وقائع مصرية

المصريون نشرت عالرغم منها خدعة

و داوقتى مجلة أكتوبر الاسبوعية بتنشرها عالاساس انها حقيقة مؤكدة

الجين بتس هى عمل فنى من صنع ادام برندخس تم عرضه بالفعل كخدعة فى متاحف الفن الحديث فى 2007 يا ناس

طبعا موقع الجين بتس خدع ناس كتير بس فى احتراعات اسمها جوجل و ويكييدبيا

فاكرين الاعلانين اللى كانوا بيقالوا “روحى يا بت يا هانيا عند كوبرى المنيب ” و عند كوبرى المنيب البت هانيا و احنا كلنا وجدنا عرض زواج “تتجوزينى يا بت هانيا” بالانجليزى

الواقعة التاريخية اللى المدونات و بعدين الجرايد  اكلمت عنها و يوسف معاطى استخدمها فى مسلسل “يتربى فى عزو”

دالوقتى اللعبة دى بقت موضة و يبدو انها اصبحت سبوبة رزق لشركات الاعلانات

بعد هانيا فى الانسة داليا و المتيم بحبها السيد فضل الذى يتمنى ان تكون زوجته

الاعلان الجديد موجود فى شارع وداى النيل بالمهندسين امام بنك سوسيته جنرال

الرسالة مكتوبة  باللغة الانجليزية و لا اعلم اذا كانت الانجليزية هى  اللغة الرومانسية الجديدة او علشان بقية الشعب لا يعلم ما بين فضل و داليا او ربما لاظهارعاطفتنا الجياشة امام السياح

“انا صعبان عليا “

قالها عمرو دياب امبارح فى حقل القوات الجوية بمناسبة اليوبيل الماسى لانشائها و التى حضرها رئيس الجمهورية و عائلته مع كبار رجال القوات المسلحة و خاصة القوات الجوية

الحفلة نقلها التليفزيون الرسمى المصرى على قناته الاولى بالامس

عمرو دياب غنى لمدة ساعتان اجمل اغانيه و كان ناقص يراقص الحجر زى ما بيقولوا و لكن ان كان يغنى لتماثيل كان ارحم

ما حدش كان بيصقف لعمرو على رغم من المجهود الجامد اللى عملوه

الريس قاعد و يبدو انه كان فى عالم تانى و اكتفى ان يصقف بفتور اوى بعد كل اغنية

عمرو فقد الامال ان يخلى فى بهجة

يمكن الناس دول بيحترموا الريس اوى هو يصقف بحماس نبقى نصقف بحماس و لو يصقف بفتور نبقى نصقف بفتور

مع احترامى الشديد القوات الجوية اساءت الاختيار لان عمرو باسلويه لم يكن الاختيار الانسب لمثل هذا الجمهور ايوه هو اغلى مغنى و انا متأكدة انه لم يأخذ مليم احمر او ابيض منهم “هل يجرؤ ؟؟”

كان من الافضل ان يختاروا فرقة الموسيقى العربية

عمرو كان ناقص يقولهم

“ابوس ايدكم صقفوا و نبى صقفوا !!

عالفكرة محمد و عمر احفاد مبارك شكلهم قاعدين صعبانين عليا اطفال فى الاخر مهم كان قاعدين فى حفل سخيف نكدى

سيادة العقيد اللى حتى الان لم يرتقى 

العربية نت – معمر القذافي: الديمقراطية تعامل الناس “مثل الحمير”

عالفكرة وضع ليبيا من اسوا الاوضاع فى البلاد العربية

اقربائى الذين سافروا هناك دائما ما يرجعون و معهم حكايات عجب العجب و البركة فى العقيد و لجانه الشعبية التى تشل المدن باجتماعاتهم طوال السنة

عايزين تعرفوا نظام اللجان الشعبية اتفرجوا على الفضائية الليبية و ستروا ما سبب التهريج و التخلف بعينه

بالفعل الديمواقرطية بتعامل الناس زى الحمير علشان كده كل الدول الديموقراطية فى العالم الاول و بتتحكم فى بقية العالم

“اللهم لا تؤاخذنا بما فعل السفهاء منا”

يوجد مثل مصرى عامى يجب ان أذكره و هو

“يا قاعدين يكفيكوا شر الجايين ”

و لا حاجة لى فى شرح معنى لان حتى غير المصريين سيفهمونه و هى طايرة

عندما تكون مدمن تدون مثلى و يوجد لديك مدونة فى معظم و اشهر خدمات التدوين العالمية ستجد من وقت الى اخر تعليقات غريبة من تعليقات عنصرية الى سافلة الى مجنونة الى غريبة

أقرأ باقي الموضوع »

انا اسفة و لكنى فتاة مصرية مؤدبة ولانى  لو لست مؤدبة كنت قلت  كلمة قليلة الادب و عملت حركة افل ادبا

البيه محافظ الدقهلية بيقول ان السبب الرئيسى وراء ازمة المياه هو ان المصريين بقوا بيستحموا اكتر من مرة فى اليوم

نعم  يا اخوى

هو سعادة اللواء ما كانش بيستحم فى كلية الحربية او الشرطة ؟؟

نفسى اعرف بيلقوهم فين العاهات دى

جاتهم القرف لا رائحة العرق احلى

و بعدين حمامات اية الراجل بيكلم عليها اذا كان الناس مش لاقية مياه اساسا

الموقع الرسمي لجريدة الوفد

يوم الخميس اقامت القوات المسلحة حفلها السنوى للاحتفال بخريجى الكليات العسكرية مع خريجى الجامعات اللى عالفكرة و للمعلومة الخاصة لقرائى الاعزاء الخريجين دول ما مش دايما الاوائل الفاعلين , بس كده

الحفلة المملة كالعادة حضرها الريس و حرمه السيدة الاولى و طبعا القناة الاولى نقلت و كالعادة لم اتفرج عليها و ليتنى فعلت لانى علمت ان المطربة لطيفة غنت فى الحفلة و كان السؤال

يا  ترى يا هل ترى غنت لطيفة رائعتها الرحبانية “بنص الجو” للريس ؟؟؟

ممكن تكون غنتها عالاساس الحضور ده  من الريس و الجيش مش ها يفهموا عالطول المعانى اللى عايز يوصلها زياد الرحبانى

يبدو ان الرئيس الفرنسى ساركوزى مالوش  فى الفودكا الروسى و هو السؤال اللى بيطرح نفسه اذا كنت مش قد الفودكا بتشربها ليه