و العنقاء ليست حقيقة فى النهاية
البلوجوسفير المصرى او الوسط التدوينى المصرى واقف على راجل و لم يقعد منذ ان نشر يحيى مجاهد على مودنته
تدوينته المستفزة المسمى بالعنقاء حيث جئت له الجرأة ان يتجرأ على نص قرانى
بالطبع استفزننى بس طبعا مش زى اخرين استفزونى اكتر
يا حماعة هل تعلمون ان مجاهد مش اول مجاهد بتجرأ على نص قرانى ؟؟
ابو جهل لعنة الله عليه عمل نفس الشىء
بس اين هو ابو جهل الان ؟؟
يا جماعة اين هو ابو جهل من حضارة حكمت هذا العالم ل6 قرون و جعلت العالم يتحدث العربية فى هذه العصر الذهبى العربية لغة القران
لا اظن ان دين مليار نسمة سيهتز ايمانه بس واحد حشاش من الحشاشين العرب
ربما كان الحل الامثل كان تجاهل العنقاء
فالعنقاء مجرد خرافة من الخرافات
و الخرافات يعشقها الجهلاء
و الكلاب تعوى و القافلة تسير
و دعونا نكون كنخل يقذفونه باللاحجار و بقذفوهم باطيب الثمار
![]Dwwen](http://www.dwwen.com/images/dwwen_80_15.gif)
ياريت كل الناس تفكر زيك مش زي اللي هددوا بالويل والثبور وعظائم الأمور. للأسف هذا ما يميزنا كمسلمين! عندما ينتقد بابا الفاتيكان ديننا بانه مبني على العنف، نقوم بقتل راهبة عجوزة في لبنان ونحرق قنصليات الدانمارك وغيرها احتجاجاً على وصفه لنا بالعنف!
وبالتالي نؤكد توصيفنا بالعنف!
المطلوب تغيير ثقافة العنف وعدم تقبل النقد او حتى السخرية من الأخر او من أنفسنا! هل قام احدهم بتفجير دور السينما التي عرضت فيلم “الأغراء الأخير للمسيح؟” او “شفرة دافنشي”؟ هل هم أكثر تسامحاً منا؟ ام اننا أصبحنا نمتلك ثقافة متخلفة لاتمت بصلة لثقافة العصر الذهبي للأسلام؟؟
Nah·det Masr
19 يناير 2007 في 6:31 م
عالفكرة نهضة مصر فى فرنسا تم حرق دور عرض بفرنس فى فليم “الاغراء الاخير للمسيح”ا و وقف عرضه فى لبنان حتى الان
عالفكرة الرد كان عنيف جدا على االفليم
يا عزيزى الرد المنطقى على البابا بدلا من القتل او الحرق هو مجرد سرد لتاريخ الكنيسة الدموى
حرق القنصليات و السفارات كلها اشياء اكثرها سياسية
هى ليست ثقافة العنف و لكنها موضة العصر صدقنى من الجهة الاخر فى العالم توجد نفس العقلية المتطرفة
zeinobia
19 يناير 2007 في 7:24 م
الواحد كان ممكن يتضايق لو كان النص طريف أو مسلي، لأنه هنا يصبح مثل النكتة الدينية التي تضحكين عليها ثم تشعرين بالذنب و الألم بعدها. يعني مثلاً السخرية من الأديان في مسلسلات “فاميلي جاي” و “ساوث بارك” بتضايقني لأنها بتضحكني.
هذا لا ينطبق بالطبع على النص اللي ذكرتيه و بهذا أجده لا يسترعي التوقف عنده أصلاً!
بصراحة أنا حاسس إن الردود كلها جاءت لمصلحة صاحب التدوينة .
sherif nagib
19 يناير 2007 في 7:40 م
اظن عيب اوى تتطاولى على الكنيسة وتتكلمى في اللى ملكيش فيه
بعدين ما تشوفي يا اختى تاريخ الدولة الاسلامية بتاعكم
دا انت مش بس كنت بتقتلوا اليهود والمسيحين كنتم بتقتلوا بعضكم
دولة الاسلام الذهبية بتاعتك دى قتلت الامام الحسين و فصلت راسه عن جسمه
حفيد النبي -ص- الحسين قتلتوه
فيه فجر بعد كدا
وتقولى سماحة الاسلام
يا اخى احه
صحيح ناس تخاف متختشيش
بلاش بقي تقعدى تقولى تاريخ الكنيسة
كل واحد خليها في تاريخه وخلاص
ebles
19 يناير 2007 في 7:40 م
@شريف
طبعا جاءت فى مصلحته انت عارف ان مدونته بس التدوينة دى بقت اسرع المدونات انتشارا فى ورد برس دوت كوم اساسا انا داخلت ليها اساسا من ورد برس دوت كوم كتدوينة منتشرة من الرودود
@ابليس
انا لم اتطاول على الكنيسة لا من قريب و لا من بعيد و لا اظن ان احد ينكر جرائم و المذابح اللى ارتكبت باسم المسيحية تحت امر و رعاية الكنيسة فى روما و فى اوربا نفسها
و الله يرحم محاكم التفتيش و الكارثين فى فرنسا
تانى حاجة بس علشان المعلومات التاريخية حضرتك بتكلم و تقول انتم قتلوتم و عملوتم
و الله لا اعتبر زيد بن معاوية او الحجاج
من حكام العصر الذهبى للاسلام
تالت حاجة لو سمحت انا متعودة فى مدوناتى على مستوى معين من الحوار ياريت بلاش الالفاظ دى
رابع حاجة انا مش مستنية حد يقولى اتكلمى فيه او متتكلميش فى ايه
zeinobia
19 يناير 2007 في 8:08 م
مش عارفة ارد عليكي وله ارد على ابليس الخبيث.. بس يله انتي رديتي عليه كويس وعموما ربنا رد عليه وعلى امثاله وقال (ولن ترضى عنك اليهود ولا النصارى حتي تتبع ملتهم) وقال (ود كثير من اهل الكتاب لو يردوكم من بعد ايمنكم كفارا حسدا من عند انفسهم فعفوا واصفحوا حتي يأتي الله بأمره إن الله على كل شئ قدير) يلله حسبي الله ونعم الوكيل
وبالنسبة للبوست بتاعك..انا حقيقة مقريتش العنقاء ومسمعتش عن الموضوع..لكن التجرأ اللي الكتير من المدونين المصريين فيه بقي شئ محزن ومقرف حقيقي..لكن الحمد لله ان عدد الناس اللي زيك واللي بيهاجموا الترند دي في كتاباتهم بيزيد..تقريبا مبيعديش يوم الا لما اقرا تعليق من مدون عن رفضهم لهذا الاستهزاء وهذه قلة الادب
ربنا يحفظك
princessme82
19 يناير 2007 في 9:16 م
سورى نسيت حتة في الاية
ود كثير من اهل الكتاب لو يردونكم من بعد ايمانكم كفرا حسدا من عند انفسفهم من بعد ما تبين لهم الحق فعفوا واصفحوا حتى يأتي الله بأمر أن الله على كل شئ قدير
princessme82
19 يناير 2007 في 9:17 م
فيه حاجه اسمها سوري نسيته حته من الايه؟ ايه حته دي هو احنا بنوزع طورطه؟
يا بيسو يا يهود و نصارى يا خبيس
زنوبيا : ايه يا ستى ، مافيش روح دعابه كده ليه؟ و بعدين بلاش كل واحد يشلق للتاني بتاريخ ، تشليق التاريخ هايخلينا ناخد كلنا كروت حمرا
spring456
19 يناير 2007 في 11:02 م
اه نسيت اقول لشريف نجيب
شفت الحلقة بتاعت تاريخ عائلة جريفين أو النظرية الجريفانية للخلق؟
spring456
19 يناير 2007 في 11:07 م
@spring456
التشليق بتاريخ زى ما وصفته با استخدمه من مبدا البيت من قزاز ما يحدفش الناس بطوب و معلش اصبحت موضة الاساءة للاسلام و وصفه بانه دين ارهاب و تاريخه دموى الى اخر هذا الموال للاسف مفيش روح دعابة
كروت حمر ا يه هو احنا بنلعب فى ماتش كورة
اما عن فامليى جاى فانا و الله شوفت الحلقة اللى بيسخر منها من الموت
عالعموم انا باحب ذا سمسبونز عن عائلة جريفين
@Princess82
ربنا يخليك يا رب
عالفكرة ابليس مش مسيحي على حد علمى
zeinobia
20 يناير 2007 في 12:20 ص
سبرينج : أنا شفت جميع حلقات فايملي جاي و جميع حلقات ساوث بارك، واحدة واحدة
زينوبيا : عمري ماحبيت سيممبسونز.. بس باحب التتر الكلاسيكي بتاعه قوي.
بالمناسبة سيمبسونز اتريق على فايميلي جاي قبل كده في حلقة و قالوا عليه إنه “مسروق” من سمبسونز، طبعاً كلام فارغ !
sherif nagib
20 يناير 2007 في 8:49 ص
ليه كده يا شريف
ده سمبسونز هم الاصل
احسن مسلسل سخر من الثقافة الاميركية
zeinobia
20 يناير 2007 في 4:53 م
ما زلت أعتقد إن التجاهل هو أحسن طريقة للتعامل مع هذا النوع من الآراء – إن كانت بالفعل آراء – بدلا من الدخول في جدل عقيم قد يعطي شكل من المصداقية لأصحاب تلك التدوينات. أتفق مع شريف نجيب على أن الهوجة دي المستفيد الوحيد منها هم أصحاب تلك المدونات، فالتعليقات عليها أشبه بالحطب الذي يزيد النار اشتعالا.
minesweeper
21 يناير 2007 في 10:00 ص
هو المشكلة ان القراء غالبا ما بيتصدموا و يبقى بالنسبة لهم الرد فى لحظتها هومن الصدمة العصبية و ده فى رايى هو اللى عمل للاصحاب المدونات شهرة
سياسة الصدمة
خلف تعرف
لو ان اصحاب رودود عارفين انهم وراء شهرتهم الحقيقة كانوا يمكن يكفوا عن التعليق
zeinobia
21 يناير 2007 في 12:48 م
إبليس لما مش بيلاقي حاجة يقولها ،بيرسم ذباب علي الحيطة وبعدين يجيب مضرب ويقوم ضاربه ضربة رجل واحد. فين الكلام عن الكنيسة في التدوينة دي؟؟؟
هو بيرد علي التدوينة دي ولاّ علي برنامج علي القناة الأولي؟
مختار العزيزي
25 يناير 2007 في 12:50 م
تصحيح: فين الكلام اللي في تطاول عن الكنيسة؟
مختار العزيزي
25 يناير 2007 في 2:54 م
متوقع من بيسو الشهير من ابليس ايه ؟؟!!!
و النبى اللى يلقى تتطاول على الكنيسة يقول
zeinobia
25 يناير 2007 في 5:24 م
زينوبيا، مع اني ضد التطاول على الأديان، انا شخصياً مبسوط بمساحة الحرية اللي موجودة في الفضاء الأفتراضي لأنها بتخلي مخنا يشتغل. انا مش بأكلم على العنقاء ولكن على تدوينات مثل أرض الرمال، أو نكنيف. هما بيطرحوا تساؤلات وتحليلات تخلي الناس تفكر وتكسر التابوهات ولأنها مش متعودة على التفكير، بتتصدم! انا شخصياً أضطريت أدخل على صحيح البخاري وصحيح مسلم علشان اشوف الكلام اللي مكتوب صح ولاغلط
Nah·det Masr
26 يناير 2007 في 7:52 م
نهضة مصر: ولو أني لا أعرف المدونات التي تفضلت وأشرت اليها إلا أن مسألة الرجوع الي مصدر الحديث أو الآية القرآنية ليس حلا وليس شاهدا في ذاته بل المطلوب دائما القراءة في السياق. يعني هناك اقتباس قد يكون صحيحا مئة بالمئة لكنه عومل بطريقة لا تقربوا الصلاة من حيث الظروف المحيطة، وبعض الأحاديث في البخاري ومسلم تحتاج إلماما واسعا . أنا عن نفسي عندما أقوم بترجمة حديث من البخاري أضطر الي الرجوع الي مصادر أخري كثيرة كي أفهم أولا. بالاضافة الي أن هناك أحاديث تشرح بعضها وآيات تفسر بعضها ولا يمكن أن يتم التعامل مع إحداها بشكل تعسفي.
مختار العزيزي
28 يناير 2007 في 6:30 ص
نهضة مصر كلام مختار صح مش كل التاس عندها المام بصحيح البخارى او تقدر تفهمه بسهولة او حتى تفكر فى التفكير ده
انها تدور على الحقيقة
الخطورة ان الكلام بيصنع فتنة
خالى باللك فى اتجاه باتهام نكييف بانه مسيحي بغض النظر عن مدى صحة الاتهام او كذبه ا لا انه اتهام خطير جدا جدا
zeinobia
29 يناير 2007 في 11:24 ص