواء ترضيك أو تغضبك.. فقط تصلين لحالة من انعدام الوزن و غياب المفاهيم هي أفضل تعبير عن الفكر الانتقالي لهؤلاء.. فكر انتقالي مش جاي من حتى و مش رايح حتة.. بيتمرقع كده زي العاهرة اللي واقفة جنب عمود النور و مش عاوزة زبون !
    مجتمع التدوين المصري هو مرتع رهيب للقوادة و الشللية، إنسي فساد المؤسسات التي يسخرون منها !!

    صدقيني يا زينب، أنا شايف المجتمع و الداخلية ناصفين مجتمع التدوين المصري و معطيينه أهمية زائدة، و لو تجاهلتهم الداخلية عاماً أخر لاستكانت كل دجاجة في عشها.
    مجتمع التدوين المصري هو مزبلة بشرية إلا من رحم ربي، هو بالفعل مقرف و مقزز.
    نعم أنا لا أحب مجتمع التدوين المصري، بل و أحتقره جداً و أرفض تماماً أي تجمع للانتماء لذلك الكيان الذي يحتوي هذه الحثالة الآدمية.
    و لولا ان لسه فيه ناس قليله كويسه كان الواحد قفلها بالضبة و المفتاح من زمان.
    و بالمناسبة كل ما هو بالاعلى هو رأي و مزاج شخصي، يعني مش مستعد أتناقش فيه.

    و أسف يا زينب لو كانت لغتي حادة شوية، بس إنتي صعبانة علية انك بتحاولي تتفاهمي مع شوية زبالة ماينفعش معاهم تفاهم أو كلام، بس طبعاً إنتي حرة و انا مش حاديكي ناصيح على طريقة المدونين اللي عاملين فيها مدرسين!

  14. zeinobia قال:

    منورنى اول شىء يا شريف
    عالفكرة هتتفأجا انا موافقة على معظم اللى قولته
    الا انى احاول لمجرد شرف المحاولة و الساكت عن الحق شيطان اخرس ربما لان اتعلمت من التدوين كده
    شوف يا شريف ايوه الصحافة هى و الداخلية ادت مكانة للتدوين ليصبح هو مكان الصحافة
    ايوه بره دلوقتى بيعتبروها مسالة وقت و الصحافة الشعبية زى ما بيقول عليها
    التدوين فى بلد زى مصر ممكن يبقى وسيلة للتعبير ارقى من كده
    لكن للاسف كعادة المصريين والعرب حولوا الموضوع ليصبح زى القنوات الفضائية الغنائية
    عالفكرة انا برضه كانت بابعد عنه و نادرا ما كانت بازور المجمع البمبى لغاية الفترة قريبة قبل انتقاله للعمرانية
    للاسف المجتمع ده يبكبر كل مدى و بيلم
    حاقول ايه بس مجرد ال2 سنت بتوعى
    منورنى تانى و ياريت تكررها صحيح مش عارفة هاكمل فى موضوع العربى او لا

    @هانى جورج
    مرحبا بك
    الاعتراض على الشىء هو احسن من تركه هكذا

  15. sherif nagib قال:

    أنا مندهش فعلاً بس قشطة🙂
    عاوز أوضح بس نقطة واحدة و عارف إنك فاهماها بس عشان ماحدش يفهمني غلط، أنا كنت باتكلم عن مجتمع التدوين المصري، مش على المجمع بالذات يعني سواء البمبي أو الحالي، المجمع فيه ناس كتير الواحد بيحترمها رغم اختلافه معها في حاجات كثير.

    كان لازم أوضح بس عشان ماتوقعيناش في الغلط يا زوبه🙂

  16. zeinobia قال:

    ما تخافاش مش هاوقعك فى الغلط اساسا انا كتبت نموذج البمبى و العمرانية لانهم بالنسبة لى المكان الرئيسى مع احترامى للمواقع القلائل التانية
    عيب يا شريف احنا من اولاد المجمع🙂
    صحيح التصميم الجديد هيقتلنى بس برده احنا اولاده
    لو كنت بانتقده فلانى عايزهه الافضل
    سيبك من الموضوع
    مش هاكتب نقد على افلام العيد الجديد
    ولا ايه

  17. sherif nagib قال:

    خيانة مشروعة حلو جداً مع إني باحب خالد يوسف و فيه فكرة عالية.
    محطة مصر فيلم رخيص.. أخره يتشاف على روتانا سينما في العيد و نبقى ضيعنا وقت كمان !

    بس كده ، دول اللي شفتهم و ده رأيي🙂

  18. sherif nagib قال:

    ———غلطة مطبعية—–

    أقصد : “مع إني مابحبش خالد يوسف” ، ممكن تصليحها و تمسحي الرد التصحيحي ده لو حبيتي .

  19. zeinobia قال:

    و الله يا شريف انا كمان ما بحبش خالد يوسف و لا هانى سلامة و لا مى عزالدين فوق البيعة
    محطة مصر اظنه مسروق من فليم تانى بس مش فاكرة ايه هو بس انا باحب كريم و منة لكنه تافه
    الفليم اللى انا منتظره نزوله بفارغ الصبر فى مصر فليم ميل جيبسون و مش عايزة انزله من النت عايزة اشوفه فى السنيما

  20. sherif nagib قال:

    بيقولوا مأخوذ من فيلم
    A Walk in the Clouds

  21. zeinobia قال:

    اوى افتكرته و الله ده شىء غير مستبعد
    عالفكرة فليم كيانو ريز كان حلو اوى

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: